1 อึย แม เฌาพรา, คูนดีคัม แฮะ ดาคึย โกบ มึห แม เฌาพรา ปวน ตาง. แม เฌา แฮะ จอย อัน, แตห อัน บอ โคย กาเซา โกบ แฮะ แป อัน รันซู อัน.

2 แม เฌาพรา แฮะ ดัว แคะ ปี ซี ปึอน อัน. แม มืร แฮะ โทม โฆรห ปี ซาคึร ปี หมาณ อัน.

3 แม เฌาพรา บอ ม็องการา ดัว อี บอด อี หมึอม ดี อัน, แฮะ แตห อัน ชึบ มังฆึม ครีว บอด ดี ฆีณ อัน.

4 อัน แฮะ ซาคึร หมาณ แกวะ แตห อัน ยัม. แม เฌา บอ บัร รีด อาซาก อัน, แตห อาซาก อัน โต็ง, บอ กอย ฌัม กัด อัน.

5 แม เฌาพรา แฮะ จอย แตห อัน มึห ปวน, มึห อาพูง ดังโคว ตาง. แม แฮะ แตห อัน มึห ซาเร บอด.

6 แม เฌาพรา แฮะ ม็องการา ดัว อี บอด กาเซา อี กอย เซเซ ดี อัน. แม แฮะ แตห อัน กอย รึม โดบ แม, แตห น็อห อัน ดาคึย.

7 แม เฌาพรา แฮะ ตาง หลึอม โตต. แม มึห น็อห ร็อก กาเว เซเซ. โคว อัน ตี คูนดีคัม หณึม บึง แม เฌาพรา. แม ตู แตห มืง อัน กาปยาต, แตห อัน ปึอน ดี อึบ โตต ดอน โมยว.

8 แม เฌา ดี บอ เหมต รันซู แม ดอน อี. แม เฌา ดี บอ ปัก เฆ อี ฌ็อง แม บอกาเฆลียด.

9 แม เฌา ดี บอ รู กาเซา ดี เฆ. เซ แม ยึร เฆ, แม ดี โบง แตห เฆ ปี เงา อี กูห ตาง. แม ดี บอ แตห เฆ ชึม, แตห อึณ ปี เงา กาซึม โฮม โตต เฆ.

10 บอ หลูกหลาน เฆ, แม ดี แวน, แกวะ แตห เฆ ซี มึห แดง กาดาย นี. แม เฌา ดี บอ ปยาต ครึร เฆ, แกวะ ฮู แตห เฆ กอย รึม โดบ ดูอี.

11 เฆ ปี บอ วี คราม ดี โบง นา ตู หมึอม, คราม ดี วี กาโฆห ดี แม เฌา, เฆ ยี ตู ปึอน โบง มาเซ, ตู แป ดอ เหมา.

12 แม เฌา ดี วี โบง แตห เฆ เตา. แม ดี บอ ดึห อัะ ซีกู นา เฆ, แตห เฆ ฮาว.

13 อึย แม เฌาพรา อี มึห ปวน ตาง กาเซา, เย อืบ มยูก แม. เย ดี ต็อห โหมว อี อืบ ปวน แม เฌาพรา อี ตาง กาเซา.