1 แฮะ ฮอต ปาย ตี อาโยวบา วี กาลาง โฆรห.

2 อัน ต็อห, “แฮะ มูห แฮะ หมาน ลอง อัน ตี, โอว แฮะ ฮอต นับ โตต. ปี บอ แฮะ ปาย ตี มืร, อาโมยว ดูอี เอ นี, เหมา เอ ดี ปาย ดี ปึอน มึห น็อห ซืร น็อห หมาน ดี อาต เฌาพรา?

3 อาว มึห อาเซ อี ปึอน กาแทณ ดี อัน เฌา. โฆรห ปี ดีหมอด อัน เฌา อู แหรณ แด, อาว มึห อาเซ อี ปึอน วี เวียะ คอ อู แด.

4 เฌาพรา มึห อางยาน บอ อาพูง ดังโคว อี ตาง กาเซา. อาว มึห อาเซ อี ดี ออง, เซ อัน กาแคณ ดี อัน เฌา.

5 อัน เฌา นับ ดี กาโทะ นอน ดอ ตู โหลห เฆ โดว เฆ. เซ อัน เฌา แฮะ รู จาว, อัน บอ นับ ดี ซาฆึบ แวน เฆ.

6 อัน เฌา แฮะ จัร มาอีม, แตห อึณ เยณ กาดาย นี. แคะ กอย ร็อง เฆ หล็อก บอ ดียูห ดีเยณ ดอน โปละ.

7 อัน เฌา กาลาง โฆรห ดี ซีแง, ซีแง มืร ตู ปึอน ดี เลห ตัห. อัน มืร กาบีด บลาง ซีมัณ, แกวะ แตห อึณ บลาง แคง หมึร.

8 มี อัน เฌา อู กาดัง อี ปึอน บลัห เบลณ. อัน เฌา บอ แณต ฌาบ แดง ซีลอย อึม นัมมูกซารา.

9 เฌาพรา มืร พาน เบลห แตห อึณ มึห พึง ซีมัณ อี จืร แบน โมยว แบน โมยว. อึณ บอ กอย แคง เบลณ บลาก นา กัว, ดี กาแต บอ แคง เบลณ บลาก นา เตต.

10 อัน เฌา แฮะ โบง อี อาเร ตาง กาเซา ปี ตู กาหลูห ดี น็อห เอ. อัน บอ โบง กืน อี หมึอม อาม กาเซา กอ ฮู แป ดี ตีห.

11 เซ อัน ว็อะ ฮาว โคบ โอว, โอว ยี ตู ปึอน ยึร อัน. เซ อัน ปี วี ฆ็อห ฮาว ตัะ โอว, โอว ยี ตู นับ ลอง อัน ตี.

12 เซ อัน เฌา บอ ดึห ฮาว ดึห เครียง มัง โมยว, อาว มึห อี ปึอน แคร อัน. โกบ มาเซ อัน เฌา โบง ปาย ตี? อาว มึห อาเซ อี ยัะ ดีหมอด อัน.

13 เซ เฌาพรา รู, อัน ดี โบง ปี ซี โบง อัน. พึง อี จอย มากราย อี จืร ราฮับ อี โบง กาบัห ดี อัน, อัน เฌา มืร แตห เฆ โจห โลง โดง เตียม บอ ฆึบ ดี เปลา อัน.

14 โกบ ปาย ตี เหมา โอว ดี ปาย ดี แทณ เฌาพรา? เหมา โอว ดี วี ฮาว เหรต โฆรห ดี วี เวียะ ดี อัน เฌา?

15 โอว ปี บอ แฮะ มึห น็อห ซืร น็อห หมาน มืร, โอว ยี ตู ปึอน วี กาลาง ดี อัน เฌา. โอว มึห มี โฆรห ดี หมาณ ดี อัน เฌา อี มูห ดา กาณา อี ซูงพยาด อามู โอว, แตห อัน กาเว โอว.

16 เซ โอว ดี บอ แดะ อัน เฌา, อัน เฌา ปี บอ ย็อห โฆรห โอว มืร, โอว ยี ตู ทาง อัน ดี โทม โฆรห โอว.

17 โอว ทาง อัน เฌา ดี วี แตห คูน ตาง วี ตัห ดัว ดูก ดี โอว. ปี ซัะ มึห ดีลอง ดีดาง มาเซ มืร, อัน เฌา ยี วี แตห เซา เฆ ดีม โอว แว แบร แว กืน.

18 โอว ทาง อัน เฌา ดี โบง, แกวะ ฮู แตห โอว ปึอน ดี ฮึห พึอม โอว. อัน ดี แตห โอว คัม ดูก อี กาเซา ทวน ดี น็อห โอว.

