1 เฌาพรา อี อึบ โตต ดอน โมยว อัน แฮะ แตห น็อห พึอม อัน ปลึก โอว. อัน แฮะ ร็อห โอว, แตห โอว ฮาว กาลาง ดี ดูอี ฆีน ลอง อี ดี แตห น็อห ดูอี ดาคึย. อัน แตห โอว กาลาง ดี เฆ อี มึห น็อห ลึร, แตห อึณ บอ วี เหลา น็อห เฆ, แตห เฆ อี กาดูห เหมต วี ปึอน ดี ลอด, แตห บอ เฆ อี โจห กาปึม วี ปึอน ดี เลห.

2 อัน เฌา แฮะ จัร โอว ฮาว กาลาง ลอง ซีนัม ดี วี เฆฌู เฌาพรา ดี เฆ ดูอี ปี อึบ อัน บอ ซีแง ดี วี โบง เวียะ อัน เฌา ดี รันซู อัน. อัน เฌา มืร จัร โอว ฮาว เหลา น็อห เฆ อี มึห น็อห กลึร.

3 อัน เฌา แตห โอว วี ดัว อี โบยว ดาคึย ดี เฆ อี แฮะ หงูน แฮะ กลึร, อี กอย แคง มืง ฌีโอน. อัน แตห โอว ดัว อี ปี กามัยะ ชีด, วี กาดาง กาฟาง แปะ แฮะ คร็อห เฆ แดง ฆีณ เฆ. แตห เฆ วี พ็อห นามัน อูห หงูน, วี กาดาง ครึง จาน,^a แตห เฆ วี ปึอน ต็อห โหมว อี อืบ เฌาพรา, วี กาดาง ดูก หณาบ แปะ แฮะ คัม เฆ. อี เฮา ดี วี ต็อห, เฆ ปี เฮ ปี ซัม อูน เฌาพรา อี บยัะ น็อห ซืร น็อห หมาน อัน เฌา, แตห อี อืบ อาพูง ซาเร อัน เฌา.

4 เฆ ดี บอ วี อึณปราย มืง อี แฮะ ลึร ซีณ อาต นี, วี แด มืง อี แฮะ กาปยาต. เฆ ดี บอ วี ยอด ลึมลา โดง แฮะ ราม ซีณ โจว บาน ฆูณ ดัง เฆ ดอ มึอน.

5 เฆ ดูอี อาโมยว เฮา ดี บอ วี ตัห ยอด ลึมลา พึง มาบู มาแป เบ. ฆอน เฆ ดูอี เฮา ดี วี รัณ ดัว ดี เบ มาน เฆ โดง นา เบ. เฆ ดี บัร ลึมลา บอ มาน มางูน เบ.

6 อี เฮา ดี บอ วี แดะ เบ ต็อห, เบ มูห ดา อี หลู ดี เฌาพรา, มูห บอ ดูอี อี โบง ฆาน เฌาพรา. เบ ดี บอ วี โบยว ดาคึย โกบ แฮะ ปึอน เบ ดี บึง โกรวกราม ดูอี อาโมยว เฮา. เบ ดี บอ วี โคย ดาคึย โกบ แฮะ มึห เบ อาพูง ซาเร.

7 แคะ ปี หมึอม ซาย เบ, เบ ดี วี ปึอน อาฆยึร อา บูน. แคะ ปี แฮะ ชึม เบ ซาเร เบ ดี วี ปึอน น็อห ดาคึย. เบ ดี วี ปึอน คาฆูน อา บูน แคง มืง เบ. เบ ดี บอ วี โบยว ดาคึย เซเซ.

8 โคว, โอว อี มูห เฌาพรา บอ อึง บอ ร็อก นา มูห นา หมาน. โอว บอ ฌ็อง เฆ อี พาด ดึห โกรว อี. โอว ดี วี ดัว รูห ดี เฆ ดูอี ปี อึบ โอว อาคัร หมาน. โอว ดี ดัว กาดีก ซัดฌา อี กอย เซเซ ดี เฆ.

9 เฆ ดูอี อาโมยว เฮา ดี บอ นับ หลูกหลาน เบ ตี. เฆ ดูอี กืน ดี บอ นับ ซีคยา ฆอน เฆ ดูอี ปี อึบ โอว. ดอน อี ดี บอ นับ เฆ มูห ดูอี แปะ แฮะ ม็องการา ดัว เฌาพรา.

10 โอว ดี บอ โบยว ดาคึย โกบ เฌาพรา. น็อห พึอม โอว ดาคึย โกบ แปะ แฮะ โบง เฌาพรา. โคว, อัน เฌา แฮะ คยอด โอว, แตห อึณ ปี อัน แฮะ ดัว ครึง ชีด ดี โอว. อัน เฌา แฮะ ดัว น็อห ซืร น็อห หมาน ดี โอว, แตห อึณ ปี อัน ดัว โอว กัน ฮึบ. แปะ แฮะ โบง อัน เฌา ดี โอว, แฮะ ปี กาโณม บร็อะ กามัยะ กามาย บอ ดีบยา ชึบ ครึง แซณ ครึง ครีว ดอ มูห ซีแง คัด.

11 เฌาพรา ดี แตห น็อห ซืร น็อห หมาน อัน ลึห ดี ดูอี ดอน โมยว แดง กาดาย, แตห อึณ ปี แปร เฆ เปต อี ลัต ดอน นา ดอน โปละ บอ ปี ปีด ปี ซัม อี เลห ซีคยา.