ฆอน อี มึห อางยาน, อัน ดี บอ โทม โฆรห ปี มาโนว ฆูณ อัน. ฆอน อี มึห น็อห ปีคึก, อัน ยี แวน ปี มาโนว อี.

2 ดูอี หมึอม ดี วี ยึร อาฆยึร ปี กาลาง อัน. ดูอี อี ซีมา กาโลว, อัน ซี แตห อี กาลูต.

3 เซ แม ซาดีก ปี แค ปี กาลาง แม, แม แคร บอ อาซาก แม. เฆ อี ตู นับ ดี ซาดีก โฆรห, เฆ บอ กาลาง ปีเยณ, แตห อาซาก เฆ ชึม.

4 อาเซ อี มึห น็อห กราน, อัน ปี บอ มึห น็อห ลอพัะ มืร, อัน ตู ปึอน มาเซ. อาเซ ยี ออน, อัน ดี ปึอน แคะ ปี โลว อัน.

5 ดูอี อี มึห น็อห ซืร น็อห หมาน, อัน บอ ฌ็อง โฆรห กาโลว, ฌ็อง อี ตู หมาน. เฆ ดูอี ฮาย, เฆ บอ โบง อี หมึอม กาอีห, อี หมึอม ซาย.

6 นา บอด นา หมึอม ดี บอ ฆ็อง บอ แร เฆ อี ตู กาโลว. นา ตู หมึอม, นา จีจีว ดี บอ แตห ดูอี ฮาย ชึม.

7 ดูอี มัง อี ตู มึห มาเซ, ยี ณึง ดูอี ครัม. ดูอี มัง อี, แฮะ ครัม, มึห โกรวกราม กืน, ยี ณึง ดูอี ฆีน.

8 โกรวกราม ดูอี ครัม นับ ดี ทูด อาซาก อัน. ดูอี ฆีน ยี ตู โทม ปี กาโบยว อี ดี อัน.

9 ดูอี อี มึห น็อห ซืร น็อห หมาน, อัน ปี เงา ออม อี บลาง. ดูอี ฮาย, อัน บอ ปี เงา ออม อี แฮะ ฮอต ยัด.

10 เซ ดูอี มึห น็อห ปีคึก, อัน บอ โบง แตห อี กาลูต. อาเซ ยี โทม ปี มาโนว อี, อึณ ดี แบน อางยาน ดี อัน.

11 โกรวกราม ปี ปึอน ดูอี โกบ โบง อัน นา ตู หมึอม, อึณ บอ เจว โตต. อาเซ ยี ออน ดี กาฌูะ อูน อี แจก อี แจก, อึณ ดี บอ แกร ดี กืน.

12 เซ ปี หน็อะ อึณด็อะ อี ตู แบน, อึณ บอ แบน เซา ดี น็อห. เซ ปี คราม อี ดี โบง แฮะ แบน, อึณ บอ แบน ปี เฮ อี แตห อาซาก ดี อี.

13 เซ แม แวน โฆรห ปี มาโนว อี, แม โลว คัม รูห แวน แม. เซ แม ยี โทม, แม ดี บอ ปึอน รูห อัน.

14 โฆรห ปี มาโนว ดูอี อี มึห อางยาน, อึณ บอ ปี อึม โตห อี ดัว อาซาก. โฆรห ฌึร ตี ดี จอย แตห แม ลอด ยัม.

15 อาเซ มึห อางยาน บอด, อัน ดี มึห ซาเร. เซ อึณ ยี มูห อี ตู หมึอม หณึม, อึณ ปี อัน โดบ อึณเตณ อี ลึร, อึณเตณ อี แตห อัน ชึม.

16 ดูอี หล็อก, อัน บอ นับ ลอง ปี ดี โบง อัน. ดูอี รึร, อัน ยี นับ ดี โบง แตห อึณ ลึห ซีคยา แคะ รึร อัน.

17 ดูอี ปี ซูต ปี จัร อี ตู ปึอน หณึม, อัน บอ โบง แตห อี ฌัม ดูก. อามู อามาด อี ปึอน หณึม, อัน บอ โบง แตห อึณ เยน ดาคึย.

18 อาเซ ตู โทม ปี มาโนว อี เฮา, อัน ดี แบน ดูอี ฆีน, ดูอี พลาน. อัน บอ โลว ซาย อี. อาเซ ยี โทม, อัน ดี มึห ซาเร.

19 เซ ปี กาปรา แม แฮะ ฮอต เฌะฌูง โตต ดอน โมยว, อึณ บอ ดาคึย ดี น็อห ดี พึอม. ดูอี ฮาย, ยี กาอีห บอ ฌ็อง ดี วัห นา จีจีว.

20 อาเซ โดบ ดูอี อี มึห อางยาน, บอ อัน ดี มึห อางยาน. อาเซ กาฆึก ดี ดูอี ฮาย ดูอี มืก, บอ อัน ดี ฌัม ดูก.

21 อาเพ อาเร ดี บอ โดบ เฆ อี มึห หมาบ. เฆ อี มึห น็อห ซืร น็อห หมาน, เฆ ดี บอ ปึอน อาฆยึร อี กอย ดาคึย.

22 ดูอี บอด ดูอี หมึอม, อัน นับ ดี กาฌูะ อูน คาฆูน ดี หลูกหลาน อัน. ดูอี อี มึห หมาบ, อัน บอ นับ ดี กาฌูะ อูน, ยี มูห เฆ อี มึห น็อห หมึอม น็อห บอด, เฆ ดี ปึอน โตต.

23 ดูอี ฆีน ปี บอ แฮะ มึห โดง นา อี ปึอน กืน ปี ดี โฮม, ดูอี ตู หมึอม ยี นับ ดี ดึห โตต.

24 เซ แม ตู เวียน ตู ซีเบรียะ ฆอน แม, แม ตู ร็อก อัน. เซ แม ร็อก ฆอน แม, แม โลว มาโนว ดีงัณ.

25 ดูอี อี มึห น็อห ซืร น็อห หมาน, อัน ดี บอ ปึอน ดี โฮม แพ. ดูอี ฮาย, อัน ยี กาปราณ เซเซ.