1 คา นี เฌาพรา วี กาลาง ลอง อี ดี ปาย แคง มืง แอฆึบ. บัร เบ ยอด, อึณ ปี เฌาพรา ดี ป็อะ อึณอูะ อี ครัน กาเซา, ตัห ฌัม ดี มืง แอฆึบ. อารึบ ราง อี กอย แคง มืง แอฆึบ ตี ดี บอ ดียูห ดีเยณ โกบ ตัห อัน เฌา. น็อห เฆ ดูอี แอฆึบ อี มึห น็อห ยัะ น็อห กยัะ มืร, แฮะ ฮอต หราย โตต.

2 เฌาพรา บอ วี ต็อห, “โอว ดี กาซูห เฆ ดูอี แอฆึบ, แตห เฆ วี ลาย กาโฆห กาแต เฆ. เฆ อี กอย กาเครียะ อี มูห อูกัด อูวา, เฆ ดี วี ลาย กาโฆห. แคง มืง ตาง แอฆึบ ตี อู อืง ดี วี กาโฆห ปอ อู อืง, อู มืง ดี วี กาโฆห ดี ปอ อู มืง.

3 โอว ดี โบง แตห เฆ ดูอี แคง มืง แอฆึบ วี แบน น็อห ลึร, น็อห ดีแตด. โอว ดี ปยาต แวน ปี คราม เฆ ดี โบง. เฆ ดี วี ฮาว ดีหมอด อารึบ ราง, แตห อึณ จอย เฆ. เฆ ดี บอ ฮาว ดีหมอด ดูอี อี นับ ดี โบง อาดาด, ฮาว ดีหมอด กานัม ดูอี ยัม, ฮาว ดีหมอด ยา เปร, แตห เฆ วี มึห อากยาม อางยาน.

4 โอว ดี อาบ ดูอี แอฆึบ ดี ดา กาณา อี ตู นับ ดี กาเว ดูอี. คูนดีคัม อี ฮาย กาเซา ดี วี อึบ เฆ. เฌาพรา อี อึบ โตต ดอน โมยว แฮะ กาลาง ปาย ตี.”

5 ดอ อัน ตี อึม แบลง นีลา ดี บอ โยม โลง. อึณ ดี บอ ฮีด โตต.

6 อึม แคง โรงฟาย ดอน โปละ ดี บอ อูห อัม. แบลง อึม อี ตัห ลึบ แคง แบลง นีลา ดี ฮีด โตต. โฆล็ง เฆ แคม มืร ดี เฮียะ กาฮ็อห ยัม.

7 เฮ เฌ อี ลัต โคบ แบลง อึม นีลา บอ ปี ซัม ดูอี ดี ตี มืร, ดี บอ กาฮ็อห ต็อง ลึร ชึม.

8 เฆ ดูอี อี เหมต มาฆา โดบ แบลง นีลา, เฆ ดี บอ ยาม บอ หงูน ดอน อี. ดูอี อี ตา อึณแปด, ตา อึณรับ, เฆ ดี บอ กาปราณ ปี ดี โฮม.

9 เฆ อี โบง ดี ด็อะ อี บัด เซณ ลูย, บัด กาตัม ลูย มืร, เฆ ดี บอ แบน น็อห ฆว็อง.

10 เฆ ดูอี อี ปึอน บึง, อี ปี ร็อง กาง แตห อึณ มัน, เฆ ดี ชึม. บอ เฆ ดูอี อี ฌาง ดี โฮม, เฆ ดี บอ แบน น็อห ลึร น็อห เตียะ.

11 เฆ อามู อามาด อี กอย แคง มืง จอนา, เฆ ดี บอ ฟึณ บอ รึร. เฆ ดูอี อี มึห อางยาน, เฆ ดี บอ วี ดัว อากยาม อางยาน อี มืก อี อับ ว็อง ดี คูนดีคัม พาโรว. เฆ ยี ยัะ กาลาง ดี คูนดีคัม ต็อห, “เย บอ มูห ครึร ดูอี อี มึห อางยาน, เย บอ มูห อึณกรึห คูนดีคัม ซีณ ดอ มึอน.”

12 “อึย คูนดีคัม อี อึบ มืง แอฆึบ, ดูอี แม อี มึห อางยาน อี หล็อก แหลม, เฆ กอย นา เหมา? แตห แม จัร เฆ กาลาง แหน ลอง ปี คราม เฌาพรา อี อึบ โตต ดอน โมยว. แตห เฆ กาลาง, อัน ดี โบง ปาย เหมา แคง มืง แอฆึบ ตี.

13 เฆ อามู อามาด อี กอย แคง มืง จอนา, เฆ แฮะ ฮอต แบน ดูอี รึร ดูอี ฟึณ. เฆ อามู อามาด อี กอย แคง มืง นอพัะ, เฆ บอ หณึม ปี กาโลว อี. เฆ อี ปี เจณ ร็อง แคง ครึร เฆ, เฆ ยี วี แยต แตห ดอน อี กาลึบ.

