1 แปะ แฮะ โบง เฌาพรา บอ กาดาย บอ โมยว อี กอย แดง กาดาย นี แฮะ มูห โตต โกรว เฌาพรา. บอ เฆ ดูอี แบน โมยว แบน โมยว อี กอย แดง กาดาย แฮะ มูห โตต โกรว อัน.

2 โคว, เฌาพรา แฮะ เบลห อูน กาดาย, แตห อัน กอย แดง อึม นัมมูกซารา, แตห ดัง อัน กอย แคง อึม อี กอย นา ครึม.

3 อาเซ ดี ปึอน ดี โฮะ ดี นอน บอด อี มูห โดง กอย เฌาพรา? อาเซ ดี ปึอน ดี ลึบ โดง บอด อี มูห กาง อัน?

4 อึณ บอ มูห เฆ อี ซีงา บอด, อี มึห น็อห ลูย, เฆ อี ตู กรึบ อารึบ, อี ตู นับ ดี กาโลว, เฆ ดี ปึอน ดี ลึบ โดง กอย เฌาพรา.

5 เฌาพรา ดี บอ ม็องการา ดัว ดี เฆ ดูอี ฌึร ตี. อัน เฌา ดี บอ คยอด เฆ บอ ต็อห, เฆ อาว ฮู มึห หมาบ.

6 เฆ บอ มูห ดูอี อี ซี หณึม เฌาพรา, เฆ ดี บอ กรึบ เฌาพรา ปี กรึบ อาโกบ.

7 แตห เบ วึห มาโลห บรีม, อี กอย ซีณ ดอ มึอน. วึห, แตห อึณ ว็อห, แตห อึณ ตาง, แตห คูนดีคัม อี มึห อาพูง ดังโคว ตาง ปึอน ดี ลึบ.

8 คูนดีคัม ตี, อัน มูห อาเซ? อัน มูห อัน เฌา อี มึห อาพูง ดังโคว ตาง กาเซา. อัน บอ มูห อัน เฌา อี มึห ปวน ตาง, อี นับ ดี แป รันซู อี ดี กาโฆห ดี อัน.

9 แตห เบ วึห มาโลห บรีม, อี กอย ซีณ ดอ มึอน. วึห, แตห อึณ ว็อห, แตห อึณ ตาง, แตห คูนดีคัม อี มึห อาพูง ดังโคว ตาง ปึอน ดี ลึบ.

10 คูนดีคัม ตี, อัน มูห อาเซ? อัน มูห เฌาพรา อี อึบ โตต ดอน โมยว. อัน มูห คูนดีคัม อี มึห อาพูง ดังโคว ตาง.