Salmo 123 (122)
Tayta Diosman yärakur mañakunqan
Kay salmuqa Jerusalénman aywaqkuna cantayänanpä cantumi.
1 Tayta Dios, qamllamanmi yärakamü.
Qamqa ciëlupita patsami llapantapis munaynikicho katsinki.
2 Patronninman wätay yärakunqannömi qamman yärakayämü.
Patrönanman warmi wätay yärakunqannömi kuyapäyämänaykipä yärakayämü.
3 Tayta Dios, kuyapaykayällämay.
Mana qonqaypa yanapaykayällämay.
Runakuna despreciayämanqanta manami atipayänatsu.
4 Chikimaqnïkunaqa alläpanami asipaykäyäman.
Runa tukuqkunaqa imaypis manakaqmanmi churaykäyäman.