14 โคว, เฌาพรา แฮะ โบง แตห อางยาน เฆ กาฟัร กาเฟียน. โกบ อึณ ปาย ตี เฆ ดูอี แคง มืง แอฆึบ บอ โบง กาลึบ โตต ดอน โมยว. เฆ บอ ปี ดูอี ยึต ป็อห อี แฮะ วี ดีปลาด เกห อีด แคง ฮึร บรีม เฆ.

15 เฆ ดูอี แคง มืง แอฆึบ, บอ มูห ดูอี ครัม, บอ มูห ดูอี ฆีน, บอ มูห ดา ตาง, บอ มูห ดูอี เรา ดูอี กาง, อาว มึห อี ปึอน จอย คอ อู วี.” เฌาพรา แฮะ กาลาง ปาย ตี.

16 เฌาพรา ปี วี กาลาง ฮาว ต็อห, “ดอ อัน ตี เฆ ดูอี มืง แอฆึบ ดี บอ ปี อีบึณ อี ตู มึห โดง ดี บึง. เฌาพรา อี อึบ โตต ดอน โมยว, อัน ดี บอ โจะ อึณเพียะ ดี เฆ, แตห เฆ โยว ดียูห ดีเยณ. 17 เฆ ดูอี แอฆึบ, เฆ ดี บอ โยว กาเซา เฆ ดูอี อาโมยว อายูดา. เซ เฆ ยึร มี อี กาลาง จืร เฆ ดูอี อายูดา, เฆ ดอน อี ดี บอ โยว. โคว, เฌาพรา อี อึบ โตต ดอน โมยว แฮะ คราม ดี โบง ปาย ตี.

18 อาคราว ดอ อัน ตี แคง กาดาย มืง แอฆึบ ตี, เฆ ดี กาดูห ดี กาลาง โตต โฆรห แฮแบร อาดา พัน มืง. ดูอี เฆ ตี ดี วี คัม บอ ดืง กาแซณ ดี เฌาพรา อี อึบ โตต ดอน โมยว, แตห เฆ โรวเซ อัน. แคง มืง พัน มืง ตี, อาดา อู มืง, เฆ ดี แตห อึณ จืร, “มืง ซีแง.” ^a

19 ดอ อัน ตี อึณ ดี มึห กาโช็ง หลู ดี เฌาพรา แคง มืง แอฆึบ. อึณ ดี มึห บอ ร็อง มาว โดง ดี กรึบ เฆ เฌาพรา อี กอย ดี กาอูน กาดาย มืง แอฆึบ ตี. 20 อาตี อึณ ดี แบน ลักซานา อี บยัะ, แคง มืง แอฆึบ อึณ มึห ดูอี อี กรึบ เฌาพรา อี อึบ ดอน โมยว. เซ เฆ ดูอี ตี โลว คัม ปี คาหนาบ อี เฮา. เซ เฆ บอ วี แดะ เฌาพรา จอย เฆ, อัน เฌา มืร ดี ตึย อี ดี คยอด เฆ, แตห อัน ตัห ทูด เลห เฆ. 21 เฌาพรา ดี บอ บยัะ ปี มูห อัน ดี เฆ ดูอี แอฆึบ. เฆ มืร ดี นับ อัน บอ กรึบ มี อัน. ซีแง ตี, เฆ ดี บอ ดึห ตัห ปี ดี หลู เฆ บอ โดว ปี หลู อี โดะ ดี เงา, วี หลู ดี เฌาพรา. เฆ ดี บอ ดัว กาดีก ซัดฌา ดี เฌาพรา บอ โบง โดบ กาดีก ซัดฌา เฆ ตี. 22 เฌาพรา ดี บอ ดัม กาเซา หมาบ ดี เฆ ดูอี แอฆึบ. แฮะ ฮอต, อัน ปี ดี วี แตห เฆ ดาคึย, แตห เฆ แกน. ซีแง ตี, เฆ ดี บอ กาปลูะ น็อห เฆ. อัน เฌา มืร ดี วี โทม โฆรห ปี ซาคึร ปี หมาณ เฆ, วี แตห ดูก เฆ หราย.

23 ดอ อัน ตี อึณ ดี มึห อึณเตณ ตาง จูห ดี มืง แอฆึบ, ฌัม มืง อาซูรียา. เฆ ดูอี อา มืง ตี ดี บอ ฮาว ฮาว ตัห ตัห ลาย ลึบ แคง มืง เฆ. เฆ ดูอี บอ อา มืง ดี บอ กรึบ ดี รึม อู โปละ.

24 ปัน อัน ตี มืง อีซาเรลัะ ดี แบน มืง ฮาโอย อี การัม มืง แอฆึบ บอ มืง อาซูรียา. อึณ ดี บอ แบน ปี ม็องการา ดัว เฌาพรา ดี ดูอี แดง กาดาย นี. 25 เฌาพรา อี อึบ โตต ดอน โมยว, อัน ม็องการา ดัว ดี เฆ บอ ต็อห, ‘เบ ดูอี อาโมยว แอฆึบ อี มูห อาโมยว โอว, บอ เบ ดูอี อาโมยว อาซูรียา อี มูห ดูอี ปี พาน เบลห โอว, บอ เบ ดูอี อีซาเรลัะ อี มูห ดูอี ปี ร็อห โอว, แตห เบ บอกาเฆลียด โบยว ดาคึย.’ ”