1 เฌาพรา วี ต็อห, “แตห เบ ยอด ดูอี ปี ซูต ปี จัร โอว, ดูอี ปี จอย โอว. อัน บอ มูห วี ปี ร็อห โอว, อี แฮะ ล็อะ น็อห โอว. โอว แฮะ แตห น็อห พึอม โอว กอย แคง น็อห อัน. อัน ดี บอ แตห เฆ ดูอี อาโมยว เฮา นับ ดารา อี มูห อี หมาน, บอ ซูงพยาด อามู เฆ, แตห อึณ การัม.

2 อัน ตู ดัด ตาง, ตู ซีนัน ซีนืง. อัน มืร ตู กาลาง โฆรห ตาง ดี ฆลัะ.

3 เซ อึณ มึห ดูอี อี ปี แมออ อี แฮะ รีน ดี กาบัก, อัน มืร ตู วี กาบัก แตห อึณ กาดัด. บอ แซ เฆ ปี เงา ออม อี แฮะ อึณกึร รีน ดี ยัด, อัน มืร ตู วี บยัด, แตห อึณ ยัด. อัน ดี ซูงพยาด ดารา, แตห อึณ ลึห นา มูห นา หมาน.

4 แฮณ อัน มืร ตู นับ ดี โยม. น็อห อัน มืร ตู ลึร, แตห อึณ กอ ฌัม ปัน ดี นับ เฆ ดูอี บอ กาดาย ดารา อัน. เฆ ดูอี อี กอย โต็ง แคง ฆูน อึม, เฆ ดี บอ หน็อะ แตห เฆ นับ ดารา อัน.”

5 เฌาพรา อี แฮะ พาน เบลห ฆางหราว บอ ดืด แตห อึณ กาแครณ, อัน บอ ปีว็อห กาดาย บอ ปีแบร อาโมยว อี กอย แดง กาดาย. อัน บอ แตห เฆ ดูอี ปี อึบ อัน มึห อาซาก บอ มึห พึอม. เฌาพรา ตี ปี วี กาลาง ดี แดเจณ อัน ต็อห,

6 “โอว แฮะ แดะ แม, แตห อึณ โดบ น็อห ซืร น็อห หมาน โอว. โอว ดี ปา แด แม, แตห แม ปึอน ดี ฮาว ดาคึย. โอว ดี แตห แม แบน วี ปี กาแซณ โอว ดี ดัว ดี ดูอี กืน, แตห แม ปี บลาง ดี ดูอี อาโมยว เฮา.

7 แตห แม วี ปีบลาง งาย เฆ อี แฮะ อับ, วี คยอด เลห เฆ อี กอย แคง อับ ว็อง บอ เฆ อี กอย แคง กาปึม.

8 โอว มูห เฌาพรา. ปวน บอ อาพูง ดังโคว โอว, โอว มืร ตู ดัว ดี เฌา แบน กาดัง แบน กาดัง. โอว มืร ตู ดัว อาพูง ซาเร โอว ดี อารึบ ราง.

9 ลอง แปะ แฮะ ดึอม กาลาง อูน โอว อาต นี แฮะ ฮอต แบน ดอ ตี นี. ดอ ตี นี โอว ปี ดี วี กาลาง ดี เบ อี กามาย อาต โบว แบน อัน.”

10 แตห เบ ต็อห โหมว กามาย อี อืบ เฌาพรา. เบ อี กอย โดง ซืด กาดาย, แตห เบ ต็อห โหมว อี อืบ อัน เฌา. เบ อี กาโลห อึม นัมมูกซารา บอ อี กอย แคง อึม นัมมูกซารา ดอน โมยว, เบ อี กอย แคง ฆูน อึม, แตห เบ บอกาเฆลียด ต็อห โหมว อี อืบ อัน เฌา.

11 เบ อี กอย แคง แปร กาฮ็อห บอ แคง มืง ดอน มืง, แตห เบ ต็อห โหมว ตาง, อืบ เฌาพรา. แตห เบ อี กอย แคง เรา ดูอี เกดา อืบ อัน เฌา. แตห เบ อี กอย แคง มืง เซลา ต็อห โหมว ตาง ตาง โกบ แฮะ โบยว ดาคึย เบ. แตห เบ ต็อห ตาง แดง นอน จา ดอน โปละ.

12 แตห เบ อืบ มยูก เฌาพรา, แตห อาพูง ดังโคว อัน เฌา ลึห แคง ฆูน อึม.

13 เฌาพรา ดี เลห ฮาว ปี ฆีณ ซึก อี กยัะ ดี กาโฆห. อัน เฌา บอ กาซูห น็อห อัน ปี ดา ซึก อี โบง แตห เฆ มึห น็อห ยัะ. แฮะ ฮอต, อัน บอ วี แป รันซู อัน.

