Jerusalénta täpayänanpä Nehemías yätsinqan
7
Murällata allitsayta ushaskir y punkukunatapis churayta ushaskirnami punku täpaqkunata churayarqan. Tsaynöllami cantaqkunata levitakunatapis churayarqan.2 Jerusaléncho mandaq kananpämi wawqï Hananita churarqä. Payta yanapananpämi churarqä cuartelcho mas mandaq soldädu Hananíasta. Hananíasqa wakin runakunapitapis masmi Tayta Diosta cäsukuq karqan. 3 Paykunatami nirqä: “Rupay yarqaskamuptinrä Jerusalén punkunkunata kichayay. Tsaynöpis rupay manarä jeqaptin punkunkunata wichqarkur trancayay. Tsaynö rurayay punku täpaqkuna manarä aywayaptin. Jerusaléncho taqkunapita akraykur wakinta churayay reqishqa wayikuna kanqancho täpayänanpä y wakintana churayay kikinpa wayin kanqancho täpayänanpä”.
4 Jerusalén markaqa jatunmi karqan. Tsaynö kaptinpis juchushqa wayikuna manarä allitsashqa kaptinmi wallkalla runakuna tsaycho täyarqan.
Babiloniapita Jerusalénman aywaqkuna mayqan casta kayanqan y ayka kayanqanpis
5 Tayta Dios yarpayta qomaptinmi qayatsirqä mayor runakunata, autoridäkunata y wakin runakunatapis castanpa castanpa padronayänäpä. Tsaychömi punta shamuq runakuna padronakuyanqan rölluta tarirqä. Tsay libruchömi qellqararqan:
6 Kaychömi qellqaraykan Jerusalénman y Judáman shamuq runakunapa jutinkuna. Tsay runakunaqa rey Nabucodonosor Babiloniaman prësu apanqan runakuna y paykunapita aywaraqkunami kayarqan. Llapanmi unay castankuna yuriyanqan markaman aywayarqan. 7 Tsay runakunapa mandaqninkunami kayarqan Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum y Baana. Kaychömi qellqaraykan Babiloniapita Judáman shamuq Israel runakunapa castankunapa jutinkuna:
8 Paruspita aywaraqkunami kayarqan ishkay waranqa juk pachak qanchis chunka ishkay (2,172) runakuna.
9 Sefatíaspita aywaraqkunami kayarqan kimsa pachak qanchis chunka ishkay (372) runakuna.
10 Arapita aywaraqkunami kayarqan soqta pachak pitsqa chunka ishkay (652) runakuna.
11 Pahat-moabpita aywaraqkunami kayarqan ishkay waranqa puwaq pachak chunka puwaq (2,818) runakuna. Paykunaqa Josuépita y Joabpita aywaraqkunami kayarqan.
