Salmo 13 (12)
Ñakanqan höra Tayta Dios yanapananpä mañakunqan
(1) Cantaqkunapa mandaqninpämi. David qellqanqan salmu.
1 (2) Tayta Dios, ¡imayrä yarpaykamanki!
¿Pasaypanatsurä qonqaykamashqayki?
¡Imayyaqrä noqapita pakakunki!
2 (3) ¡Imayyaqrä pasaypa llakishqa qoyay qoyay purishä!
¡Imayyaqrä conträkunapa munaynincho kashä!
3 (4) Tayta Diosllä, rikaykallämay.
Mañakamunqäta wiyar yanapaykallämay.
Ñawïpis atsikyarkunanpä kushikuyta qaraykallämay.
Mana yanapamaptikiqa wanurpis wanuykushächi.
4 (5) Conträ runa vincimänanta ama munaykullaytsu.
Ima desgracia päsamaptinpis ama kushipaykämätsuntsu.
5 (6a) Kuyapäkuq kaptikimi yärakamü.
Salvamänaykipä kanqanta musyarmi llapan shonqüwan kushikü.
6 (6b) Yanapamanqaykipitami alabashayki.