1 น็อห โอว บอ แฮะ ดีเกน กาเซา แม เฌาพรา. อึณ ปี มาฌัะ อี ซี เดียง กาเซา อึม เฆียด แคง แบลง อึม.

2 น็อห โอว กาปรา ดี กอย เครียะ แม เฌาพรา อี กอย เซเซ. โอว หน็อะ แม เฌา. ดอ เหมา แม ดี แตห โอว กอย รึม โดบ แม, ยึร นา แม?

3 เฆ รันซู โอว เฆ ต็อห ดี โอว ดอน ซีแง, “เหมา เฌาพรา แม? แตห เย ยึร อัน.” อา ตี แตห น็อห โอว กลึร กาเซา. โอว บอ ยาม ดอง วัน ดอง คืน, แตห อึม งาย โอว แบน ปี ดี โฮม โอว.

4 เซ โอว บอ โหลห อี แฮะ ดึอม แบน อาต นี, น็อห โอว บอ กาปยาต ลึร. โอว แฮะ ดึอม ฮาว รึม โดบ เฆ อี เฮา, แยต เย โฮะ ดี โฮว แม เฌา. โอว แฮะ ฮาว โดบ เฆ, ดอ ฮาว เฆ ดี โฮว เฌาพรา, ดอ ดาคึย เฆ, ต็อห โหมว บอ ดาง ฆูง เฆฌู ดี เฌาพรา.

5 เหมา อึณ ปาย, ปี ซอ กลึร กาฮัวะ กาเซา น็อห โอว? โอว ดี บึง เฌาพรา. ปัน ตี โอว ดี วี กาลาง ฆูง เฆฌู ดี อัน เฌา. เฌาพรา มูห อี คยอด โอว. อัน บอ มูห อัน เฌา ปี กรึบ โอว.

6 โอว กอย แดง นอน มีฌา อี กอย กาตัด ดี นอน เฮราโมน อี กอย นา ตัะ แบลง ยอดาน. น็อห โอว แฮะ กลึร กาเซา, แตห โอว วี โหลห, วี ดีเกน เฌาพรา.

7 โอว แฮะ กาดูห ดูก ปี มา อึม แฮะ ซีลอย ปลึก โอว แบน เฌณ แบน เฌณ, ตู แตห โอว เลห.

8 ดอ กาแต ซีแง, แตห เฌาพรา แตห อี นับ ลอง น็อห ร็อก กาเว อัน. แตห โอว ปึอน ดี ต็อห โหมว แคง หมึร, แตห โอว ปึอน ดี ซาคึร ดี แม เฌาพรา อี แฮะ ดัว อาซาก ดี โอว.

9 โอว บอ ต็อห ดี เฌาพรา, อี แฮะ แร แฮะ ฆ็อง โอว, “เหมา อึณ ปาย ปี ปีว แม ดี โอว? เหมา อึณ ปาย ปี โลว โอว คัม ดูก ตาง นี ดี เฆ รันซู โอว อี คาหนาบ โอว?”

10 โอว แฮะ คัม กาเซา, แตห อึณ บอ เซา ดี น็อห โอว โกบ กาลาง เฆ เซเซ ต็อห, “เหมา เฌาพรา ปี กรึบ แม? แตห เย ยึร อัน.”

11 เหมา อึณ ปาย ปี ซอ กลึร กาฮัวะ กาเซา น็อห โอว? โอว ดี บึง เฌาพรา. ปัน ตี โอว ดี วี กาลาง ฆูง เฆฌู ดี อัน เฌา. เฌาพรา มูห อี คยอด โอว. อัน บอ มูห เฌาพรา ปี กรึบ โอว.