อาเซ อึง เซ อี เฮา มาโนว อัน, อัน มืร มึห น็อห ซี นับ ดอน โมยว. อาเซ ยี ฌ็อง ปี มาโนว อี, อัน ปี โดว ซัด.

2 เซ ดูอี ยี โบง นา หมึอม, อึณ ล็อะ น็อห เฌาพรา. เซ อึณ ยี มึห ดูอี อี คราม ดี โบง นา จีจีว, เฌาพรา ดี ดัม หมาบ ดี อัน.

3 เซ ดูอี โบง นา ฮาย นา จีจีว, อึณ ตู แตห อัน มึห ฆยามซา. เซ อัน ยี มึห น็อห ซืร น็อห หมาน, อัน ดี กอย ซีคยา ปี เฮ อี มึห เรียห อี โลง ลึก.

4 เซ อีมาย มึห อีบึณ อี บอด อี หมึอม, อึณ ปี อัน แฮะ ชึบ มังฆึม. เซ อัน ยี มึห อีบึณ อี โบง แตห อัน หมึอม ซาย, อึณ ปี อัน โบง แตห กาอาง อัน แกร ดี ราม ลึร โตต.

5 ปี คราม เฆ อี มึห น็อห ซืร น็อห หมาน แฮะ มูห แฮะ หมาน. อากยาม อางยาน ดูอี ฮาย, อึณ ยี ตู หมาน.

6 โฆรห ปี กาลาง เฆ ดูอี ฮาย นับ ดี ง็อห ยัม อาซาก อี. โฆรห เฆ ดูอี บอด ดูอี หมึอม นับ ดี คยอด อี.

7 ดูอี ฮาย เฆ ดี เกห ชึม โตต. บอ ครึร เฆ ดี หราย. เซ อึณ มูห ครึร เฆ ดูอี อี มึห น็อห ซืร, เฆ ดี กอย เซเซ.

8 เซ แม กาดัวะ กาพา นา หล็อก แหลม, เฆ อี เฮา ดี อืบ แม. เซ แม กาพา นา รึร, เฆ ดี ลูกตาย แม.

9 เซ อึณ มึห ดูอี อี ตู คึกคัม, ยี มึห แดเจณ อู วี, อึณ หมึอม หลึอม ดูอี อี ปีพูง อัน, ยี เอต โบม.

10 ดูอี อี มึห น็อห ซืร น็อห หมาน, อัน บอ นับ ดี ลึมลา ซีคยา โดว ซัดดาวา ปี เฮียง อัน. เซ ดูอี มืก ยี ต็อห ดี โบง นา หมึอม, อึณ ยี ซี แนะ ฮาย กาเซา.

11 ดูอี อี ออน ดี โบง มาน เฆ นา, อัน บอ ปึอน ดี โฮม ลึง ตา ลึง. เฆ อี ดีลีณ ปีเยณ ตู มึห ดีโคว, เฆ ตู มึห อางยาน.

12 แคะ กอย เฆ ดูอี ฮาย, เฆ ซี ปึอน โกรว แปะ แฮะ พาด ตัห ดูอี ฮาย ดูอี มืก. เฆ อี มึห น็อห ซืร น็อห หมาน, เฆ ยี ปี เฮ อี มึห เรียห ลึก บอ มึห เบล กืน.^a

13 เฆ ดูอี ฮาย เฆ ปี ดูอี อี ลึบ แคง ยอต โกบ โฆรห ปี กาลาง เฆ. เฆ อี มึห น็อห ซืร น็อห หมาน, เฆ ดี บอ ลอด ฌัม ดูก.

14 ดูอี อี นับ ดี กาลาง นา บอด นา หมึอม, อัน ดี ปึอน นา หมึอม โกบ โฆรห ปี กาลาง อัน. แคะ ปี โบง อัน, อึณ แตห อัน ปึอน อาฆยึร อัน.

15 ดูอี รึร บอ ทาง ปี โบง อัน แฮะ หมึอม เซเซ. เฆ ดูอี อี มึห อางยาน, เฆ ยี โทม อากยาม อางยาน ปี ดัว อี เฮา.

16 เซ ดูอี ฮาย ฮี รู, อึณ บอ ลึห อู เฌณ. เฆ อี มึห อางยาน, เฆ ยี ตู ดืน โฆรห อี หมึอม ซาย ปี กาลาง อี เฮา.

17 ดอ กาลาง แม โฆรห หมาน, แม บอ บยัะ น็อห ซืร น็อห หมาน. เซ แม ยี แบน ซักเซ อี กาลาง โฆรห ตู หมาน, อึณ บอ บยัะ น็อห กาโลว.

18 โฆรห ปี ตู เฌณฌา ยี แฮะ ฮอต กาลาง, อึณ บอ ปี มาปัวะ ลาง อี ซัด แบน ดีม. โฆรห ปี กาลาง ดูอี อี มึห อางยาน, อึณ บอ ปี ซีนัม อี แตห เซา หราย.

19 อี หมาน ปี กาลาง อี, อึณ บอ กอย เซเซ. อี กาโลว ปี ต็อห เฆ, ยี กอย อู กาจัน. แฮะ ฮอต อึณ วี หราย.

20 โฆรห กาโลว, โฆรห ตู หมาน, อึณ บอ กอย แคง น็อห เฆ อี ซี โบง นา จีจีว. เฆ อี คราม ดี โบง นา บอด นา หมึอม, อึณ ยี แตห บอ น็อห เฆ โบยว ดาคึย.

21 โมยว อี ตู หมึอม, อึณ ตู ฌัม ดี ดูอี อี มึห น็อห ซืร น็อห หมาน. เฆ ดูอี ฮาย, เฆ ยี มึห ดูก เซเซ.

22 เฌาพรา ฌ็อง ดูอี ซีมา กาโลว บอ อึง เฆ อี โดบ นา มูห นา หมาน.

23 ดูอี อี มึห อางยาน, อัน ตู กาลาง โตต แคะ ปี นับ อัน. ดูอี รึร ยี กาลาง บยัะ โตต แคะ รึร อัน.

24 ดูอี อี ออน ดี โบง แบน โมยว แบน โมยว, อัน ดี ปึอน ดี อึบ อี. ดูอี อี กราน, อัน ยี โลว แบน หมาย อี.

25 อาเซ โยว เซเซ, อึณ แตห อัน แบน น็อห ดีแตด. โฆรห ดาคึย ยี แตห อี แบน น็อห ตาง.

26 ดูอี อี มึห น็อห ซืร น็อห หมาน, อัน ดี นับ ดี แยต อึณเตณ ฆึก อัน. ดูอี ฮาย บอ แยต แตห อี เฮา กาลึบ.

27 เซ ดูอี กราน ปี บอ แฮะ เหมต โดว ซัดดาวา, อัน ยี ตู คัม ดี โบง แตห อึณ แบน ฮาบ. เซ อึณ ยี มึห ดูอี อี ออน, อัน ดี บอ ครัม บอ มึห.

28 อาเซ โดบ อึณเตณ อี มูห อี หมาน, อาซาก อัน ดี โต็ง. อาเซ ยี โบง นา จีจีว นา ตู หมึอม, อัน ดี ยัม.^b