1 อานี เฌาพรา วี บยัะ อี ดี ปาย ลอง มืง ทูโรว. อัน ต็อห, “อึย เบ อี ป็อะ รึร ซังโพว อี กอย ดี มืง ทาซีด อี ฮาว วีว ฮาว เวณ แคง อึม นัมมูกซารา, แตห เบ ยาม บอ หงูน. โคว, มืง ทูโรว แฮะ ฮอต ราม. บอ กาง บอ โดง คยัะ รึร ซังโพว อาว ฮู มึห. เฆ ดูอี อี ฮาว วีว ฮาว เวณ แคง อึม นัมมูกซารา เฆ แฮะ ยึร ลอง อัน ตี ดี ดูอี อี กอย แดง ฆูน อึม คูโพรว.

2 อึย เบ ดูอี อี กอย บาง อึม แคง มืง ซีโดน บอ เบ อี แฮะ กาจึห กาย็อง โกรว, แตห เบ กอย หนีม, แตห เบ กอย ซีต็อง. เบ อี แฮะ จัร อี เฮา ฮาว กาโลห อึม นัมมูกซารา เบ แฮะ ชึม.

3 เบ แฮะ แตห อี ฮาว จึห โหงว ปี ซัม เฆ ดูอี อี กอย โคบ แบลง ซีโฮวรา บอ โคบ แบลง นีลา. แฮะ ฮอต, เบ แฮะ วี ย็อง ดี ดูอี อี ตัห ดอน มาน ดอน มืง.

4 อึย เบ ดูอี แคง มืง ซีโดน, แตห เบ ซาย อี โกบ แฮะ ชึม โตต เบ ดอน โมยว. อึณ ปี อึม นัมมูกซารา บอ มืง อี กอย โคบ อึม ตี อี มึห ปวน ตาง แฮะ ต็อห ดี เบ, ‘โอว ตู ดึอม มึห ฆอน คอ อู เฌณ. โอว มืร ตู ดึอม ลึมลา ฆอน กาโณม เฆ ฆอน ดีบยา ดอ เหมา.’

5 เฆ ดูอี แคง มืง แอฆึบ, เฆ ดี บอ กาจัว กาปึณ ดอ ยึร เฆ ลอง แฮะ ลึร ชึม ดูอี แคง มืง ทูโรว.

6 อึย เบ ดูอี อี กอย โคบ อึม นัมมูกซารา, แตห เบ ยาม บอ หงูน. แตห เบ กาโลห ฮาว ดี มืง ทาซีด.

7 อึณ ตู หมึอม หณึม, มืง ทูโรว ตี แฮะ ดึอม มูห มืง อี แฮะ แตห ดูอี โบยว ดาคึย. อึณ บอ มูห มืง อี แฮะ กอย ซีคยา เซเซ ซีณ ดอ มึอน, อี แฮะ ดึอม แตห ดูอี อัน ฮาว ดอน นา ดอน โปละ แดง กาดาย.

8 อึณ มืร ตู หมึอม หณึม ลอง มืง ทูโรว แฮะ ฌัม ดูก ตี. เฆ แคง มืง ตี แฮะ ดึอม ดัว มังฆึม ดี อี. เฆ แฮะ ดึอม แตห เฆ ดา กาณา โกรว แบน ปี ฆอน คูนดีคัม อี มึห ซาเร หลึอม ดูอี เฮา แดง กาดาย นี.”

9 เฌาพรา อี อึบ โตต ดอน โมยว, อัน แฮะ คราม ดี โบง ปาย ตี. อัน ดี ปยาต แวน แคะ กอย โมยว อี มึห ซาเร บอ เฆ ดา ตาง ปี โรวเซ เฆ ดูอี แดง กาดาย นี, แตห เฆ ชึม.

