1 แตห เบ ยอด, เฌาพรา ดี บอ ปยาต แตห กาดาย นี ลึร ราม โตต, แตห อึณ ปี อัน กาเบลียะ แวน. ดูอี บอกาเฆลียด ดี บอ บูงบรัด ฮาว ดอน บลาก.

2 แคะ กอย เฆ ดูอี, บอ มูห ดา อี หลู ดี เฌาพรา, บอ มูห ดูอี เรา ดูอี กาง, บอ มูห ดา กาณา, บอ มูห หมาย อี, บอ มูห ยา กาณา, บอ มูห แดเจณ ยา กาณา, บอ มูห ดูอี อี ย็อง โกรว, บอ มูห เฆ อี ทูก นี อี เฮา, บอ มูห เฆ ดา กาณา นี, บอ มูห เฆ ดูอี ฆีน ดูอี ครัม, เฆ บอกาเฆลียด โลว คัม ดูก อี มูห อู โมยว.

3 กาดาย นี ดี บอ กาปยาต ลึร โตต. โคว, เฌาพรา แฮะ ฮอต กาลาง อูน ปาย ตี.

4 อึณ ปี กาดาย ดี ยาม บอ เฮียะ กาฮ็อห. อึณ บอ ปี ดูอี ยาม โกบ แฮะ มึห ดูอี ยัม. ดอน อี ดี บอ ดีหลัห อึณจัม, ตู มึห โปลม เฆ แฮณ. ดอน โมยว แดง กาดาย ดี บอ เฮียะ ดีหลัห.

5 ดูอี บอ มาน บอ มืง แฮะ โบง แตห กาดาย กาดาต โกบ แฮะ หลึร เฆ ดารา เฌาพรา. เฆ แฮะ แวน โฆรห แปะ แฮะ ดัม อูน เฌาพรา. เฆ มืร ตู คัม แปะ แฮะ กาแซณ เฌาพรา ดี เฆ ดูอี ดอน ฌาด ดอน บาน.

6 โคว, เฌาพรา แฮะ ดืง กาดาย ตี, แตห อึณ ชึม. เฆ ดูอี บอ มาน บอ มืง บอ โลว วี คัม หมาบ ปี โบง เฆ. เฆ ดี บอ กาซึม แคง เงา. เฆ อี ซี ฆีด, เฆ ดี บอ เปรต กาเซา.

7 เฮ มางูน แฮะ เฮียะ กาฮ็อห. เบล มางูน มืร อาว ฮู มึห อึม. เฆ อี แฮะ ดึอม โบยว โบยว เกยา เกยา ตึอน, เฆ วี มึห มี อี ดูก อี หณาบ ดี น็อห.

8 ฮัม ดาคึย ปี ดอย ปี บัห อี บอ ฮัม ฆรึง เฆ ตึอน แฮะ ฮอต หราย โตต. บอ ฮัม ดีง อี ดาคึย อาว ฮู มึห.

9 เฆ อี ต็อห โหมว อี โบยว ดาคึย บอ เดียง อึม มางูน ตึอน มืร อาว ฮู มึห. บอ อึม ป็อห อี ปราง แฮะ วี แบน อี ซ็อง ดี เฆ.

10 มืง อี แฮะ ราม ตึอน มืร แฮะ ฮอต ลึร กาปยาต โตต. ดูอี อี ซี กอย, เฆ แฮะ วี กาบีด รีด มาโลห, แกวะ แตห อึณ มึห อาเซ อี ปึอน ดี ลึบ.

11 เฆ ดูอี เลห ฮาว โดบ อึณเตณ, ดัด ต็อห, “เหมา อึม มางูน เย?” โมยว อี แตห เฆ โบยว ดาคึย แฮะ แกร ดี โยม. แคง มืง บอ มืง อาว ฮู มึห ดูอี อี มึห น็อห ดาคึย.

12 มืง ตี แฮะ ฮอต ลึร. บอ มาโลห มืง แฮะ ฮอต ดัห กาปยาต โตต.

13 ลอง อัน ตี อึณ ดี บอ แบน ดี ดูอี แบน ครึร แบน ครึร อี กอย แดง กาดาย นี. อึณ ดี ปี ดอ แฮะ ฮอต เฆ เบต เบล แบน โมยว แบน โมยว, ดอ แฮะ ฮอต เฆ แณต เบล นามัน, แตห อึณ กอ ฮอต ดอน กาดัง. อึณ ดี บอ ปี ดอ แฮะ เบต เฆ เบล มางูน อี ซี ฆีด.

