Esaúpita aywaraqkuna
36
Kaychömi qellqaraykan Esaúpa tsurinkunapä y paykunapita aywaraqkunapäpis. Esaúpa jukaq jutinmi karqan Edom.2 Esaúpa warminkunaqa cananea warmikunami kayarqan.† Jukaq warminpa jutinmi karqan Ada. Payqa karqan heteo runa Elónpa tsurinmi. Jukaq warminpa jutinnami karqan Aholibama. Payqa karqan heveo runa Zibeónpa willkan y Anápa tsurinmi. 3 Tsaynöllami Esaúqa tarqan prïman Basematwan. Basematqa karqan Ismaelpa tsurin y Nebaiotpa paninmi.†
4 Adapa wawanmi karqan Elifaz. Basematpa wawannami karqan Reuel. 5 Aholibamapa wawankunanami kayarqan Jeús, Jaalam y Coré. Paykunaqa Canaáncho Esaú taykaptinmi yuriyarqan.
6 Wawqin Jacobwan taykanqanpita witikurmi Esaúqa juk partiman aywakurqan llapan warminkunata, tsurinkunata y wätayninkunatapis pushakurkur. Canaáncho taykar tarinqan kaqtaqa llapanta apakurkurmi aywakurqan. 7 Jacobwan Esaú imaykayuq kayaptinmi taykäyanqan parti ayparqannatsu juntu täyänanpä. Uywankuna atska kaptinmi mitsikuyänanpä qewapis ayparqannatsu. 8 Tsaynöpami Esaú casta runakunaqa Seir jallqakunaman aywakuyarqan. Esaúpa jukaq jutinmi karqan Edom.
9 Seir jallqakunacho taykarmi Esaú castakuna atskaman mirayarqan. Paykunatami edomita runakuna kayanqanta niyaq. Kaykunami kayarqan Esaúpita aywaraqkuna:
10 Esaúpa warmin Adachömi yurirqan Elifaz.
Warmin Basematchönami yurirqan Reuel.
11 Elifazpa tsurinkunami kayarqan Temán, Omar, Zefo, Gatam y Cenaz.
12 Elifazpa concubïna warmin Timnachömi Amalec jutiyuq tsurin karqan. Paykunami kayarqan Esaúpa y warmin Adapa willkankuna.
13 Reuelpa tsurinkunami kayarqan Nahat, Zera, Sama y Miza. Paykunami kayarqan Esaúpa y warmin Basematpa willkankuna.
14 Esaúpa warmin Aholibamachömi tsurinkuna kayarqan Jeús, Jaalam y Coré. Aholibamaqa karqan Anápa tsurin Zibeónpa willkanmi.
15 Esaúpa mayor tsurin Elifazpa tsurinkunami mandaq kayarqan. Paykunami kayarqan Temán, Omar, Zefo, Cenaz, 16 Coré, Gatam y Amalec. Tsay mandaqkuna llapanpis Elifazpa tsurinkunami kayarqan. Paykunami Edom nacioncho mandaq kayarqan. Paykunami kayarqan Esaúpa y warmin Adapa willkankuna.
17 Esaúpa tsurin Reuelpa tsurinkunapis mandaqmi kayarqan. Paykunami kayarqan Nahat, Zera, Sama y Miza. Paykunami kayarqan Esaúpa y warmin Basematpa willkankuna.
18 Esaúpa jukaq warmin Aholibamapa wawankunapis mandaqmi kayarqan. Paykunami kayarqan Jeús, Jaalam y Coré. Aholibamaqa Aná jutiyuq runapa tsurinmi karqan.
19 Tsay mandaqkunaqa llapanpis Esaú castami kayarqan. Esaúpa jukaq jutinmi karqan Edom.
20 Seir partiman Esaú manarä chaptinmi horeo runakuna tsaycho täyarqan. Paykunami mirayarqan Seir jutiyuq runapita. Seirpa tsurinkunami kayarqan Lotán, Sobal, Zibeón, Aná, 21 Disón, Ezer y Disán. Paykunami kayarqan Edomcho Seir casta horeo runakunapa mandaqninkuna.
22 Lotánpa tsurinkunami kayarqan Hori y Hemam. Lotánpa paninmi karqan Timna.
23 Sobalpa tsurinkunami kayarqan Alván, Manahat, Ebal, Sefo y Onam.
24 Zibeónpa tsurinkunami kayarqan Aja y Aná. Taytan Zibeónpa ashnunkunata mitsiykanqanchömi Aná tarirqan tsunyaq jirkacho achaq yaku pukyukunata.
25 Anápa tsurinkunami kayarqan warmi ollqu. Ollqu kaqpa jutinmi karqan Disón y warmi kaqpanami Aholibama.
26 Disónpa tsurinkunami kayarqan Hemdán, Esbán, Itrán y Querán.
27 Ezerpa tsurinkunami kayarqan Bilhán, Zaaván y Acán.
28 Disánpa tsurinkunami kayarqan Uz y Arán.
29 Horeo runakunapa mandaqninkunami kayarqan Lotán, Sobal, Zibeón, Aná, 30 Disón, Ezer y Disán. Tsay runakunaqa jukninpis jukninpis horeo runakunapa mandaqninkunami kayarqan. Cada castapa jutinmi mandaqninpa jutin kanqannö karqan. Tsay castakunami Seir particho täyarqan.
31 Israel nacioncho rey manarä kaptinmi Edom nacionchöqa reykuna kayarqanna. Kaychömi tsay reykunapa jutinkuna qellqaraykan:
32 Juk rey karqan Beorpa tsurin Bela. Belapa markanmi karqan Dinaba.
33 Bela wanuskiptinnami Zerapa tsurin Jobab rey karqan. Payqa Bosra markapitami karqan.
34 Jobab wanuskiptinnami paypa trokin rey karqan Husam. Payqa temanita runakuna täyanqanpitami karqan.
35 Husam wanuskiptinnami paypa trokin rey karqan Bedadpa tsurin Hadad. Paymi Moab particho madianita runakunata wanutsirqan. Hadadpa markannami Avit karqan.
36 Hadad wanuskiptinnami paypa trokin rey karqan Samla. Payqa Masreca markapitami karqan.
37 Samla wanuskiptinnami rey karqan Saúl. Payqa Éufrates mayu ñöpancho kaykaq Rehobot markapitami karqan.
38 Saúl wanuskiptinnami rey karqan Acborpa tsurin Baal-hanán.
39 Baal-hanán wanuskiptinnami rey karqan Hadar. Payqa Pau markapitami karqan. Hadarpa warminpa jutinmi karqan Mehetabel. Mehetabelqa karqan Matredpa tsurin y Mezaabpa willkanmi.
40 Esaúpita aywaraqkunapa mandaqninkunami kayarqan Timna, Alva, Jetet, 41 Aholibama, Ela, Pinón, 42 Cenaz, Temán, Mibzar, 43 Magdiel y Iram. Tsay runakunapa jutinkunanöllami mandayanqan markakunapapis jutinkuna karqan. Tsaynöllami paykunapita aywaraqkunatapis reqiyaq mandaqninkunapa jutillanwan.
Llapan tsay runakunaqa edomita runakunami kaykäyan.