Salmo 82 (81)
Juezkunata Tayta Dios yätsinqan
(1a) Asaf qellqanqan salmu.
1 (1b) Ciëlucho munayyuqkuna qorikäyanqanchömi Tayta Dios juzgananpä shärin.
Paykunapa chawpincho karmi juezkunata nin:
2 “¡Imayyaqrä mana alli juzgayanki!
¡Imayyaqrä mana alli runakunapa janan shäriyanki! Selah
3 “Pïninpis mana kaqkunata y waktsakunata shumaq arreglayay.
Ñakaqkunapa y imaynaqkunapa janan shäriyay.†
4 Ñakaqkunata y waktsakunata mana alli runakunapa makinpita jipiyay.
Pïninpis mana kaqkunapa janan shäriyay.
5 Mana alli arreglarqa imayka upanömi kaykäyanki.
Imata rurayanqaykitapis manami musyayankitsu ni tantiyayankitsu.
Mana alli juzgayaptikimi patsata tukmaraq cimientupis tsuktsukyan.
6 “Noqami nirqä: ‘Qamkunaqa dioskunami kayanki.†
Llapaykikunapis poderyuq Tayta Diospa wamrankunami kaykäyanki.a
7 Tsaynö karpis wakin runakunanöllami wanuyanki.
Wakin mandaqkunanöllami ushakäyanki’ ”.
8 Tayta Dios, llapan nacionkunapapis qammi duëñun kaykanki.
Shamuykullayna runakunata juzganaykipä.