1 บัร เบ ยอด, อึณ ดี มึห คูนดีคัม อู กาดัง อี ดี อึบ มาน มืง บอ ซูงพยาด ซืร ซืร หมาน หมาน. เฆ อามู อามาด อัน ดี บอ อึบ มาน มืง บอ โบง โดบ ดารา.

2 ดา ตาง ตี ดอน อี ดี บอ ปี กาปลูย อี แร คูน, แตห อี ปึอน ดี ตัห ครูด ตัห บึง ดอ มึห คูน ตาง ตัห. เฆ ดี บอ ปี แบลง อึม ตาง อี แหล ฮาว แคง โดง กาฮ็อห. เฆ ดี บอ ปี บอ มาว ดาอาง ตาง อี แตห อึณ อับ โดง กาฆลัะ กาแฆลณ.

3 ปัน อัน ตี งาย เฆ อี ยึร ซีคยา, อาว ฮู กาปยอย, อาว ฮู โมว. โหยะ เฆ อี โทม ลอง อัน ตี มืร, เฆ ดี บอ โทม ซีคยา.

4 เฆ อี ตู มึห น็อห กาฮ็อห, น็อห อี หงึย รู, เฆ ดี บอ โบง โดบ อางยาน บอด. บอ เฆ อี แฮะ กาลาง โฆรห ฮ็อะ, เฆ ดี วี ปึอน ดี กาลาง ซีคยา, กาลาง บรี.

5 เซ ดูอี ตู มึห อางยาน, อี เฮา มืร ตู ต็อห อัน มูห ดูอี หมึอม ดูอี บอด. ดูอี อี ซีมา กาโลว มืร, เฆ ตู ต็อห, อัน มูห ดูอี ซืร ซืร หมาน หมาน.

6 โคว, ดูอี อี ตู มึห อางยาน, อัน ดี บอ กาลาง มี โฆรห อี ตู มึห ดีโคว. แคง น็อห อัน มืร, อัน คราม ดี โบง มี อี ตู บอด อี ตู หมึอม ปี ตู อึง เฌาพรา. แคะ ปี โบง อัน, อึณ มูห โตต อี แนนัะ เฌาพรา. อัน มืร ตู ยอด ลึมลา เฆ อี กาปราณ ปี ดี โฮม, ตู ดัว อึม ดี เฆ อี ซี เดียง อึม.

7 เฆ ดูอี ฮาย ดูอี มืก, เฆ ดี บอ โบง นา ฮาย เซเซ. เฆ คราม ดี โบง นา ตู หมึอม เซเซ. เฆ ดี กาโลว ดูอี ฆีน, โบง แตห เฆ ชึม โตต. เฆ ดูอี ฆีน ตี ปี บอ กาลาง นา มูห นา หมาน มืร, เฆ บอ วี เหรต ปี ดี ปาย ดี ปี หล็อก เฆ ดี ดูอี ดูก ดูอี ฆีน.

8 มาแล, เฆ อี มึห น็อห บอด น็อห หมึอม, เฆ ดี บอ โบง นา บอด นา หมึอม. แคะ ปี โลว โบง เฆ นา บอด นา หมึอม, เฆ ดี บอ โบง.

9 อึย เบ อีบึณ อี กอย โบยว โบยว เกยา เกยา, แตห เบ ซาดีก. เบ อี กอย ดีโลย ดีลาย, แตห เบ โทม ปี กาลาง โอว นี.

10 ดอ อัน ตี อึณ ปี บอ แฮะ เฌะฌูง ดี น็อห เบ มืร, ปัน นา ดี ตัห, อาคราว นี อึณ ดี วี หณาบ ดี น็อห เบ. โคว, เฮ มางูน อาว ฮู มึห ดี เบต เบล อัน. บอ เบล แบน โมยว แบน โมยว อาว ฮู มึห ดี เบต.

11 อี แฮะ ปวน ตัห นา ปัน นี, เบ อีบึณ แฮะ โบยว ดาคึย, ตู มึห ดูก ตู มึห หณาบ มาเซ. มาแล, ดอ ตี นี เบ ดี วี มึห ปี โยว มึห ปี กาจัว. แตห เบ บูต เลห ครึง ตา เบ, วี ชึบ ดี ตา ครึง จาน โกบ กลึร เบ.

12 แตห เบ หลัยะ บอ กลึร โกบ มาน เบ เฆ โดง นา เบ อี แฮะ ดึอม ออง. แตห เบ บอ ยาม โกบ เฮ มางูน เบ อี แฮะ ดึอม มึห เบล มึก กาเซา.

13 ยวน มาอาต เฆ เฮ มาอาต ดี วี ลัต, วี อึณโลห แคง กาดาย โดง กอย เฆ ดูอี ปี อึบ โอว. ปาย ตี แตห เบ บอ ยาม โกบ เฆ ดูอี อี กอย โบยว โบยว เกยา เกยา แคง กาง เฆ, บอ เฆ อี มึห น็อห เฆียด น็อห เยน แคง มืง เฆ.

14 โคว, โฮว คูนดีคัม ดี บอ กาปยาต ลึร. มืง ดี ตาง ตึอน มืร, อึณ ดี บอ ราม. บอ โฮว จา อี มูห โดง บัร เฆ มืง, อึณ ดี บอ ลึร กาปยาต, อาว ฮู มึห อี วี ซัม ดอ เหมา. โดง ตี มาลา แปร ดี บอ วี ฮาว ฮาว ตัห ตัห. บอ มาบู ดี บอ ตัห โฮม เปต ดี ตี.

15 อึณ ดี แบน ปาย ตี แตห อึณ กอ ฌัม อาคราว ดี ดัว เฌาพรา น็อห พึอม อัน ดี เอ. กาดาย อี ตู บอด อี ตู หมึอม ตึอน, อึณ ดี วี แบน กาดาย บอด, กาดาย หมึอม. มาน เฆ โดง นา อี มูห กาดาย หมึอม ตี, อึณ ดี วี ปี โอ็ง เฮ.

16 แคง แปร กาฮ็อห ตึอน, เฆ ดี ซูงพยาด โดบ ดารา บอ แคง มาน เฆ โดง นา อี บอด กาเซา เฆ ดี โบง โดบ นา มูห นา หมาน.

17 โกบ ซูงพยาด เฆ แตห อึณ การัม, เฆ ดูอี ปึอน กอย ดาคึย กอย ฆยามซา. โกบ ดูอี ดอน อี โบง ซืร ซืร หมาน หมาน, อึณ แตห เฆ มึห น็อห ฆัด เฆียด อี หณึม บึง เฌาพรา เซเซ.

18 เฆ ดูอี ปี อึบ โอว เฌาพรา, เฆ ดี ปึอน กอย โดง อี ลอด อาเพ อาเร. แคง กาง เฆ, เฆ ดี ปึอน กอย ดีเหลา หนีม หนีม.

19 มาแล, ฆลาย เฆ เบรีย ดี บอ วี โจห แคง โอ็ง เฮ, แตห อึณ วี ชึม. มืง ดี โต็ง ดี ตาง ดี บอ กาปยาต ลึร.

20 เบ อี บรัด ครึง ซีมา โคบ แบลง อึม, เบ ดี บอ โบยว ดาคึย. บอ เบ อี ปึอน ดี เบลห พึง มาลา, พึง มาบู บอ พึง มามัก เบ, แตห เฆ โฮม เปต, เบ แฮะ ดาคึย.