19 เซ อึณ มูห โมยว อี ลาย กาแคณ โปลม เฆ แฮณ, อัน เฌา มึห โปลม เฆ แฮณ บอ อาพูง ดังโคว อี ตาง กาเซา. เซ อึณ มูห โมยว ลาย ซูงพยาด อามู, อาว มึห อาเซ อี ดี ยัะ ลาย กาลาง ดี อัน เฌา.

20 เซ โอว ปี บอ แฮะ มูห ดูอี อี น็อห ซืร น็อห หมาน มืร, โฆรห โอว ดี วี ดัม หมาบ ดี โอว. โอว ปี ซัะ มึห อาแบรด มาเซ มืร, อัน เฌา ดี ต็อห โอว ยี มึห น็อห โฆะ.

21 โอว ปี ซัะ มึห นา ตู หมึอม มืร, โอว ฮู มาด โดว โบ็ง โอว. โอว มืร แฮะ ปึร แฮะ ฌาน โดว บรีม โอว นี.

22 อึณ ปี อี หมึอม อี ตู หมึอม แฮะ มูห อู โมยว บอกาเฆลียด. โคว โอว ต็อห, ‘อัน เฌา นับ ดี ปยาต บอ เฆ อี มึห น็อห บอด น็อห หมึอม บอ เฆ อี มึห น็อห ฮาย น็อห มืก.’

23 เฆ ดูอี อี ตู มึห หมาบ, ดอ กาดูห เฆ อาเพ อาเร อัน เฌา บอ วี กาณัห เฆ อี มึห น็อห ลึร น็อห กาปยาต.

24 เซ เฆ ดูอี ฮาย ดูอี มืก ปึอน ดี อึบ มืง, อัน เฌา มืร กาบีด งาย เฆ ดา ตาง อี ซูงพยาด ดารา. เซ อาว มูห อัน เฌา อี โบง, ตู นับ อาเซ ดี บอ โบง.

25 ซีแง กาดูห โอว ดูก หณาบ กาเซา ตี, อาว มึห อี บอด อี หมึอม คอ อู ซีแง. อึณ บอ ปวน ฮาว ครัน ครัน.

26 อึณ บอ ปี รึร อี ฮาว แฮ แฮ แคง อึม. อึณ บอ ปี บอ มาฆลาง อี แฮะ บึณ ฮาว ซืร ดี โซก โดว ซัด, แตห อึณ แบน ปี ดี โฮม อัน.

27 เซ โอว ดี บอ ต็อห, ‘แตห โอว ปีว โฆรห แปะ แฮะ หงูน แฮะ ปึณ โอว, บอ วี บยอง นา อี แฮะ เหงา แฮะ โหมง นี, แตห อึณ วี แบน นา อี เอว กาณัห มืร,’

28 โอว ยี ซี โยว ดูก ตาง ตี. โคว, โอว แฮะ ฮอต นับ, แม เฌา ตู มาด โอว ตู มึห หมาบ.

29 เซ ดอน อี ต็อห โอว มึห หมาบ, ปี โฆยวฆยา โอว ดี โบง แฮะ ดีโลย ดีลาย ปีเยณ.

30 โอว ปี บอ ดึห อึม อี ซีงา บอ ซาปยา อี หมึอม, บาย แด โอว มืร,

31 อึณ ปี อัน เฌา แฮะ ฌูน โจห โอว แคง โณะ บอ แคง กาเดา กาดาย. ครึง ปี ตา โอว มืร ดี กาดีห โตต.

32 เฌาพรา ตู มูห ดูอี. โคว, โอว ตู ปึอน วี กาลาง ดี อัน. อาว ปึอน วี ดาง ดี เฆ ดา ตาง, แตห อึณ แบน อามู.

33 อึณ มืร ตู มึห ดูอี คอ อู วี อี ปึอน แบน ดี กาแต ยาย. อาว มึห อาเซ อี ปึอน ซูงพยาด อามู ตี ดี เฌาพรา บอ ดี โอว.

34 อาว มึห อาเซ อี ปึอน ดึห แวน อึณเพียะ อัน เฌา ดี โอว, แกวะ แตห โอว โลว คัม ดูก อี หมึอม โยว กาเซา.

35 เซ อึณ ปาย ตี โอว มืร ตู โยว อัน เฌา, โอว ดี บอ วี ยัะ กาลาง ดี อัน. ดอ ตี นี, อึณ ยี ตู ปาย ตี แคง น็อห โอว.”