1 อึย แม เฌาพรา, โอว หมาณ, แตห แม กาลาง ลอง ตู มึห โอว หมาบ. แตห แม แคร เฆ อี ตู นับ แม เฌาพรา. เฆ แฮะ บัร ดี กาโฆห ดี โอว. โอว หมาณ, แตห แม เฌา คยอด โอว, แตห โอว ลอด ตัะ เฆ ดูอี อี ตู นับ นา มูห นา หมาน ตี.

2 แม เฌาพรา บอ มูห เฌาพรา ปี บึง โอว. เหมา อึณ ปาย ปี แวน แม เฌา ดี โอว? เหมา อึณ ปาย ปี โลว โอว คัม ดูก ตาง นี ดี เฆ รันซู โอว อี คาหนาบ โอว?

3 โอว หมาณ, แตห แม เฌา ดัว บลาง บอ อี หมาน ดี โอว. แตห อึณ แยต เวณ โอว ดี นอน ฌีโอน อี มูห นอน บอด โดง กอย แม เฌา. แตห โอว วี ฌัม โดง กอย แม เฌา.

4 แฮะ ฮอต, โอว ดี บอ ปึอน ดี หลู ดี กาโช็ง หลู แม เฌา. น็อห โอว ดี บอ ดาคึย กาเซา โกบ แม เฌาพรา. โอว ดี บอ บัห ดีง, ต็อห โหมว, อืบ แม เฌาพรา อี มูห เฌาพรา ปี กรึบ โอว.

5 เหมา อึณ ปาย ปี ซอ กลึร กาฮัวะ กาเซา น็อห โอว? โอว ดี บึง เฌาพรา. ปัน ตี โอว ดี วี กาลาง ฆูง เฆฌู ดี อัน เฌา. เฌาพรา มูห อี คยอด โอว. อัน บอ มูห อัน เฌา ปี กรึบ โอว.