มารอย อู โดว อี แฮะ ยัม แคง นามัน อูห หงูน, อึณ บอ แตห นามัน บอ กาเปา อูห อัม. นา ตู หล็อก อี แจก, อึณ บอ นับ ดี แตห ซาเร อางยาน อี แฮะ มึห ดีง็อห ดีคัน วี ลึร ชึม.

2 น็อห ดูอี อี มึห อางยาน บอ กอย บลาก อาอัห. น็อห ดูอี อี รึร บอ กอย บลาก อาฆัะ.

3 ดอ ฮาว อัน โดบ อึณเตณ, รึร อัน บอ ลึห ซีคยา ดี ดูอี ปี กาตูณ อัน. อัน บอ บยัะ แคะ รึร อัน ดี ดูอี ดอน อี.

4 เซ ดา กาณา แม แฮะ รู จาว ดี แม, แกวะ แตห แม เลห โดง กอย แม. น็อห คัม ดี ยืน เหลณ บอ แป ดี ฆ็อห แวน หมาบ อี ตาง กาเซา.

5 อี ฮาย อี มืก ปี ยึร โอว แดง กาดาย ครึม เบลณ นี, อึณ บอ มูห ปี กาลึบ ปี ลูต เฆ อี มูห ดา กาณา.

6 อึณ มูห เฆ ดูอี รึร วี มึห อายา ปี ดา กาณา อี มึห ปวน. เฆ ดูอี ครัม ยี วี กาดูห ดี คัม ดี โจห เตียม.

7 โอว แฮะ ยึร เฆ อี มูห หมาย อี ปึอน ดี ป็อะ อึณปร็อง. เฆ อี มูห อามู อามาด คูนดีคัม ยี วี กาดูห ดี ฮาว ดี เปลา ปี หมาย อี.

8 เซ แม ฆึห กาเดา, โลว โยว อึณ วี มูห แม ดี โจห นา แคง. เซ แม ปยาต แรง แตห อึณ หลูห, โลว โยว มาฮัณ ดี วี ตัห โฌะ แม.

9 เซ ดูอี โบง ฆาน โละ มาว, โลว โยว มาว ตี วี กาชัต ดึร อัน. เซ ดูอี ตา มึย ดัห เฮ, โลว โยว เฮ ตี ดี วี แตห อัน กาดูห เซา.

10 เซ บลา มึย แม แฮะ เฮต, เซ แม ตู ลาะ แตห อึณ ลัม, แม ดี โตต กืน แฮณ แม. เซ แม ยี มึห อางยาน บอ แหลว ดี โบง, อึณ แตห แม แป แม ออง.

11 เซ มาฮัณ อี มึห อาย แฮณ ปึอน ดี โฌะ อี อาต พึก อี แตห อัน แง, ดา ซารา อี นับ ดี มาโนว มาฮัณ ตี, อาว มึห ดีโคว มาเซ.

12 โฆรห ปี กาลาง ดูอี อี มึห อางยาน แตห อัน มึห ซาเร. อี มูห โฆรห ปี กาลาง ดูอี รึร บอ นับ ดี วี โบง แตห อัน ลึร ชึม.

13 ดอ กาจูห อัน ดี กาลาง โฆรห, อึณ มูห โฆรห อี มึห อางยาน. กาแดะ โฆรห อัน, อึณ มูห โฆรห มืก โฆรห ฮาย.

14 ดูอี รึร ตี, อัน บอ นับ ดี โมต กืน โฆรห กืน อี ตู มึห ดีโคว.

อึณ ตู มึห อาเซ อี นับ ลอง ดี วี แบน ปาย เหมา. อึณ มืร ตู มึห อาเซ อี นับ ดี วี กาลาง ดี เอ, อึณ ดี แบน ปาย เหมา อาคราว อี ดี ตัห.

15 ฆาน ปี โบง ดูอี รึร, อึณ บอ แตห อัน นูน ปีเยณ. อัน มืร ตู นับ อึณเตณ ปี โลว ฮาว อัน.

16 เซ คูนดีคัม อี อึบ มืง แฮะ ดึอม แบน หมาย อี, ดูอี เรา ดูอี กาง ดี ฌัม ดูก ตาง. เซ อามู อามาด อัน, วี โบง บลอย โฮม โบยว โฮม เกยา ซีณวัห เจว, มืง ตี บอ มืง ดี ฌัม ดูก ตาง.

17 เซ ฆอน คูน ฆอน ดา กาณา วี แบน คูนดีคัม, อึณ ดี แตห มาน มืง โบยว ดาคึย. อามู อามาด อัน มืร นับ ดี โฮม โดบ อาคราว โดบ อึณปรา, โฮม แตห อึณ แบน โปลม แบน แฮณ ดี เฆ. อาว มูห โฮม แตห อึณ กอ ยึต กอ เมา.

18 เซ ดูอี กราน กาเซา, อึณ บอ แตห กาตูะ กาง อัน ราม กาปยาต ลึร. เซ อัน กราน ดี เชียม, กราน ดี อึณปราย, ฆลาย ดี รอต ดี บอ อัม ณัะ บอ กาง.

19 เซ เอ มึห ปี ดี โฮม, แตห เอ โบยว ดาคึย. อึม มางูน มืร, อึณ บอ แตห เอ โคย เอ เกยา. เอ ยี โลว มึห รึอน, เอ กอ นับ ดี ปึอน ดอน โมยว.

20 แกวะ เฌณฌา ดี เอห คูนดีคัม, บอ แกวะ ปรา ดี ดืง ดูอี ครัม แคง โฮง อีด แม. มาซีม อี บึณ ฮาว แคง ฆางหราว, เฆ นับ ดี โทม โฆรห ปี กาลาง แม, วี ฮาว แค ดี อี.