1 นา ดอย แบลง อึม แคง มืง กูซา,^a อี มูห มืง อี ปึอน ยึร ฮัม มาพลับ เพียง, เฆ ดี ฌัม ดูก ตาง.

2 เฆ ดี ตึย ดาลาม เฆ, แตห เฆ ป็อะ รึร โฆล็ง โลง โดบ แบลง อึม นีลา. อึย เบ ดาลาม อี แฮะ ครัน กาเซา, แตห เบ ฮาว ฌัม แคง มืง อี แฮะ มึห แบลง อึม อี กาคัน. ดูอี แคง มืง ตี แฮะ มึห โปลม เฆ แฮณ. เฆ มืร กาลาง โฆรห ปี ตู นับ อี เฮา. โดว เฆ ดี โต็ง ดี ตาง อี หมึอม โยว กาเซา. ดูอี อี กอย กาโต็ง บอ อี กอย กาตัด บอ โยว เฆ ดอน อี.

3 อึย เบ ดูอี อี กอย แดง กาดาย นี ดอน อี, แตห เบ โทม. เซ อี ซัม ร็อง อาลาม แดง นอน, แตห เบ ยอด. เซ เฆ บูด เวา, แตห เบ โทม บอ ฮัม อัน.

4 โคว, เฌาพรา แฮะ กาลาง ดี โอว ต็อห, “โอว แฮะ กอย แคง ฆางหราว บอ ยอด โลง เยน เยน หนีม หนีม, แตห อึณ ปี บลาง ซีแง อี แฮะ ทอง แดง กาดาย, บอ อึม ดีงาน อี โจห ดอ มูห อาคราว กาฮัวะ ดอ โซะ อี ดี โหงว.

5 อาต ปึอน เฆ ดี เบต อึณโป็ง เบล มางูน เฆ, ดอ แฮะ กาตัด เบล มางูน ดี ซีน, อึณ ดี มึห รันซู ตัห ปยาต ดูอี แคง มืง กูซา ตี. อึณ ดี ปี อี ดึห มาปัวะ, แดบ แวน รา เฆ ยวน เฮ มางูน ตี.

6 โดว ยัม เฆ ดา ซึก, เฆ ดี บอ เบลห อูน ปาย ตี แตห มาซีม เฆ มาโดว แปร ฮาย ตัห โฮม. อึณ ดี แตห มาซีม มึห ปี ดี โฮม ดอ มูห อาคราว ซอดาด. อึณ ดี บอ แตห มาโดว แปร มึห ปี ดี โฮม ดอ มูห อาคราว ฆัด เฆียด.”

7 ดอ อัน ตี เฌาพรา อี อึบ โตต ดอน โมยว, อัน ดี บอ ดึห ลักซอง ดี เฆ ดูอี แคง มืง อี มึห แบลง อึม กาคัน. อึณ บอ มูห ดูอี อี มึห โปลม เฆ แฮณ, ดูอี โดว ดี โต็ง ดี ตาง อี หมึอม โยว กาเซา. ดูอี อี กอย กาโต็ง บอ อี กอย กาตัด บอ โยว เฆ ดอน อี. เฆ ดี บอ ตัห ดี นอน ฌีโอน โดง กรึบ อี เฌาพรา อี อึบ โตต ดอน โมยว.