14 เฌาพรา ปี วี ต็อห, “โอว แฮะ โอด น็อห, โอด พึอม โอว. แฮะ เหลณ กาเซา โอว ตู ต็อห มาเซ, แฮะ กอย หนีม หนีม. ดอ ตี นี โอว ดี ดัด เรียง ปี อีบึณ อี แฮะ วัต เซา ดี ฆอน. โอว ดี โบง แตห อึณ กาปยาต ลึร โตต อู เฌณ.

15 โอว ดี โบง แตห นอน อี เตียะ อี ตาง ราม โตต. โอว ดี โบง แตห แปร เฆ เปต บอ เฮ เฆ หรัง เฮียะ กาฮ็อห โตต. โอว ดี แตห ดีลัยะ แบลง อึม วี แบน โตต กาดาย เฮณ. บอ อึม ดึง ดี ฮีด โตต.

16 โอว ดี ตึย เฆ ดูอี งาย อับ, วี ฮาว โดบ อึณเตณ โดง ตู ดึอม ฮาว เฆ. โอว ดี แตห โดง อับ ว็อง วี แบน โดง บลาง. โดง ดีโฆละ ดีเฆลียม, โอว ดี แตห อึณ วี แบน โดง ฆลัง ดี อาต เฆ. ปาย ตี โอว ดี จอย เฆ. โอว ตู ปีว, ตู แวน เฆ ดอ เหมา.

17 เฆ อี บึง อี กรึบ อารึบ ราง บอ ฆาว ปวน อารึบ ตี ต็อห, ‘อึณ มูห เฌาพรา ปี กรึบ เย,’ เฆ ดี โลว เตา รันซู เฆ บอ ชึม ซาเร.”

18 แฮะ ฮอต, เฌาพรา วี ต็อห ดี ดูอี อีซาเรลัะ, “อึย เบ ดูอี อี โหยะ กาอาว, แตห เบ โทม. เบ ดูอี งาย อับ, แตห เบ ยอด, แตห เบ ยึร.

19 อาเซ มูห ดูอี งาย อับ? อึณ มูห มี แดเจณ โอว อี งาย อับ. อึณ มืร ตู มึห อาเซ อี โหยะ กาอาว ปี ดูอี ปี ร็อห ปี ตึย โอว. อาเซ งาย อับ ปี ดูอี อี แฮะ อาบ โดว โบ็ง อัน ดี โอว? อาว มึห อาเซ งาย อับ ปี ดูอี ปี ซูต ปี จัร โอว ตึอน.

20 อึย เบ ดูอี อีซาเรลัะ, เบ ปี บอ แฮะ ยึร กืน กาเซา มืร, เบ ยี ตู แตห อึณ ลึบ แคง น็อห เบ. เบ ปี บอ แฮะ มึห โหยะ อี นับ ดี โทม, อึณ ยี ตู กาหลูห ดี น็อห เบ.”

21 โกบ มึห เฌาพรา น็อห ซืร น็อห หมาน, อัน อึง กาเซา ดี แตห ดูอี โรวเซ ดารา อัน บอ นับ แคะ ตาง อาพูง ดังโคว อัน.

22 มาแล, เฆ ดูอี ปี อึบ อัน ตี, เฆ วี แบน ดูอี ปี ปยาต ปี โฌน อี เฮา. อี เฮา มืร ดี ฮาว อูน, ฮาว คร็อง เฆ แคง กาเดา กาดาย บอ แคง กาปึม. เฆ กาดูห ดี อี เฮา ปาย ตี มืร, อึณ ตู มึห อาเซ อี ตัห จอย, ตัห คยอด เฆ.

23 กาแต เบ อาเซ ดี โทม โฆรห ตี ดอ ตี นี? อาเซ ดี ยึร ดี โนว ลอง อัน ตี เซ อึณ ดี โบว แบน ปาย ตี นา อาต นี ฮาว?

24 อาเซ อาบ ดูอี อีซาเรลัะ ดี ดูอี อี ตัห ปยาต, ตัห โฌน เฆ? อึณ มูห เฌาพรา แปะ แฮะ ลูต เฆ อี อาบ เฆ โกบ ตู โบง โดบ เฆ ดารา อัน เฌา แคะ กาอาบ โดบ. เฆ มืร ตู ดึอม โทม ดารา อัน เฌา แคะ กาอาบ โทม.

25 โกบ อึณ ปาย ตี อัน เฌา รู กาเซา ดี เฆ. เฆ มืร โลว คัม ปี โบง ดา ซึก อี ฮาย กาเซา. น็อห รู อัน เฌา แฮะ ปี เงา กาซึม เฆ ดูอี อีซาเรลัะ. มาแล, อึณ ยี ตู กาหลูห ดี เฆ ลอง อัน เฌาพรา โบง แบน ปาย ตี ดี เฆ. เฆ ตู แตห อึณ บยอง น็อห เฆ.