Templucho alabayänanpä levitakunata David churanqan
25
Tsaypitanami soldädukunapa capitanninkunawan willanakuskir runakunata David churarqan arpata, salteriukunata y platïllukunata tukayllapa Tayta Diospa willakuyninta willakuyänanpä. Wakin runakunaqa kayarqan Asafpa tsurinkuna, wakinna Hemánpa tsurinkuna y wakinnami Jedutúnpa tsurinkuna.2 Asafpa tsurinkunami kayarqan Zacur, José, Netanías y Asarela. Paykunatami dirigirqan taytan Asaf. Paymi rey ninqannölla instrumentuta tukayllapa cantar Tayta Diospa willakuyninta willakurqan.
3 Jedutúnpa tsurinkunami kayarqan soqta. Paykuna kayarqan Gedalías, Zeri, Jesaías, Simei, Hasabías y Matatías. Paykunatami dirigirqan taytan Jedutún. Paymi arpata tukayllapa cantar Tayta Diospa willakuyninta willakurqan. Tsaynöpami Tayta Diosta agradëcikur alabaq.
4 Hemánpa tsurinkunami kayarqan Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir y Mahaziot. 5 Llapan paykuna kayarqan Hemánpa tsurinkunami. Tayta Diospa bendicionninwanmi Hemánpa chunka chusku ollqu tsurinkuna y kimsa warmi tsurinkuna kayarqan. Hemánmi Tayta Diospa willakuyninta reyta tantiyatsiq. Tantiyatsinqannö mandarmi reyqa mas munayyuq karqan.
6 Asafpa tsurinkuna, Jedutúnpa tsurinkuna y Hemánpa tsurinkuna llapanmi taytankuna tantiyatsinqannölla Tayta Diospa templuncho platïllukunata, arpakunata y salteriukunata tukayaq. Imatapis rurayänanpä kaqtaqa Asafta, Jedutúnta y Hemánta kikin reymi yätsiq.
7 Tukayta shumaq yachaqkuna y Tayta Diosta alabar cantaqkuna llapan kayarqan ishkay pachak puwaq chunka puwaqmi (288). 8 Tsaymi cada ünunkuna churanakuypa templucho imay tukayänanpäpis suertita jitayaq. Suerti yarqamunqanmanmi mayor o qepa karpis, yachakuq o yachatsikuq karpis tukayaq.
9 Suertita jitayaptinmi puntata yarqamurqan Asaf casta Josépä. Payqa tsurinkunawan wawqinkuna chunka ishkaymi kayarqan.
Suertita yapay jitayaptinmi yarqamurqan Gedalíaspä. Payqa tsurinkunawan wawqinkuna chunka ishkaymi kayarqan.
10 Suertita yapay jitaptinmi yarqamurqan Zacurpä. Payqa tsurinkunawan wawqinkuna chunka ishkaymi kayarqan.
11 Suertita yapay jitaptinmi yarqamurqan Izripä. Payqa tsurinkunawan wawqinkuna chunka ishkaymi kayarqan.
12 Suertita yapay jitaptinmi yarqamurqan Netaníaspä. Payqa tsurinkunawan wawqinkuna chunka ishkaymi kayarqan.
13 Suertita yapay jitaptinmi yarqamurqan Buquíaspä. Payqa tsurinkunawan wawqinkuna chunka ishkaymi kayarqan.
14 Suertita yapay jitaptinmi yarqamurqan Jesarelapä. Payqa tsurinkunawan wawqinkuna chunka ishkaymi kayarqan.
15 Suertita yapay jitaptinmi yarqamurqan Jesahíaspä. Payqa tsurinkunawan wawqinkuna chunka ishkaymi kayarqan.
16 Suertita yapay jitaptinmi yarqamurqan Mataníaspä. Payqa tsurinkunawan wawqinkuna chunka ishkaymi kayarqan.
17 Suertita yapay jitaptinmi yarqamurqan Simeipä. Payqa tsurinkunawan wawqinkuna chunka ishkaymi kayarqan.
18 Suertita yapay jitaptinmi yarqamurqan Azareelpä. Payqa tsurinkunawan wawqinkuna chunka ishkaymi kayarqan.
19 Suertita yapay jitaptinmi yarqamurqan Hasabíaspä. Payqa tsurinkunawan wawqinkuna chunka ishkaymi kayarqan.
20 Suertita yapay jitaptinmi yarqamurqan Subaelpä. Payqa tsurinkunawan wawqinkuna chunka ishkaymi kayarqan.
21 Suertita yapay jitaptinmi yarqamurqan Matatíaspä. Payqa tsurinkunawan wawqinkuna chunka ishkaymi kayarqan.
22 Suertita yapay jitaptinmi yarqamurqan Jeremotpä. Payqa tsurinkunawan wawqinkuna chunka ishkaymi kayarqan.
23 Suertita yapay jitaptinmi yarqamurqan Hananíaspä. Payqa tsurinkunawan wawqinkuna chunka ishkaymi kayarqan.
24 Suertita yapay jitaptinmi yarqamurqan Josbecasapä. Payqa tsurinkunawan wawqinkuna chunka ishkaymi kayarqan.
25 Suertita yapay jitaptinmi yarqamurqan Hananipä. Payqa tsurinkunawan wawqinkuna chunka ishkaymi kayarqan.
26 Suertita yapay jitaptinmi yarqamurqan Malotipä. Payqa tsurinkunawan wawqinkuna chunka ishkaymi kayarqan.
27 Suertita yapay jitaptinmi yarqamurqan Eliatapä. Payqa tsurinkunawan wawqinkuna chunka ishkaymi kayarqan.
28 Suertita yapay jitaptinmi yarqamurqan Hotirpä. Payqa tsurinkunawan wawqinkuna chunka ishkaymi kayarqan.
29 Suertita yapay jitaptinmi yarqamurqan Gidaltipä. Payqa tsurinkunawan wawqinkuna chunka ishkaymi kayarqan.
30 Suertita yapay jitaptinmi yarqamurqan Mahaziotpä. Payqa tsurinkunawan wawqinkuna chunka ishkaymi kayarqan.
31 Suertita yapay jitaptinmi yarqamurqan Romanti-ezerpä. Payqa tsurinkunawan wawqinkuna chunka ishkaymi kayarqan.