1 เฌาพรา วี ต็อห, “อึย เบ ดูอี อี กอย แคง ฆูน อึม, แตห เบ กอย เยน บอ โทม โฆรห โอว. แตห เฆ อาโมยว ดูอี แดง กาดาย โบง แตห อึณ แบน โปลม แบน แฮณ กามาย ดี เฆ. แตห เฆ ปึอน ดี กาลาง ลอง อามู เฆ. แตห เฆ ตัห แตห เอ ซูงพยาด อาเซ แฮะ หมาน ตู หมาน.

2 อาเซ แฮะ แดะ ดูอี อู วี อี แฮะ ตัห บลาก นา เลห ซีแง? เฌาพรา แฮะ แตห อัน แบน แดเจณ อัน อี มึห น็อห ซืร น็อห หมาน. อัน เฌา แฮะ แตห อัน แป โตต แคะ กอย คูนดีคัม อี อึบ แบน มืง แบน มืง. มาปัวะ ลาง อัน มืร แฮะ แดบ ยัม เฆ, แตห เฆ วี ปี กาปูห. บลา อัะ อัน มืร แฮะ โบง, แตห เฆ เตา กาย็อห ปี เดียบ โหงว.

3 อัน บอ คูงครัห โดบ เฆ. อัน บอ ลอด อาเพ อาเร ดอน โมยว. ปี ปาย อัน ดี ครัน, เปลา อัน กอ แหนน ฮู ฌาบ ดี กาดาย.^a

4 อาเซ แฮะ โบง แตห อึณ โบว แบน ปาย ตี? อาเซ แฮะ แดะ เฆ ดูอี แบน โจว แบน โจว ตัห ดี อัน ซีณ ดอ โฆว อัน? โอว เฌาพรา แฮะ กอย ดี ตี ซีณ ดอ โฆว อัน. โอว ปี ดี วี กอย ดี ตี, แตห อึณ กอ ฌัม ปัน ดี กาแดะ ซืด.

5 เฆ ดูอี อี กอย แคง ฆูน อึม, เฆ ฮี ยึร ปี โบง โอว ตี, เฆ ดี บอ โยว ดียูห ดีเยณ. เฆ อี กอย โดง ซืด กาดาย, เฆ ดี วี ตัห กอย กาฌูะ กาดึม, ตัห กอย เครียะ.

6 เฆ ดอน อี บอ นับ ดี ลาย จอย. อู วี บอ นับ ดี กาลาง ดี บีนอง อัน ต็อห, ‘แตห แม มึห โปลม มึห แฮณ.’

7 ดา ลักซามา บอ วี กาลาง ดี ดา อี จึม ครีว, แตห อัน มึห น็อห กรึอม น็อห ตาง. ดา อี พอดพัะ อารึบ ราง แตห อึณ กาลัะ, อัน บอ นับ ดี ดัว โปลม เฆ แฮณ ดี วี อี จึม ฮีน. อัน ต็อห, ‘ปี โบง แม, แฮะ ฮอต กางยา.’ แฮะ ฮอต, เฆ บอ วี ดึห มาฮีน ดอก ดี อารึบ ราง ตึอน ดี ดัง อัน, แตห อัน มัน ซีคยา.

8 อึณ ยี มูห เบ ดูอี อาโมยว อีซาเรลัะ อี มูห แดเจณ โอว, เบ หลูกหลาน อาโกบ อี มูห ดูอี ปี ร็อห โอว, บอ เบ แคง ครึร อาบราฮัม อี มูห ฆึก โอว,

9 โอว แฮะ ดึห ตัห เบ โดง ซืด กาดาย. โอว แฮะ แดะ ตัห เบ ดี กาโตะ กาดาย อี โต็ง กาเซา. โอว แฮะ ต็อห, ‘เบ มูห แดเจณ โอว. โอว แฮะ ร็อห เบ. โอว มืร ตู แวน เบ.’

