Salmo 127 (126)
Tayta Dios yanapamanqantsik
Kay salmuqa Jerusalénman aywaqkuna cantayänanpämi. Salomón qellqanqan.
1 (1b) Wayita Tayta Dios mana shäritsiptinqa wayi aruqkunapis manakaqllapämi wayikunata shäritsiyan.
Markata Tayta Dios mana täpaptinqa cuidaqkunapis manakaqllapämi täpayan.
2 Patsa waranqanpita patsa tsakanqanyaq ñakar aruyanqaykipis manakaqllapämi kanqa.
Tayta Diosmi kuyanqan runakuna punuyanqanyaq munayanqankunata kamaripan.
3 Tsurintsikkunaqa Tayta Dios qaramanqantsik herenciami.
Wamrantsikkunaqa bendicionmi kaykan.
4 Chölullarä kaykashqa yuriq tsurintsikkunaqa imayka soldädupa makincho kaykaq flëchakunanömi kaykäyan.
5 Atska tsuriyuq karqa kushishqami kantsik.
Chikimaqnintsikkuna juezman apamashqapis tsurintsikkunaman yärakurmi mantsarintsiktsu.