1 เฌาพรา วี ต็อห, “เหมา อึณ ปาย ปี ทาง เบ โอว แฮะ แวน มา เบ ปี อีมาย แวน อีบึณ อัน? เซ บอ มูห ปาย ตี เหมา แปะ อี แฮะ แดม ลอง ลาย แวน กาดัด? เบ บอ ทาง โอว แฮะ ย็อง เบ ปี ดูอี ย็อง ฆอน เฆ แบน หมาย อี เฮา? อาว มูห ปาย ตี. โกบ หมาบ ปี โบง เบ, เบ โลว คัม ดูก ปี เบ แฮะ ย็อง โดว เบ. โกบ ปี ลูต เบ, โอว เบลห แวน มา เบ.

2 เหมา, ดอ ตัห โอว โดง กอย เบ, อาว มึห อี เวียะ โฆรห โอว. ดอ แดะ โอว ดี เบ, อาว มึห อี ย็อห โฆรห โอว. อึณ ปี เบ ทาง แด โอว แฮะ ดีเตียม, อาว ปึอน ทูด เลห เบ. เบ มืร ทาง โอว ตู มึห แฮณ ดี จอย เบ. ตู มึห ปวน ดี ทูด เลห เบ. เบ ตู ยึร โอว อี จัร อึม นัมมูกซารา แตห อึณ ฮีด, โอว นับ ดี แตห อึม ดอน ดีลัยะ ดอน แบลง วี แบน กาดาย เฮณ กาดาย กาฮ็อห, แตห มาฆา บอ ยัม อูห อัม โตต โกบ อาว มึห อึม.

3 โอว ดึห อับ ว็อง ชึบ ดี ฆางหราว ปี อี ชึบ ครึง. โอว โบง แตห อึณปลา ปี อี ดึห จาน ปลึก.”

4 เฌาพรา อี อึบ โตต ดอน โมยว แฮะ มาโนว โอว, แตห โอว บอ นับ ดี กาลาง ปี ดูอี อี มึห อางยาน. อัน แตห โอว นับ ดี วี มาโนว อี เฮา ดอ แฮะ ซังโดว. อัน แตห โอว ดัว บอ โปลม เฆ แฮณ ดี เฆ อี แฮะ ดีหลัห. ดอน หณา อัน เฌา มืร บยีต โอว, แตห โอว โทม โฆรห ปี มาโนว อัน.

5 เฌาพรา มืร กาลาง โฆรห, แตห อึณ ลึห ซีคยา ดี โอว. โอว มืร โทม ตู กาบัห ดี อัน. โอว มืร โดบ ซีคยา ตู วี วีว นา ปัน.

6 โอว มืร แตห อี มัห กาตูะ โอว. โอว มืร ตู แคร เฆ วี อี ดืด ลาก โอว, แตห เฆ กาทัะ บอ กาลา โอว. โอว มืร ตู วัห เฆ อี ปัต นา โอว บอ คัม เฆ พยาก ซาเร โอว.

7 แคะ ปี โบง เฆ ดี โอว ตี อึณ ยี ตู แบน อาเพ อาเร มาเซ ดี โอว. โอว แฮะ นับ ซีคยา, เฌาพรา อี อึบ โตต ดอน โมยว ดี จอย โอว ตู แตห โอว ชึม. โอว มืร ตู แตห น็อห โอว บลืง. โคว, โอว แฮะ ฮอต นับ, โอว ตู หมึอม ซาย ดอ เหมา.

8 โกบ เฌาพรา แฮะ กอย รึม โดบ โอว, อัน แฮะ นับ ลอง ตู มึห โอว หมาบ. อาเซ ซี พยาก โอว, แตห เอ ฮาว ดี อาต ดา ตาง อี ซูงพยาด ดารา. อาเซ ซี กาแคณ ดี โอว, แตห อัน ตัห กอย กาตัด โอว.

9 เฌาพรา อี อึบ โตต ดอน โมยว, แฮะ บัร ดี จอย โอว. อาว มึห อาเซ อี ปึอน ดัม หมาบ ดี โอว. เฆ อี ซี พยาก โอว, เฆ บอกาเฆลียด ดี บอ หราย ปี ครึง อี แฮะ ราม, ครึง ปี โฮม มาวัะ.

10 อึย เบ อี โรวเซ เฌาพรา อี โทม บอ โบง โดบ ปี กาลาง แดเจณ อัน, เซ อึณเตณ ปี โลว โดบ เบ ดี บอ อับ ว็อง, แตห เบ หณึม บึง เฌาพรา.

11 เบ อี ปี ดูอี อี ดึห เงา ราง, คราม ดี โดะ อี เฮา, แตห เบ โดบ เงา ราง เบ ตี. โอว เฌาพรา ยี ดี โบง แตห อึณ แบน ดูก ดี เบ, แตห อึณ แบน น็อห ลึร ดี เบ.