Salmo 113 (112)
Tayta Diosta alabanqan
1 ¡Aleluya!
Tayta Diosta sirviqkuna, jutinta joqarir payta alabayay.
2 Kananpis imaypis Tayta Diospa jutin alabashqa katsun.
3 Patsa waranqanpita hasta patsa tsakanqanyaq maytsaychöpis Tayta Diosta alabayätsun.
4 Tayta Diosmi llapan nacionta munaynincho tsararan.
Ciëluchöpis paymanqa manami pipis tinkuntsu.
5 Tayta Diosnintsiknöqa manami pipis kantsu.
Paypa trönunqa ciëlupita mas junishchömi kaykan.
6 Tsaypitami ciëlutapis y kay patsatapis rikaykämun.
7 Tayta Diosqa muchuqkunatami yanapan.
Ministiqkunatapis taritsinmi.
8 Mayor runakunawan jamaränanpämi churan.
Markancho respitashqa runa kananpämi churan.
9 Qolluq warmitapis wamrayuq kananpämi permitin.
Wamrayuq kaptin kushishqa kawananpämi yanapan.
¡Aleluya!†