Salmo 124 (123)
Tayta Dios salvakuq kanqan
Kay salmuqa Jerusalénman aywaqkuna cantayänanpämi. David qellqanqan.
1 Tayta Dios mana yanapamashqaqa ¿imanörä kashwan karqan?
Israel runakuna, kanan llapantsik nishun:
2 Tayta Dios mana yanapamashqaqa ¿imanörä kashwan karqan?
4 Jakashqa mayu imaykatapis apanqannömi ushakätsimashwan karqan.
5 Bunyaypa bunyar aywaq mayu imaykatapis apanqannömi illakätsimashwan karqan.
6 ¡Tayta Diosta alabashun!
Paymi tsapämashqantsik runakuna ushakätsimänantsikpä kanqanpita.
7 Toqllapita pishqu qeshpinqannömi makinpita qeshpimushqantsik.
Tsarimanqantsik waska rachikaptinmi qeshpimushqantsik.
8 Kay patsata y ciëluta kamaq Tayta Diosmi imaypis yanapamantsik.†