1 เซ เอ ยอด ฆางหราว, อึณ แตห เอ นับ อาพูง ดังโคว เฌาพรา. เซ เอ ยอด แคง เบลณ, อึณ แตห เอ นับ แคะ กืน แปะ แฮะ พาน เบลห เฌาพรา.

2 อึณ ปี, อู ซีแง แฮะ กาลาง ลอง อัน ตี ดี ปอ อู ซีแง. อู หมึร วี มาโนว ปอ อู หมึร.

3 อึณ ยี ตู มึห โฆรห อี ปึอน ยึร, ตู ปึอน โทม ฮัม มาเซ.

4 มาแล, ปี มาโนว เฆ แฮะ ฮอต กาลัต แดง กาดาย ดอน โปละ. ปี บยัะ เฆ มืร แฮะ ฌัม โดง ซืด กาดาย. เฌาพรา แฮะ เบลห ซีแง แคง เบลณ, แตห ซีแง กอย เซเซ ดี ตี.

5 ปัน ดี เลห ซีแง, อึณ บอ ปี กาโณม อี ดี คัด. อึณ บอ ปี ดูอี อู วี อี เลห ตัห แคง กาง อัน. อัน แฮะ โคย ดาคึย โกบ แฮะ มึห อัน โปลม, โกบ แฮะ ปึอน ฮาว อัน โดบ อึณเตณ.

6 ซีแง บอ เลห ซืด เบลณ อู บลาก, วี แลบ ฮาว ฌัม ซืด เบลณ ปอ อู บลาก. อาว มึห คอ อู โมยว อี ปึอน เครียง, แกวะ แตห ซีแง ซอดาด ดี อัน.

7 ดารา เฌาพรา แฮะ หมาน, แฮะ มูห, อาว โลว อึณปราย มาเซ. อึณ ยี นับ ดี อึณปราย น็อห พึอม เอ. โฆรห ปี กาลาง อูน เฌาพรา บอ ปึอน หณึม ซีคยา. อึณ แตห ดูอี รึร วี มึห อางยาน.

8 เฌาพรา บอ ดัม อูน นา มูห นา หมาน, แตห อึณ แบน น็อห ดาคึย ดี อี. อากยาม อางยาน เฌาพรา แฮะ บอด, แตห อึณ บอ กาหลูห ดี น็อห อี.

9 เซ อี โรวเซ เฌาพรา, อึณ บอด, อึณ หมึอม เซเซ. ปี ซูงพยาด เฌาพรา, อึณ บอ หมาน เซเซ, อาว ฮู มึห ดี กาลาง นา ตู หมึอม ลอง อัน.

10 ดารา เฌาพรา แฮะ กาอาบ แตห เอ โวว หลึอม โวว เอ ครีว. อึณ หมึอม หลึอม ครีว แฌด. อึณ บอ ล็อะ น็อห หลึอม งาม มาเพียน อี เลห ดี อึณลาง อัน.

11 แดง ตี, ดารา แม เฌาพรา บอ นับ ดี ดัม ซาดีก ดี โอว, อี มูห แดเจณ แม. เซ โอว บอ โดบ ดารา แม, อึณ วี แบน อาฆยึร กืน ดี โอว.

12 อึณ ยี ตู มึห อาเซ อี นับ ดอ ดี กาลึบ อัน. โอว หมาณ, แตห แม เฌาพรา ฆ็อห แวน หมาบ ปี โบง โอว, ปี ตู นับ โอว.

13 โอว บอ หมาณ, แกวะ แตห โอว มึห น็อห ยัะ ดี โบง หมาบ. แกวะ แตห อี ตู หมึอม ปึอน ดี อึบ โอว. เซ แม จอย โอว ปาย ตี, โอว ดี บอ ลอด โบง หมาบ อี หมึอม กาอีห. อึณ มืร ตู แตห อี ปึอน ดี กาลาง นา ตู หมึอม ลอง โอว.

14 แม เฌาพรา บอ ปี โดง เครียง โอว. แม บอ มูห อี คยอด โอว. โฆรห ปี กาลาง โอว บอ อากยาม อางยาน ปี กาพา โอว แคง น็อห โอว, โอว หมาณ, แตห อึณ ล็อะ น็อห แม.