1 อึย แม เฌาพรา, เย ดาง ฆูง เฆฌู ดี แม. เย ดาง ฆูง เฆฌู ดี แม โกบ กอย รึม แม โดบ เย. เย อาโมยว ดูอี นับ ดี กาลาง ลอง แปะ แฮะ โบง แม เฌา, อี หมึอม อาม กาเซา.

2 แม เฌาพรา บอ ต็อห, “โอว แฮะ ฮอต ร็อห อาคราว ปัน ดี ซูงพยาด โอว อามู อี. อึณ มูห โอว อี ซูงพยาด นา มูห นา หมาน.

3 แคะ กอย ดูอี บอ โดว ซัดดาวา อี กอย แดง กาดาย, เฆ ปี บอ แฮะ กาครูห ดีครอน, โอว ยี โบง แตห กาดาย กอย หนีม กอย ซีคยา.

4 โอว บอ กาลาง ดี เฆ ดูอี ปีคึก, ‘เบ แกวะ น็อห ตาง ดี โดว บรีม เบ.’ โอว บอ กาลาง ดี เฆ ดูอี ฮาย, ‘แกวะ ปีกยัะ เบ ดี โบง.’

5 ‘แกวะ ปียัะ เบ ดี แคณ เฌาพรา. แกวะ ปีงึห ดึะ ฆีณ เบ.’”

6 โคว, อี นับ ดี โจะ เบ, อาว มูห อี ดี ตัห นา เตต นา กัว, ตู ตัห นา เลห ซีแง, นา เฆต ซีแง.

7 อึณ ยี มูห เฌาพรา อี นับ ดี ซูงพยาด อามู อี. มัง อี อัน เฌา บอ นับ ดี ดัม หมาบ, มัง อี อัน บอ นับ ดี ฆ็อห แวน.

8 น็อห รู เฌาพรา, อึณ ปี อัน โฆ็ง ซีลัยะ อึม มางูน อี ปราง อี แฮะ ฮับ เดา กาปู. อัน เฌา บอ ฮูห เลห อึม ตี, แตห เฆ ดูอี ฮาย ดูอี มืก เดียง, แตห อึณ กอ โตต ลืม.

9 อึณ ยี มูห โอว, โอว ดี บอ แค ลอง อัน ตี ดี อี. โอว ดี อืบ เฌาพรา เซเซ. อัน มูห เฌาพรา ปี กรึบ อาโกบ ตึอน.

10 อัน เฌา ดี บอ ดึห แวน ปวน เฆ ดูอี มืก ดูอี ฮาย, ปี วี แตห เฆ อี น็อห ซืร น็อห หมาน มึห ปวน หลึอม บรีม.