14 เฆ อี ซี ฆีด ซี กอย ตึอน, เฆ ยี วี ต็อห โหมว. เฆ อี กอย บลาก นา เฆต ซีแง, เฆ ดี บอ กาลาง แคะ ตาง ปวน เฌาพรา.

15 เฆ อี กอย นา เลห ซีแง, เฆ ดี บอ กาลาง แคะ ตาง อาพูง ดังโคว อัน เฌา. เฆ อี กอย โคบ อึม นัมมูกซารา เฆ มืร ดี วี อืบ มยูก เฌาพรา อี มูห เฌาพรา ปี กรึบ เฆ ดูอี อีซาเรลัะ.

16 เอ ดี บอ วี ยึร อี ตัห โดง ซืด กาดาย, ต็อห โหมว อี อืบ มยูก อัน เฌา. เฆ ดี บอ ต็อห, “แตห วี อี มึห น็อห ซืร ซืร หมาน หมาน มึห อาพูง ดังโคว ตาง.” ปี บอ แฮะ ปาย ตี มืร, โอว ยี มึห ดูก ตาง แคง น็อห. โปลม โอว มืร แฮะ แกร ดี โยม โลง. เฆ ดูอี อี ซีมา กาโลว มืร แฮะ แว กาโลว เซเซ. เฆ อี ตู โดบ นา มูห นา หมาน มืร, เฆ ปีหล็อก ดี อี บอ โปห อี เซเซ.

17 อึย เบ ดูอี ดอน อี แดง กาดาย, แตห เบ โทม โฆรห โอว. เบ ดี กาดูห ดูก อี หมึอม โยว อี ปี กาเดา กาดาย บอ ยอต เฆ คืม.

18 เฆ ดูอี อี ซี เตา ดอ ยึร เฆ อี หมึอม โยว กาเซา, เฆ ดี วี โจห แคง กาเดา กาดาย ตึอน. เฆ อี โฆยวฆยา ดี เลห แคง กาเดา กาดาย ตี, เฆ ดี วี ฮาว เคร ยอต เคร คืม ตึอน. แดง ตี, อึณ ดี บอ มึห ฆลาย อี โจห แคง ฆางหราว, โจห แฮณ กาเซา. บอ ดัง กาดาย ดี ดียูห ดีเยณ.

19 อึณ ดี บอ ดียูห กาเซา, แตห กาดาย กอ ดัห มาตูห กาลาต โตต.

20 อึณ บอ ปี กาดาย ตี แฮะ กาเกียง กาเกห ปี ดูอี ยึต ป็อห. อัน ดี บอ ดียูห ดีเยณ ปี ทึบ อี ตู มัน. อึณ ปี กาดาย ตี แฮะ จัน กาเซา โกบ หมาบ ปี โบง ดูอี. อัน ฮี เกห, อัน มืร อาว ฮู วี ปึอน ดี ยีต ดอ เหมา.

21 ดอ อัน ตี เฌาพรา ดี บอ ดัม หมาบ ดี เฆ อี อึบ แคง ฆางหราว บอ เฆ คูนดีคัม อี อึบ แดง กาดาย นี.

22 เฌาพรา ดี บอ ดึห ตัห กาฌูะ เฆ ตี, แตห อึณ ปี เฆ โจห กาปึม แคง กาเดา กาดาย. อัน เฌา ดี บอ คร็อง อูน เฆ, แตห อึณ กอ เหลณ, แตห อึณ กอ ฌัม ปัน ดี ซูงพยาด อัน อามู เฆ.

23 ดอ อัน ตี มาเฆียน อาว ฮู บลาง. อึณ ดี ปี นา ดูอี อี แฮะ โหมง. ซีแง มืร, อาว ฮู บลาง. อึณ ปี ดูอี อี แฮะ หมึอม ซาย. โคว, เฌาพรา อี อึบ โตต ดอน โมยว, อัน ดี อึบ ดี นอน ฌีโอน บอ แคง มืง เยรูซาแลม. แฮะ ฮอต, เฆ ดา ตาง อี กอย ดี อาต อัน เฌา, เฆ ดี บอ ยึร อาพูง ดังโคว อัน.