Babiloniapita Jerusalénman kutiqkuna mayqan casta kayanqan y ayka kayanqanpis
2
Kaychömi qellqaraykan Jerusalénman y Judáman shamuq runakunapa jutinkuna. Tsay runakunaqa rey Nabucodonosor Babiloniaman prësu apanqan runakuna y paykunapita aywaraqkunami kayarqan. Llapanmi unay castankuna yuriyanqan markaman aywayarqan. 2 Tsay runakunapa mandaqninkunami kayarqan Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum y Baana. Kaychömi qellqaraykan Israel runakuna mayqan castakuna Babiloniapita Judáman shayämunqan:3 Paruspita aywaraqkunami kayarqan ishkay waranqa juk pachak qanchis chunka ishkay (2,172) runakuna.
4 Sefatíaspita aywaraqkunami kayarqan kimsa pachak qanchis chunka ishkay (372) runakuna.
5 Arapita aywaraqkunami kayarqan qanchis pachak qanchis chunka pitsqa (775) runakuna.
6 Pahat-moabpita aywaraqkunami kayarqan ishkay waranqa puwaq pachak chunka ishkay (2,812) runakuna. Paykunaqa Josuépita y Joabpita aywaraqkunami kayarqan.
7 Elampita aywaraqkunami kayarqan juk waranqa ishkay pachak pitsqa chunka chusku (1,254) runakuna.
8 Zatupita aywaraqkunami kayarqan isqun pachak chusku chunka pitsqa (945) runakuna.
9 Zacaipita aywaraqkunami kayarqan qanchis pachak soqta chunka (760) runakuna.
10 Banipita aywaraqkunami kayarqan soqta pachak chusku chunka ishkay (642) runakuna.
11 Bebaipita aywaraqkunami kayarqan soqta pachak ishkay chunka kimsa (623) runakuna.
12 Azgadpita aywaraqkunami kayarqan juk waranqa ishkay pachak ishkay chunka ishkay (1,222) runakuna.
13 Adonicampita aywaraqkunami kayarqan soqta pachak soqta chunka soqta (666) runakuna.
14 Bigvaipita aywaraqkunami kayarqan ishkay waranqa pitsqa chunka soqta (2,056) runakuna.
15 Adínpita aywaraqkunami kayarqan chusku pachak pitsqa chunka chusku (454) runakuna.
16 Aterpita aywaraqkunami kayarqan isqun chunka puwaq (98) runakuna. Aterqa Ezequíaspita aywaraqmi karqan.
17 Bezaipita aywaraqkunami kayarqan kimsa pachak ishkay chunka kimsa (323) runakuna.
18 Jorapita aywaraqkunami kayarqan juk pachak chunka ishkay (112) runakuna.
19 Hasumpita aywaraqkunami kayarqan ishkay pachak ishkay chunka kimsa (223) runakuna.
20 Gibarpita aywaraqkunami kayarqan isqun chunka pitsqa (95) runakuna.
21 Belén runakunamia kayarqan juk pachak ishkay chunka kimsa (123).
22 Netofa runakunami kayarqan pitsqa chunka soqta (56).
23 Anatot runakunami kayarqan juk pachak ishkay chunka puwaq (128).
24 Azmavet runakunami kayarqan chusku chunka ishkay (42).
25 Quiriat-jearim runakuna, Cafira runakuna y Beerot runakunami kayarqan qanchis pachak chusku chunka kimsa (743).
26 Ramá runakuna y Geba runakunami kayarqan soqta pachak ishkay chunka juk (621).
27 Micmas runakunami kayarqan juk pachak ishkay chunka ishkay (122).
28 Bet-el runakuna y Hai runakunami kayarqan ishkay pachak ishkay chunka kimsa (223).
29 Nebo runakunami kayarqan pitsqa chunka ishkay (52).
30 Magbis runakunami kayarqan juk pachak pitsqa chunka soqta (156).
31 Jukaq Elam runakunami kayarqan juk waranqa ishkay pachak pitsqa chunka chusku (1,254).
32 Harim runakunami kayarqan kimsa pachak ishkay chunka (320).
33 Lod runakuna, Hadid runakuna y Ono runakunami kayarqan qanchis pachak ishkay chunka pitsqa (725).
34 Jericó runakunami kayarqan kimsa pachak chusku chunka pitsqa (345).
35 Senaa runakunami kayarqan kimsa waranqa soqta pachak kimsa chunka (3,630).
36 Kaychömi qellqaraykan Babiloniapita Judáman shamuq sacerdötikunapa castankunapa jutinkuna:
Josué casta Jedaíaspita aywaraq sacerdötikunami kayarqan isqun pachak qanchis chunka kimsa (973).
