Salmo 121 (120)
Tayta Dios yanapakuq kanqan
Kay salmuqa Jerusalénman aywaqkuna cantayänanpämi.
1 Jirkakunata rikarmi yarpachakü:
“¿Maypitarä yanapamaqnï shamunqa?” nir.
2 Noqapa yanapamaqnïqa kay patsata y ciëluta kamaq Tayta Diosmi.†
3 Paymi tsapämantsik imapis mana päsamänantsikpä.
Rikamaqnintsik karmi imaypis pununtsu.
4 Israel runakunapa cuidaqninqa imaypis rikchaykanmi.
5 Tayta Diosmi imapitapis cuidamantsik.
Paymi ima peligrupitapis tsapämantsik.
Yanapamänantsikpämi noqantsikwan imaypis kaykan.
6 Tsaymi rupaypis rupamäshuntsu.
Killapis manami imanamäshuntsu.
7 Tayta Diosmi tsapämantsik imapis mana päsamänantsikpä.
8 Tayta Diosmi maypa aywashqapis kananpis y imaypis rikaykämantsik.