Salmo 23 (22)
Tayta Dios mitsimaqnintsik kanqan
(1a) David qellqanqan salmu.
1 (1b) Tayta Diosmi mitsimaqnï.†
Manami imapis pishïmantsu.
2 Alli qewachömi mitsiman.
Chuya yakumanmi pushaman.†
3 Kallpä kananpämi yanapaman.†
Kuyakuq karmi alli nänipa pushaman.†
4 Tayta Dios, imaypis noqawanmi kaykanki.
Janächöna wanuy kaptinpis manami mantsarïtsu.
Tukruykiwan washämaptikimi imaypis qamman yärakamü.
5 Chikimaqnïkunapa rikananchömi bendicionnikita churamunki.
Umäman aceitita wiñaqnömi kushishqa chaskimanki.a
Bendicionnikita chaskirmi pasaypa kushikü.
6 Waran waranmi kuyapaykämanki.
Qoyay qoyaymi rikaykämanki.
Wayikichömi imayyaqpis qamwan kawashä.†