Salmo 15 (14)
Tayta Dios munanqannö kawaq runa imanö kawanqan
(1a) David qellqanqan salmu.
1 (1b) Tayta Dios, ¿pirä templuykiman yaykunman?
¿Pirä sagrädu jirkannikicho sirvishunkiman?
2 Tsaychöqa kayanqa jutsaynaqkunallami,
alli kaqta ruraqkunallami†
y rasun kaqta parlaqkunallami.
3 Paykunaqa manami pipa wasantapis rimayantsu,
runa mayinta traicionayantsu
y vecïnunkunapä llutanta parlayantsu.
4 Jutsa ruraqkunata manami chaskipäyantsu,
Tayta Diospita mantsapakuqkunatami respitayan
y perdiyänan kaptinpis awniyanqanta cumpliyanmi.
5 Qellayta prestarpis wachayninta manami cobrayantsu.
Jutsaynaqta tumpayänanpä pägayta munaptinpis manami chaskiyantsu.†
Tsaynö alli kawaqkunaqa Tayta Dios munanqannömi imaypis kawayanqa.