10 เบ แกวะ โยว. โอว กอย รึม โดบ เบ. แกวะ กาปึณ. โคว, โอว มูห เฌาพรา ปี กรึบ เบ. โอว ดี แตห เบ มึห โปลม มึห แฮณ. โอว ดี จอย เบ, แตห อึณ ปี โอว ปา เบ ตา แด โอว บลาก อาอัห, แตห อึณ โดบ น็อห ซืร น็อห หมาน โอว.

11 บัร เบ ยอด เฆ อี ปีรู ปีจาว ดี เบ ตึอน, เฆ ดี วี ซาย อี บอ ชึม ซาเร. เฆ ตู ปาย มาเซ. เฆ อี กาแทณ ดี เบ, เฆ ดี วี ลึร ชึม โตต.

12 เบ ปี บอ วี เหรต เฆ มืร, เบ ฮู ยึร เฆ ดอ เหมา. เฆ อี กาโฆห กาแทณ ดี เบ ตี, เฆ ตู แป ดี โบง มาเซ, อาว มึห ดีโคว มาเซ.

13 โอว มูห เฌาพรา อี มูห เฌาพรา ปี กรึบ เบ. โอว ดี ปา แด อาอัห เบ. โอว แฮะ ต็อห, ‘เบ แกวะ โยว, โอว ดี จอย เบ.’

14 โอว แฮะ ต็อห, ‘อึย เบ ดูอี อาโมยว อาโกบ อี ปี วัะเรีย, บอ เบ ดูอี อาโมยว อีซาเรลัะ, แกวะ แตห เบ โยว, โอว มูห เฌาพรา ปี กรึบ เบ อี ซีงา บอด อี ดี ทูด เลห เบ แคง ดูก.

15 โอว ดี แตห เบ ปี มัง มัห โหงว อี กามาย, อี มึห หราง อี ลัม กาเซา. เบ ดี บอ มัห นอน ดีตาง บอ นอน ดีแตด, แตห อึณ กาลาต กามูน, แตห อึณ วี แบน ปี เดียบ โหงว.

16 เบ ดี ยับ แตห อึณ บูงบรัด ฮาว โดบ คูน. คูน ดี วี บูด กาย็อห ฮาว ดอน บลาก. ปัน ตี เบ ดี วี โบยว ดาคึย โกบ เฌาพรา ปี กรึบ เบ. เบ ดี บอ วี อืบ มยูก โอว บอ กาลาง ฆูง เฆฌู โอว ต็อห, โอว มูห เฌาพรา อี ซีงา บอด, เฌาพรา ปี กรึบ เบ ดูอี อีซาเรลัะ.

17 เซ ดูอี ฆีน ดูอี พลาน ซี เดียง อึม, ยี ตู มึห ดี เดียง, แมง เฆ มืร แฮะ เฮณ กาฮ็อห, ดอ อัน ตี โอว เฌาพรา ดี บอ โทม โฆรห เฆ. โอว อี มูห เฌาพรา ปี กรึบ เฆ ดูอี อีซาเรลัะ, โอว มืร ตู แวน เบ.

18 โอว ดี แตห อึม แบลง แหล เลห ดี กาแต นอน. โดบ ดีลัยะ อึณ ดี บอ มึห อึม โตห. แคง แปร กาฮ็อห โอว ดี โบง แตห อึณ วี แบน อึม ดึง. โดง กาดาย เฮณ ดี วี มึห อึม โตห.

19 โอว ดี แตห เฮ แบน โมยว แบน โมยว วี ลัต. บอ มูห เฮ อารีด เฆ เฮ กาทีน, เฮ มูราตู บอ เฮ นามัน, เฆ ดี วี ลัต แคง แปร กาฮ็อห. แคง ฆลัง อึณ ดี วี ลัต เฮ อึณเก เฆ เฮ ทาทีรา บอ เฮ ทาซูรา.

