1 อึย แม เฌาพรา, โอว ซาคึร ดี แม.

2 โอว บึง แม เฌาพรา. แกวะ แตห โอว โลว ซาย อี เฮา, แกวะ แตห เฆ รันซู โอว แป โอว.

3 เฆ อี หน็อะ อึณด็อะ แม เฌาพรา, เฆ ตู โลว ซาย ดอ เหมา. อึณ ยี มูห เฆ อี ตู มึห น็อห ซืร, เฆ อี โบง นา ตู หมึอม อี ตู มึห ดีโคว, เฆ ดี โลว ซาย อี.

4 อึย แม เฌาพรา, โอว หมาณ, แตห แม เฌา มาโนว โอว, แตห โอว นับ ดี โบง ปี อึง แม. แตห โอว นับ ดี โดบ อึณเตณ ปี บยัะ แม ดี โอว.

5 แม เฌา แยต โอว บอ มาโนว แตห โอว นับ นา มูห นา หมาน. โคว, แม เฌาพรา บอ มูห เฌาพรา อี คยอด โอว. โอว บอ หณึม บึง แม เฌา เซเซ.

6 แม เฌาพรา, แตห แม เฌา วี โหลห, อู ซีณ ดอ มึอน แม มึห น็อห ร็อก กาเว อี เซเซ.

7 แกวะ แตห แม เฌา โหลห หมาบ โอว บอ แปะ แฮะ กาลึบ โอว ซีณ ดอ หนึม โอว. ปี โบง แม เฌา ดี โอว, แตห อึณ กาดาน น็อห ร็อก กาเว แม ดี โอว. อึณ มูห แม เฌาพรา อี แฮะ บอด, แฮะ หมึอม.

8 โกบ มึห เฌาพรา น็อห บอด น็อห หมึอม, อัน เฌา บอ โบง นา ซืร นา หมาน. โคว, อัน เฌา บอ มาโนว เฆ ดูอี มึห หมาบ, แตห เฆ โดบ อัน.

9 เฌาพรา บอ แยต เฆ อี มึห น็อห เตียม, แตห เฆ โบง นา หมาน. อัน บอ มาโนว เฆ, แตห เฆ นับ ปี อึง อัน.

10 เฆ อี โบง โดบ โตต ดอน โมยว ปี จัร เฌาพรา เฆ โบง, เฆ อี โบง โดบ ปี ลาย กาแซณ เฌาพรา บอ เฆ, เฆ ดี บอ นับ ซีคยา ลอง น็อห เฌาพรา อี ร็อก, อี หมาน เซเซ.

11 อึย แม เฌาพรา, หมาบ โอว แฮะ กืน กาเซา. โคว, โอว หมาณ แม เฌาพรา, แตห แม ฆ็อห แวน หมาบ โอว โกบ มึห แม น็อห ร็อก กาเว อี.

12 อาเซ โรวเซ เฌาพรา, เฌาพรา ดี มาโนว อัน, แตห อัน นับ อึณเตณ อี หมึอม ฮาว, หมึอม โดบ.

13 เฆ ดูอี ฌึร ตี, เฆ ดี บอ ปึอน ดี กอย ซีคยา, มึห ปี ดี โลว เฆ. บอ หลูกหลาน เฆ ดี บอ กอย ดาคึย แคง มืง เฆ.

14 เฆ อี โรวเซ เฌาพรา, เฆ บอ ปี ฆึก อัน. เฌาพรา ดี บอ โบง แคะ ดัว อัน กาดีก ซัดฌา ดี เฆ.

15 โอว บอ โหลห เฌาพรา เซเซ. โคว, อึณ มูห มี อัน เฌา อี แตห โอว ลอด อาเพ อาเร.

16 โอว หมาณ แม เฌาพรา, แตห แม ยอด โอว, แตห แม กาเว โอว. โคว, แฮะ ฆีด โอว อู วี. น็อห โอว มืร แฮะ ดีแตด, แฮะ ดีหลัห กาเซา.

17 อึณ แฮะ ดูก ตืก ดี น็อห โอว. โอว หมาณ, แตห แม เฌา ฆ็อห แวน อี ดูก ดี น็อห โอว ตี.

18 แตห แม เฌา ยอด อี ดูก กาเซา ดี น็อห โอว, แตห แม ฆ็อห แวน โตต บอ หมาบ โอว ดอน โมยว.

19 แตห แม เฌา ยอด แคะ กืน เฆ รันซู โอว, แคะ ฌ็อง กาเซา เฆ ดี โอว.

20 โอว บึง แม เฌาพรา, หมาณ, แตห แม เฌา บัร รีด อาซาก โอว, แกวะ แตห โอว ชึม.

21 แตห น็อห ซืร น็อห หมาน แม เฌา บัร อาซาก โอว. โคว, โอว หน็อะ อึณด็อะ แม เฌา. แม เฌา ดี แตห โอว เลห แคง หมาบ.

22 แม เฌาพรา, โอว หมาณ, แตห แม คยอด เฆ ดูอี อีซาเรลัะ, แตห อึณ ปี อี ทูด เลห ดูอี ปี เหมต รันซู เฆ. แตห เฆ ปวน โตต ดูก ดอน โมยว.