37 Imerpita aywaraq sacerdötikunami kayarqan juk waranqa pitsqa chunka ishkay (1,052).
38 Pasurpita aywaraq sacerdötikunami kayarqan juk waranqa ishkay pachak chusku chunka qanchis (1,247).
39 Harimpita aywaraq sacerdötikunami kayarqan juk waranqa chunka qanchis (1,017).
40 Kaychömi qellqaraykan Babiloniapita Judáman shamuq levita castakunapa jutinkuna: Hodavías casta Josuépita aywaraqkuna y Hodavías casta Cadmielpita aywaraqkuna. Paykunami kayarqan qanchis chunka chusku (74) runakuna.
41 Kaychömi qellqaraykan Diosta alabar cantaqkuna mayqan casta shamunqanpis: Asafpita aywaraqkunami kayarqan juk pachak ishkay chunka puwaq (128) runakuna.
42 Kaychömi qellqaraykan punkuta täpaq runakunapa castankunapa jutinkuna: Salum casta, Ater casta, Talmón casta, Acub casta, Hatita casta y Sobai casta. Tsay castakunapita aywaraqkunami juk pachak kimsa chunka isqun (139) runakuna kayarqan.
43 Kaychömi qellqaraykan Diospa templuncho aruq runakunapa castankunapa jutinkuna: Ziha casta, Hasufa casta, Tabaot casta, 44 Queros casta, Siaha casta, Padón casta, 45 Lebana casta, Hagaba casta, Acub casta, 46 Hagab casta, Salmai casta, Hanán casta, 47 Gidel casta, Gahar casta, Reaía casta, 48 Rezín casta, Necoda casta, Gazam casta, 49 Uza casta, Paseah casta, Besai casta, 50 Asena casta, Meunim casta, Nefusim casta, 51 Bacbuc casta, Hacufa casta, Harhur casta, 52 Bazlut casta, Mehída casta, Harsa casta, 53 Barcos casta, Sísara casta, Tema casta, 54 Nezía casta y Hatifa casta.
55 Kaychömi qellqaraykan Salomónpa wätayninkunapita aywaraq runakunapa castankunapa jutinkuna: Sotai casta, Soferet casta, Peruda casta, 56 Jaala casta, Darcón casta, Gidel casta, 57 Sefatías casta, Hatil casta, Poqueret-hazebaim casta y Amón casta. 58 Templucho aruqkuna y Salomónpa wätayninpita aywaraqkunami llapan kayarqan kimsa pachak isqun chunka ishkay (392) runakuna.
59 Tel-mela markapita, Tel-harsa markapita, Querub markapita, Addán markapita y Imer markapita Jerusalénman aywaqkuna legïtimu Israel casta kayanqan o karullapana casta kayanqanpis shumaq manami musyakarqantsu. Tsay runakunami kayarqan 60 Delaíapita, Tobíaspita y Necodapita aywaraq runakuna. Paykunami kayarqan soqta pachak pitsqa chunka ishkay (652) runakuna. 61 Sacerdöti castapita Jerusalénman wakin shamuqkunami kayarqan Habaíapita, Cospita y Barzilaipita aywaraq runakuna. Barzilaiqa tarqan Galaadpita kaq Barzilaipa warmi tsurinwanmi. Paywan täyaptinmi Barzilaipa jutinta aparqan. 62 Tsay runakunami Habaía casta, Cos casta y Barzilai casta kayanqanta musyatsiyänanpä padrón librucho jutinkunata ashiyarqan. Tsaycho mana tarirmi Jerusalénman chaykur sacerdötikuna aruyanqanchöqa aruyarqantsu. 63 Gobernadorpis† nirqan Tayta Diospä churanqanta manana mikuyänanpä hasta Urimta y Tumimta rikar sacerdöti musyanqanyaq.†
64 Jerusalénman shamuqkunami llapan kayarqan chusku chunka ishkay waranqa kimsa pachak soqta chunka (42,360) runakuna. 65 Paykunawanmi qanchis waranqa kimsa pachak kimsa chunka qanchis (7,337) ollqupis warmipis wätaykuna shayämurqan. Diosta alabaqkuna ollqupis warmipis ishkay pachakmi (200) paykunawan shayämurqan.
66 Cawallunkunami karqan qanchis pachak kimsa chunka soqta (736). Mulankunami karqan ishkay pachak chusku chunka pitsqa (245). 67 Camëllunkunami karqan chusku pachak kimsa chunka pitsqa (435). Ashnunkunanami karqan soqta waranqa qanchis pachak ishkay chunka (6,720).
68 Tayta Diospa templun kanqanman chaykurmi wakin mayor runakuna Diospa templunta yapay shäritsiyänanpä ofrendata puëdiyanqanman tupu qoriskir entregayarqan. 69 Tsay ofrendami karqan chusku pachak puwaq chunka puwaq (488) kïlu qori, ishkay waranqa qanchis pachak pitsqa chunka (2,750) kïlu qellay y sacerdötikuna jatikuyänanpä juk pachak (100) sotänakuna.
70 Sacerdötikuna, levitakuna y wakin runakunaqa patsan Jerusalénllachömi täyarqan. Cantaqkuna, templu punku täpaqkuna, templucho aruqkuna y wakin kaq Israel runakunami itsanqa unay castankunapa markankunaman aywakuyarqan.†