20 เฆ ดูอี กืน ฮี ยึร ลอง อัน ตี, เฆ ดี บอ นับ โอว มูห เฌาพรา อี แฮะ โบง ลอง อัน ตี. เฆ ดี บอ วี กาดัวะ กาพา, วี โหลห เฌาพรา อี ซีงา บอด, เฌาพรา ปี กรึบ เฆ ดูอี อีซาเรลัะ อี แฮะ พาน เบลห อัน ตี.’”

21 เฌาพรา อี มูห คูนดีคัม อี อึบ หลูกหลาน อาโกบ, อัน บอ ต็อห, “อึย เบ อี มูห เฌา ปี กรึบ ดูอี เฮา, แตห เบ ตัห กาลาง ลอง อามู เบ. แตห เบ แค ซืร ซืร หมาน หมาน, แตห อึณ กอ ลึห ซีคยา.

22 แตห เบ ตัห แค โตต ดอน โมยว ลอง อัน บอ กาลาง นา อาต นี ฮาว, อึณ ดี ปาย เหมา, แตห เย นับ ลอง อัน ตี เซ อึณ ดี โบว แบน. แตห เบ บอ ตัห แค ลอง อี แฮะ ปวน ตัห นา ปัน นี, อึณ แฮะ ปาย เหมา. แตห เย ปึอน ดี เฌณฌา ลอง อัน ตี.

23 แตห เบ กาลาง, แตห เบ บยัะ มาเซ อี ดี โบว แบน นา อาต นี ฮาว, แตห อี บอ นับ, เบ มูห เฌา ปี กาอาบ อี กรึบ. แตห เบ โบง อี หมึอม อาม บอ อี ตู หมึอม มัง โมยว, แตห เย กอ อาม กอ โยว.

24 โบ็ง หมาน อัน, เบ ตู มึห ดีโคว มาเซ. บอ ปี โบง เบ, อาว มึห อาฆยึร มาเซ. เฆ อี ต็อห ดี กรึบ เบ มืร, แฮะ หมึอม กาอีห กาเซา.

25 โอว เฌาพรา แฮะ ร็อห ดูอี อู วี อี กอย ดี มืง บลาก นา กัว. อัน ดี ตัห นา เลห ซีแง บอ ซาคึร แดะ โอว. อัน ดี บอ แณต เฆ คูนดีคัม ปี อี แณต โณะ ณัะ. อัน บอ โบง ดี ดา ตาง อี อึบ มืง, แตห อึณ ปี ดูอี อี โบง กาโละ กาดาย อี แณต กาดาย แตห อึณ กาปีด.

26 อาเซ แฮะ ปึอน กาลาง ลอง อัน ตี, แตห เย นับ อี ดี แบน นา อาต นี ฮาว? เซ แฮะ โบว แบน แตห เอ ปึอน ดี ต็อห, “อึร, แฮะ หมาน อาคาคัร.” อาว มึห คอ อู วี อี แฮะ ดึอม กาลาง ลอง อัน ตี. อาว มึห อี ยึร โฆรห เบ คอ อู วี.

27 อึณ มูห โอว เฌาพรา อี แฮะ กาลาง ดี อาต ดี ดูอี แคง มืง ฌีโอน ลอง อี ดี จอย เฆ. “โอว แฮะ จัร ดาลาม ฮาว กาลาง แคง มืง เยรูซาแลม โมยว อี แตห น็อห ดูอี ดาคึย.”

28 โอว แฮะ ยอด, ยี ตู ยึร เฌา อี ปึอน กาลาง มาเซ. โอว มืร ดีหมอด เฆ, เฆ ยี ตู วี เวียะ โฆรห โอว.

29 เฌา ปี กรึบ ดูอี อาโมยว เฮา, เฆ อาว มึห ดีโคว มาเซ. ปี โบง เฆ มืร, อาว ปาย มาเซ. แคะ กอย อารึบ ราง บอกาเฆลียด, อาว มึห ปวน. เฆ ปี ฮึต ปีเยณ.