10 อึย เบ ดูอี บอ เรา บอ กาง อี กอย แคง มืง ทาซีด, แตห เบ รัณ มาน แคง มืง เบ, แตห อึณ ปี ปี โบง เฆ โคบ แบลง นีลา ตึอน. โคว, อาว ฮู มึห โดง ดี คยัะ รึร ซังโพว เบ.

11 อึณ ปี อัน เฌา แฮะ บลัห แด อัน แดง อึม นัมมูกซารา. อัน บอ ดียูห มาน มืง แตห อึณ ดีเยณ. เฌาพรา วี ดัว อามีง ลอง ดูอี แคง มืง กานัณ, แตห รันซู ตัห ปยาต ดอน โปละ อี แฮะ มัน ซีคยา.

12 เฌาพรา ปี วี ต็อห, “อึย เบ ดูอี แคง มืง ซีโดน, เบ อี ปี ดีบยา อี แฮะ คัม ปี คาหนาบ อี, เบ อาว ฮู โบยว ดาคึย ดอ เหมา. เบ ปี บอ แฮะ เตา ฮาว ฌัม ดี มืง คูโพรว มืร, เบ ยี ตู ปึอน ดี กอย ซีคยา กอย เยน.”

13 แตห เบ โหลห เฆ ดูอี อาโมยว กาลาเด. เฆ อาว ฮู กอย แคง มืง เฆ. เฆ ดูอี อาซูรียา แฮะ โบง แตห อึณ วี แบน โดง กอย มาโดว แปร ฮาย. เฆ แฮะ ซัม กาโช็ง จา นา เรต มืง, แตห เฆ นับ เหมา เฆ ดี ปาย ดี ลึบ. แฮะ ฮอต, เฆ บอ ปยาต แวน โตต ดอน โมยว.

14 อึย เบ ดูอี อี ป็อะ รึร ซังโพว อี ตัห แคง มืง ทาซีด, แตห เบ ยาม บอ หงูน. โคว, มืง ตาง ปี บึง เบ แฮะ ฮอต ลึร.

15 ดอ อัน ตี เฆ ดี ปีว มืง ทูโรว อาดา บู ฆึร ซีนัม. อึณ ดี มูห โจว คูนดีคัม อาดา อู โจว. เซ แฮะ ฮอต ปวน บู ฆึร ซีนัม ตี, อึณ ดี แบน แคง มืง ทูโรว ปี โหมว ปี ต็อห เฆ ยา มาลัม.

16 เฆ บอ ต็อห, “อึย ยา มาลัม แปะ แฮะ ปีว อี เฮา, แตห แม ดึห ดีง แม, วีน ดี บัห แคง มืง, แตห อึณ กอ กาลัต. แตห แม ปี ดาคึย บอ แมง แม, ต็อห โหมว กืน กืน, แตห เฆ อี เฮา วี โหลห แม.”

17 ปัน ดี ฮอต บู ฆึร ซีนัม ตี, เฌาพรา ดี วี ตัห แล, ตัห จัร ดูอี แคง มืง ทูโรว. อัน ดี แตห เฆ วี กาจึห กาย็อง ปี บรีม. เฆ ดี บอ วี ปึอน รูห ฌาง เฆ ดี ดูอี แดง กาดาย นี อี ปี รูห ยา มาลัม อี ลาย ลูต ลาย ลาย แคง มืง ดอน มืง. 18 เฆ ดี บอ ดึห รูห ปี ปึอน เฆ ตี, วี อาบ หลู ดี เฌาพรา. เฆ มืร ตู แฆบ อูน มาเซ. เฆ อี กอย กาดึก กาด็อะ ดี เฌาพรา ดี วี ดึห รึอน ปี หลู เฆ ตี, วี จึห ปี ดี โฮม, จึห บอ ครึง ปี โลว เฆ, แตห เฆ มึห ดี โฮม ลึง, ตา ลึง. เฌาพรา แฮะ บยัะ แคะ ตี ลอง มืง ทูโรว ฆาย มืง ซีโดน.