Salmo 43 (42)
Salvananpä mañakunqan
1 Tayta Dios, mana cäsushuqniki runakunapita salvaykallämay.
Tsay llulla y mana alli runakunapita tsapaykallämay.
2 Qammi imapitapis tsapämaq Diosnï kaykanki.
¿Imanirtä qonqaskallämashqayki?
Conträ shäriyaptinpis llakishqa mana purinäpä yanapaykallämay.
3 Taytay, awninqaykita cumplir yanapaykallämay.
Täkunqayki sagrädu jirkancho kaykaq templuykiman pushaykallämay.
4 Tsaynöpami altarnikiman chaykur arpata tukarnin alabashayki.
Tayta Diosllä, qammi shumaq kushikuyta qomanki.
5 ¿Imanirtä malagäna puriykä?
¿Imanirtä llakikü?
Tayta Diosllamanmi imaypis yärakushä.
Paytami imaypis alabashä.
Paymi salvamaq Tayta Diosnï.