1 อึย เบ อี กอย แคง ฆางหราว, แตห เบ อืบ เฌาพรา. แตห เบ อืบ แคะ ตาง อาพูง ดังโคว อัน, แคะ ตาง ปวน อัน.

2 แตห เบ อืบ อาพูง ดังโคว เฌาพรา. แตห เบ กรึบ อัน เฌา ดอ ลึห อาพูง ดังโคว อัน ดี เบ.

3 โฆรห เฌาพรา แฮะ ปึอน ยึร แดง อึม นัมมูกซารา. โฆรห อัน เฌา อี มึห อาพูง ดังโคว ตาง, อึณ ปี ฮัม กานัม. อึณ มูห เฌาพรา อี กอย แดง อึม ตาง.

4 โฆรห เฌาพรา ตี, อึณ บอ มึห ปวน แฮณ กาเซา. อึณ บอ บยัะ อาพูง ดังโคว อัน.

5 โฆรห เฌาพรา ตี บอ แตห เฮ อารีด^a กาบัก โตต. เฌาพรา บอ กาบัก เฮ อารีด อี กอย ดี นอน เลบานูน.

6 เซ เฌาพรา โบง แตห มาอีม เยณ, อึณ ปี นอน เลบานูน ดี แดน ปี ฆอน มัก. อึณ บอ ปี นอน เฮราโมน ดี แดน ปี มัก แปร.

7 โฆรห เฌาพรา ตี, อึณ บอ เลห ปี แปละ เงา.

8 โฆรห เฌาพรา บอ แตห โดง กาฮ็อห ดียูห ดีเยณ. เฌาพรา บอ ดียูห แปร กาฮ็อห อี จืร ซาเดด, แตห อึณ รัร.

9 โฆรห เฌาพรา บอ แตห เฮ ตาง ดียูห, บอ แตห หลา เฮ หลา แปร ซีฆลูห, โจห โตต แคง แปร. เฆ อี กอย แคง โฮว เฌาพรา ดอน อี ยี ต็อห, “เอ อืบ อาพูง ดังโคว เฌาพรา.”

10 เซ อึม อึณปูน กาดาย, เฌาพรา บอ อึบ อึม ตี. เฌาพรา บอ มูห คูนดีคัม อี อึบ เซเซ.

11 หมาณ, แม เฌาพรา แตห โปลม, แตห แฮณ ดี ดูอี ปี อึบ แม บอกาเฆลียด. แตห แม เฌาพรา ม็องการา ดัว ดี เฆ, แตห เฆ ปึอน ดี กอย ดาคึย.