12 Elampita aywaraqkunami kayarqan juk waranqa ishkay pachak pitsqa chunka chusku (1,254) runakuna.
13 Zatupita aywaraqkunami kayarqan puwaq pachak chusku chunka pitsqa (845) runakuna.
14 Zacaipita aywaraqkunami kayarqan qanchis pachak soqta chunka (760) runakuna.
15 Binúipita aywaraqkunami kayarqan soqta pachak chusku chunka puwaq (648) runakuna.
16 Bebaipita aywaraqkunami kayarqan soqta pachak ishkay chunka puwaq (628) runakuna.
17 Azgadpita aywaraqkunami kayarqan ishkay waranqa kimsa pachak ishkay chunka ishkay (2,322) runakuna.
18 Adonicampita aywaraqkunami kayarqan soqta pachak soqta chunka qanchis (667) runakuna.
19 Bigvaipita aywaraqkunami kayarqan ishkay waranqa soqta chunka qanchis (2,067) runakuna.
20 Adínpita aywaraqkunami kayarqan soqta pachak pitsqa chunka pitsqa (655) runakuna.
21 Aterpita aywaraqkunami kayarqan isqun chunka puwaq (98) runakuna. Aterqa Ezequíaspita aywaraqmi karqan.
22 Hasumpita aywaraqkunami kayarqan kimsa pachak ishkay chunka puwaq (328) runakuna.
23 Bezaipita aywaraqkunami kayarqan kimsa pachak ishkay chunka chusku (324) runakuna.
24 Harifpita aywaraqkunami kayarqan juk pachak chunka ishkay (112) runakuna.
25 Gabaónpita aywaraqkunami kayarqan isqun chunka pitsqa (95) runakuna.
26 Belén runakuna y Netofa runakunamia kayarqan juk pachak puwaq chunka puwaq (188).
27 Anatot runakunami kayarqan juk pachak ishkay chunka puwaq (128).
28 Bet-azmavet runakunami kayarqan chusku chunka ishkay (42).
29 Quiriat-jearim runakuna, Cafira runakuna y Beerot runakunami kayarqan qanchis pachak chusku chunka kimsa (743).
30 Ramá runakuna y Geba runakunami kayarqan soqta pachak ishkay chunka juk (621).
31 Micmas runakunami kayarqan juk pachak ishkay chunka ishkay (122).
32 Bet-el runakuna y Hai runakunami kayarqan juk pachak ishkay chunka kimsa (123).
33 Nebo runakunami kayarqan pitsqa chunka ishkay (52).
34 Jukaq Elam runakunami kayarqan juk waranqa ishkay pachak pitsqa chunka chusku (1,254).
35 Harim runakunami kayarqan kimsa pachak ishkay chunka (320).
36 Jericó runakunami kayarqan kimsa pachak chusku chunka pitsqa (345).
37 Lod runakuna, Hadid runakuna y Ono runakunami kayarqan qanchis pachak ishkay chunka juk (721).
38 Senaa runakunami kayarqan kimsa waranqa isqun pachak kimsa chunka (3,930).
39 Kaychömi qellqaraykan Babiloniapita Judáman shamuq sacerdötikunapa castankunapa jutinkuna:
Josué casta Jedaíaspita aywaraq sacerdötikunami kayarqan isqun pachak qanchis chunka kimsa (973).
40 Imerpita aywaraq sacerdötikunami kayarqan juk waranqa pitsqa chunka ishkay (1,052).
41 Pasurpita aywaraq sacerdötikunami kayarqan juk waranqa ishkay pachak chusku chunka qanchis (1,247).
42 Harimpita aywaraq sacerdötikunami kayarqan juk waranqa chunka qanchis (1,017).
43 Kaychömi qellqaraykan Babiloniapita Judáman shamuq levita castakunapa jutinkuna: Hodavías casta Josuépita aywaraqkuna y Hodavías casta Cadmielpita aywaraqkuna. Paykunami kayarqan qanchis chunka chusku (74) runakuna.
44 Kaychömi qellqaraykan Diosta alabar cantaqkuna mayqan casta shamunqanpis: Asafpita aywaraqkuna. Paykunami kayarqan juk pachak chusku chunka puwaq (148) runakuna.
45 Kaychömi qellqaraykan punkuta täpaq runakunapa castankunapa jutinkuna: Salum casta, Ater casta, Talmón casta, Acub casta, Hatita casta y Sobai casta. Tsay castakunapita aywaraqkunami juk pachak kimsa chunka puwaq (138) runakuna kayarqan.
46 Kaychömi qellqaraykan Diospa templuncho aruq runakunapa castankunapa jutinkuna: Ziha casta, Hasufa casta, Tabaot casta, 47 Queros casta, Siaha casta, Padón casta, 48 Lebana casta, Hagaba casta, Salmai casta, 49 Hanán casta, Gidel casta, Gahar casta, 50 Reaía casta, Rezín casta, Necoda casta, 51 Gazam casta, Uza casta, Paseah casta, 52 Besai casta, Mehunim casta, Nefisesim casta, 53 Bacbuc casta, Hacufa casta, Harhur casta, 54 Bazlut casta, Mehída casta, Harsa casta, 55 Barcos casta, Sísara casta, Tema casta, 56 Nezía casta y Hatifa casta.
