Salmo 125 (124)
Kuyanqan runakunata Tayta Dios tsapanqan
Kay salmuqa Jerusalénman aywaqkuna cantayänanpämi.
1 Tayta Diosman yärakuqkunaqa Sión jirkannömi kayan.
Sión jirkan imaypis kanqannömi paykunapis mana ushakaq kayan.
2 Jerusalénta jirkankuna tumaypa tsaparanqannömi Tayta Diospis kuyanqan runakunata imaypis rikaykan.
3 Tayta Dios munanqannö kawaq runakunapa nacionninchöqa mana alli runakuna manami mandayanqatsu.
Mana alli runakuna mandayaptinqa jutsata rurarpis ruraykuyanmanchi.
4 Tayta Dios, munanqaykinö kawaq runakunata yanapaykullay.
5 Jutsa ruraqkunataqa mana alli runakunatawan castigaykullay.
¡Israel nacioncho runakuna alli kawaykuyällätsun!