Salmo 100 (99)
Tayta Diosta agradëcikuyanqan
(1a) Kay salmuqa agradëcikur cantanantsikpämi.
1 (1b) Kay patsacho taqkuna, Tayta Diosta kushishqa alabayay.
2 Kushishqalla payta adorayay.
Ñöpanman kushishqa cantar yaykuyay.
3 Tantiyakuyay Tayta Dios japallan Dios kanqanta.
Paymi kamamashqantsik.
Noqantsikqa kuyanqan runakunami kaykantsik.
Majädancho kaykaq üshanmi kaykantsik.
4 Agradëcikuraykar templuman yaykuyay.
Alabaraykar templupa patiunman yaykuyay.
Jutinta joqarir agradëcikuyay.
5 Tayta Diosqa allillata ruraqmi.
Kuyakuq kayninqa imaypis manami ushakantsu.†
Awninqantaqa imaypis cumplinmi.