57 Kaychömi qellqaraykan Salomónpa wätayninkunapita aywaraq runakunapa castankunapa jutinkuna: Sotai casta, Soferet casta, Perida casta, 58 Jaala casta, Darcón casta, Gidel casta, 59 Sefatías casta, Hatil casta, Poqueret-hazebaim casta y Amón casta. 60 Templucho aruqkuna y Salomónpa wätayninpita aywaraqkunami llapan kayarqan kimsa pachak isqun chunka ishkay (392) runakuna. 61 Tel-mela markapita, Tel-harsa markapita, Querub markapita, Adón markapita y Imer markapita Jerusalénman aywaqkuna legïtimu Israel casta kayanqan o karullapana casta kayanqanpis shumaq manami musyakarqantsu. Tsay runakunami kayarqan 62 Delaíapita, Tobíaspita y Necodapita aywaraq runakuna. Paykunami kayarqan soqta pachak chusku chunka ishkay (642) runakuna. 63 Sacerdöti castapita Jerusalénman wakin shamuqkunami kayarqan Habaíapita, Cospita y Barzilaipita aywaraq runakuna. Barzilaiqa tarqan Galaadpita kaq Barzilaipa warmi tsurinwanmi. Paywan täyaptinmi Barzilaipa jutinta aparqan. 64 Tsay runakunami Habaía casta, Cos casta y Barzilai casta kayanqanta musyatsiyänanpä padrón librucho jutinkunata ashiyarqan. Tsaycho mana tarirmi Jerusalénman chaykur sacerdötikuna aruyanqanchöqa aruyarqantsu. 65 Gobernadorpis nirqan Tayta Diospä churanqanta manana mikuyänanpä hasta Urimta y Tumimta rikar sacerdöti musyanqanyaq.
66 Jerusalénman shamuqkunami llapan kayarqan chusku chunka ishkay waranqa kimsa pachak soqta chunka (42,360) runakuna. 67 Paykunawanmi qanchis waranqa kimsa pachak kimsa chunka qanchis (7,337) ollqupis warmipis wätaykuna shayämurqan. Diosta alabaqkuna ollqupis warmipis ishkay pachak chusku pitsqami (245) paykunawan shayämurqan.
68 Cawallunkunami karqan qanchis pachak kimsa chunka soqta (736). Mulankunami karqan ishkay pachak chusku chunka pitsqa (245). 69 (68b) Camëllunkunami karqan chusku pachak kimsa chunka pitsqa (435). Ashnunkunanami karqan soqta waranqa qanchis pachak ishkay chunka (6,720). 70 (69) Wakin mayor runakunami Diospa templunta yapay shäritsiyänanpä puëdiyanqanman tupu ofrendata qorirkur entregayarqan. Gobernadorpis entregarqan puwaq kïlu qorita, pitsqa chunka (50) tazonkunata y sacerdötikuna jatikuyänanpä pitsqa pachak kimsa chunka (530) sotänakunata. 71 (70) Mayor runakunami tesorëruta entregayarqan juk pachak soqta chunka (160) kïlu qorita y juk waranqa ishkay pachak chunka (1,210) kïlu qellayta. 72 (71) Común runakunapis entregayarqan juk pachak soqta chunka (160) kïlu qorita, juk pachak chunka (110) kïlu qellayta y sacerdötikuna jatikuyänanpä soqta chunka qanchis (67) sotänakunata.
73 (72) Sacerdötikuna, levitakuna, punku täpaqkuna, cantaqkuna, templucho aruqkuna y llapan Israel runakunapis awilunkunapa markankunachönami täyarqan.
Qanchis kaq killapitanamib llapan runakunapis wayinkunachöna täyarqan.