แฮะ ฮอต, อาโยวบา ปี วี กาลาง ฮาว ปัว ต็อห, “ยอด, งาย โอว แฮะ ยึร ฌึร ตี ดอน โมยว. โหยะ โอว มืร แฮะ โทม แตห บอ กาหลูห ดี น็อห.

2 แคะ ปี ยึร เบ ตี, โอว มืร แฮะ ยึร. อาว มูห โอว แฮะ คย็อะ แฮะ เตียม หลึอม เบ.

3 โอว มึห ปี ซี กาลาง ดี เฌาพรา อี อึบ โตต ดอน โมยว. โอว มึห ปี ซี แทณ, ปี ซี ดีหมอด ดี เฌาพรา.

4 ปี ตู นับ เบ, เบ วี กาโลว แตห อึณ ปี แฮะ หมาน, แตห อึณ ปี อี พ็อห ทูน ลูย. เบ บอกาเฆลียด ปี ซาราโวน อี ตู มึห ดีโคว มาเซ.

5 เบ แฮะ กาอาบ กอย หนีม หนีม, แกวะ แตห เบ กาลาง โฆรห มาเซ. เซ เบ โบง ปาย ตี อึณ ปี เบ แฮะ มึห อางยาน.

6 แตห เบ โทม, โอว ดี กาลาง ลอง อามู โอว. แตห อึณ บอ กาหลูห ดี เบ ลอง ปี ดี กาลาง โอว ตี.

7 เบ ดี บอ กอย บลาก เฌาพรา, วี กาลาง โฆรห ตู หมาน? เบ ดี บอ กาล็อะ ดี อัน เฌา, ยี วี กาลาง โฆรห กาโลว?

8 เบ ดี บอ โพรม บลาก อัน เฌา, วี กาลาง แตห อัน เฌา ออง?

9 เบ ทาง เซ เฌาพรา ฮี วี แฌด ดี ยอด เบ, อัน ดี บอ ยึร เบ แฮะ มูห ดูอี หมึอม? เบ ทาง เบ ดี บอ ปึอน กาโลว เฌาพรา ปี เบ กาโลว ดูอี?

10 เซ เบ มึห โดง ร็อก โดง ฌ็อง, เฌาพรา ดืน ดี มาโนว บอ เอห เบ อาคาคัร.

11 เซ เบ แฮะ ยึร แคะ ตาง อาพูง ดังโคว อัน เฌา, แฮะ หมาน, เบ ดี บอ กาจัว บอ โยว ดียูห ดีเยณ.

12 โฆรห ทูง โฆรห มากาทัะ ปี นับ เบ, อึณ ปี กาฟาง. โฆรห ปี ดี วี เวียะ วี กาลาง เบ, อึณ ปี กาดาย กาปีด.

13 โอว ซี แตห เบ กอย เยน เยน, แกวะ โฆรห. แตห โอว ปึอน ดี กาลาง. แฮะ ฮอต อี ซี แบน ดี โอว, แตห อึณ แบน.

14 โอว มืร ตู ปึอน ปา อูน อาซาก โอว. โคว, โอว แฮะ โพรม ดี จูน อาซาก โอว.

15 เซ เฌาพรา ปี บอ แฮะ แตห โอว ยัม มืร, โอว ยี ดี น็อห อึณด็อะ อัน เฌา. โอว ดี วี กาลาง ลอง อามู โอว ตี ดี อัน.

16 โอว แฮะ นับ ซีคยา อึณ มึห มี ลอง อัน ตี, อี ดี ปึอน คยอด โอว. โคว, ดูอี อี ตู โรวเซ เฌาพรา, อัน มืร ตู ยัะ ตัห กาลาง ดี เฌาพรา.

17 ดอ ตี นี, แตห เบ โทม โฆรห โอว นี, แตห เบ โนว ซีคยา.

18 โอว มืร แฮะ โพรม ดี กาลาง ลอง อามู โอว ตี. โคว, โอว แฮะ ฮอต นับ, เฌาพรา ดี ต็อห โอว ตู มึห หมาบ.

19 อาว มึห อาเซ อี ปึอน พยาก โอว. เซ อึณ ยี มึห, โอว แฮะ โพรม ดี ยัม อู เฌณ.

20 อึย แม เฌาพรา, โอว หมาณ แคะ อา โมยว ตี ดี แม เฌา. เซ อึณ ปาย ตี โอว มืร ตู ดี เครียง ดี แม.

21 โอว หมาณ, แตห แม จู มัห โอว, บอ แตห แม จู กาโบยว โอว.

22 วาย อัน ตี, แตห แม เฌา แดะ โอว. โอว มืร ดี วี ย็อห โฆรห แม. เซ อาว ปาย ตี มืร, แตห แม แตห โอว กาลาง โฆรห ดี แม, แตห แม เฌา มืร วี เวียะ โฆรห โอว ตี.

23 แตห โอว นับ หมาบ อี ตู หมึอม แปะ แฮะ กาลึบ โอว ดี โบง, อึณ มึห แคะ เหมา? แตห โอว บอ นับ ลอง แปะ แฮะ โบง กาบัห โอว ดี แม.

24 เหมา อึณ ปาย ปี ตู อึง แม เฌา ดี โอว? เหมา อึณ ปาย ปี วี มาด แม เฌา โอว มูห รันซู แม?

25 แม เฌา ซี โบง แตห โอว กาจัว, แตห โอว ปี หลา เฮ ปี บูด คูน? แม เฌา ดี บอ ณอน บอ คูงครัห โอว, แตห โอว ปี เหรียง กาฮ็อห?

26 แม เฌา แฮะ แดม อูน หมาบ อี ซ็อง กาเซา ดี น็อห โอว. แม วี แตห โอว คัม หมาบ แปะ แฮะ โบง โอว ซีณ ดอ หนึม ดอ ดีแตด โอว.

27 อึณ ปี แม เฌา แฮะ ชึบ วัน ฮีน ดี เปลา โอว. แม บอ บัร ดี ยอด โดง ฌาบ โอว ดอน ฌาบ, บอ แฌด ดี ยอด ปัน โอว ดอน ปัน.

28 ปาย ตี อาซาก ดูอี แฮะ ลึร ปี โกรว อี แฮะ ราม. อึณ บอ ปี บอ ครึง แปะ แฮะ ก็อะ โฮม มาวัะ.”