1 วาย อัน ตี อาโยวบา วี กาลาง โฆรห.

2 อัน ต็อห, “แฮะ หมาน, อึณ ปี มี เบ มูห ดูอี. เซ เบ ยัม, อางยาน มืร ดี ยัม รึม โตต โดบ เบ.

3 โอว มืร มึห อางยาน ปี เบ. แคะ ปี นับ ปี ยึร เบ ตี, โอว มืร แฮะ ฮอต ดึอม นับ ดึอม ยึร. อาว มูห โอว แฮะ คย็อะ แฮะ เตียม หลึอม เบ. อึณ มืร ตู มึห อาเซ อี ตู นับ ลอง อัน ตี.

4 โอว มืร แฮะ แบน ปี กาณัห ปี วาณาก เฆ ฆึก โอว. โอว แฮะ ซาคึร ดี เฌาพรา. อัน เฌา มืร อึร โฆรห โอว. โอว แฮะ มึห น็อห ซืร น็อห หมาน. อี เฮา มืร ตู มึห ดี กาลาง นา ตู หมึอม ลอง โอว. โอว ยี โลว คัม ดี แบน ปี กาณัห ปี วาณาก อี เฮา.

5 ดูอี อี ปึอน กอย ดาคึย เฆ นับ ดี ลูกตาย ดูอี อี คัม ดูก. อึณ มูห มี เฆ อี ดีปลาด เกห อี โลว คัม ดูก ตี.

6 เฆ อี มูห ดา โฌน เฆ ดา ปรา, เฆ บอ ปึอน กอย ดาคึย. เฆ ดูอี อี โบง แตห เฌาพรา รู, เฆ บอ ลอด อาเพ อาเร. เฆ บอ บึง ปี โบง เฆ ดี แด เฆ, แตห อึณ ปี อี บึง เฌาพรา.

7 แตห เบ ดีหมอด โดว ซัดดาวา, เฆ ดี มาโนว เบ. แตห เบ ดีหมอด บอ มาซีม อี กอย แคง เบลณ, เฆ ดี กาลาง ดี เบ.

8 เซ อาว ปาย ตี, แตห เบ ดีหมอด กาดาย, อัน ดี มาโนว เบ. แตห เบ ดีหมอด บอ เฆ มาฆา อี กอย แคง อึม นัมมูกซารา, เฆ ดี บอ กาลาง แหน ดี เบ.

9 เฆ บอกาเฆลียด อาว มึห คอ อู โมยว อี ตู นับ ลอง เฌาพรา แฮะ ตา แด อัน, โบง ฌึร ตี ดอน โมยว ลอง แปะ แฮะ กาลาง เบ.

10 แคะ กอย อาซาก โดว ซัด, บอ พึอม ดูอี ปี ฮึห ลึบ ฮึห เลห เฆ นี, อึณ มูห เฌาพรา อี อึบ.

11 เบ บอ นับ, โหยะ ดูอี นับ ดี เทว ดี แฌด ดี โทม โฆรห ปี โทม อัน, แตห อึณ ปี ซีดัะ อี เทว ดี จีม ปี ดี โฮม อัน.

12 เบ บอ นับ ดูอี กัด ดูอี แฆ บอ มึห อางยาน บอด อางยาน หมึอม. ดูอี อี มึห อาซาก โต็ง, เฆ มืร นับ แบน โมยว แบน โมยว.

13 เฌาพรา แฮะ มึห อางยาน บอ มึห อาพูง ดังโคว. อัน เฌา บอ มึห อากยาม อางยาน บอ นับ โตต ดอน โมยว.

14 เซ เฌาพรา ฮี ปยาต แวน, อาว มึห อาเซ อี ปึอน วี ซัม วี แด. เซ เฌาพรา ฮี เหมต คร็อง ดูอี, อาว มึห อาเซ อี ปึอน เบลห แตห อัน ลอด.

15 เซ เฌาพรา ตู แตห ฆลาย โจห, กาดาย ดี บอ กาฮ็อห ต็อง. เซ ฆลาย ยี ตัห, อึม ดี บอ อึณปูน กาดาย.

16 เฌาพรา มืร มึห อาพูง ดังโคว, มึห บอ อางยาน บอ แป โตต รันซู อัน. แคะ กอย เฆ อี ซีมา กาโลว บอ เฆ อี คัม อี เฮา กาโลว เฆ, เฌาพรา อี อึบ โตต เฆ.

17 อัน เฌา ดึห แวน อางยาน เฆ ดา กาณา อึบ มืง. อัน บอ โบง แตห เฆ ดา ตาง อี ซูงพยาด ดารา วี รึร คาหม็อง.

18 อัน เฌา บอ นับ ดี บลัวะ แวน วัน ปี ปัก เฆ คูนดีคัม ดี อี, ปี วี ชึบ แซะ ดี ณอย เฆ, วี แตห เฆ กอย ซีคยา.

19 อัน เฌา ดึห แวน ครึง ตา เฆ ดา อี หลู ดี เฌาพรา. อัน วี โบง แตห เฆ อี มึห โปลม ตาง ชึม ดี อี เฮา.

20 อี มูห ดูอี อี มึห อากยาม อางยาน โดง บึง อี เฮา, อัน เฌา วี โบง แกวะ แตห เฆ ปึอน กาลาง โฆรห. อัน บอ ดึห แวน อางยาน เฆ ดูอี กัด ดูอี แฆ.

21 อัน เฌา โบง แตห เฆ ดา ตาง ชึม ซาเร. อัน บอ ดึห แวน แฮณ เฆ อี มึห โปลม ตาง.

22 อัน เฌา ดี วึห อี กอย ลึก, แตห อึณ เลห แคง อับ ว็อง. อี กอย แคง กามึก อับ ว็อง, อัน ดี วี บยัะ แคง บลาง.

23 อัน เฌา แฮะ โบง แตห อาโมยว ดูอี แบน โมยว แบน โมยว แกร ดี ตาง. แฮะ ฮอต, อัน ปี วี ปยาต แวน เฆ. อัน เฌา แฮะ โบง แตห เฆ แบร กืน, ปี วี แตห เฆ กาย็อห ฮาว แบน โปละ แบน โปละ.

24 อัน เฌา โบง แตห เฆ ดา ตาง อี อึบ แดง กาดาย วี รึร. อัน บอ เบลห แตห เฆ ฆว็อง วีว ฆว็อง เวณ แคง แปร กาฮ็อห โดง ตู มึห อึณเตณ.

25 บลาง มืร เฆ ตู ยึร, แตห เฆ บอ มึอน แคง อับ ว็อง. อัน เฌา มืร แตห เฆ ฮาว กาเกียง กาเกห ปี ดูอี ยึต ป็อห.”