Salmo 11 (10)
Tayta Diosman llapan shonqunwan yärakunqan
(1) Cantaqkunapa mandaqninpämi. David qellqanqan salmu.
1 (1b) Noqaqa Tayta Diosllamanmi yärakü.
Tsaynö kaykaptinqa ¿imanirtä niyämanki pishqukuna muntipa qeshpinqannö noqapis qeshpinäpä kanqanta?
2 Mana alli runakunaqa flëchayänanpä listumi kaykäyan.
Pakakuykurmi alli runakunata flëchar atacayan.
3 Kay patsacho munayanqantami rurayan.
Tsaynö rurayaptinmi alli runa karpis justicia rurayta kamäpakuntsu.
4 Tayta Diosqa sagrädu templunchömi kaykan.
Paypa trönunqa ciëluchömi kaykan.
Tsaypita patsami rikaykämun runakuna imata rurayanqantapis.†
5 Tayta Diosqa alli runata pruebanmi.
Mana alli runata y wanutsikuqkunataqa llapan kallpanwanmi chikin.
6 Mana alli runakunata jutsata ruranqanman tupumi castiganqa.
Paykunataqa ninawan tallushqa azufri tamyawan y achay wayrawanmi ushakätsinqa.
7 Tayta Diosqa manami pipapis janan shärintsu.
Payqa allillatami ruran.
Pay munanqannö kawaqkunaqa ñöpanman char qaqllantami rikayanqa.