1 วาย อัน ตี อาบีลาดัด อี มูห ดูอี อี ตัห แคง มืง ซูฮีด วี กาลาง โฆรห.

2 อัน ต็อห, “แม ซี ดี วี กาลาง ฮาว ปาย ตี ปอ แคะ เหมา? โฆรห ปี กาลาง แม ตี, อึณ บอ แฮณ ปี คูน ดี แฮณ.

3 เฌาพรา ตู โบง อี ตู กาซืร. เฌาพรา อี อึบ โตต ดอน โมยว, อัน ตู บยอง อี มูห อี หมาน.

4 ดอ แฮะ ลูต ฆอน แม ดี อัน เฌา มืร, อัน เฌา แฮะ วี แตห เฆ คัม หมาบ ปี ลูต เฆ ตี.

5 เซ แม กอ วี หมาณ ดี ดองบาน อัน เฌา อี อึบ โตต ดอน โมยว,

6 เซ แม มืร มึห น็อห ลูย ซีงา, อัน เฌา ดี วี ตัห จอย แม, แตห อึณ บอ ลึห แม มึห น็อห ซืร น็อห หมาน.

7 ดอ โฆว ดี กาจูห อาซาก แม, อึณ ปี บอ แฮะ อาเร ตู ตาง มืร. ดี กาแดะ อัน, อึณ ดี บอ วี ตาง, วี แบน อาฆยึร กืน.

8 แตห แม วี ดีหมอด เฆ ดูอี บาน ดอ มึอน, แตห แม เฮน ดี เฆ แคะ ปี ดึอม ยึร, ดึอม กาดูห ตัห เฆ.

9 เอ ดูอี เอ ปี ดูอี อี ซีลอะ ฆึอด ตัห อาหมึร, ตู นับ มาเซ. ดอ กอย เอ แดง กาดาย นี, อึณ ปี อับ เฆ กามึก.

10 ปาย ตี แตห เฆ ดูอี บาน ดอ มึอน ตี วี มาโนว แม, แตห แม โทม ลอง แปะ แฮะ ดึอม ยึร, ดึอม กาดูห ตัห เฆ.

11 กาบาง งัห, เซ อาว มึห โณะ เฆ โหนง, อัน มืร ตู นับ ดี ตาง. บอ โฆล็ง, เซ อาว มึห อึม, อัน มืร ตู นับ ดี เหรห.

12 งัห เฆ โฆล็ง ตี บอ เฮียะ กาฮ็อห ดอ ซี หนึม ซี เงียน เฆ อาต แดบ อี ดี เฆ. เฆ บอ เฮียะ กาฮ็อห ดี อาต เปต โมยว เฮา.

13 ดูอี อี ปีว เฌาพรา, อัน บอ ปี งัห เฆ โฆล็ง ตี. ปี หน็อะ อึณด็อะ ดูอี อี ตู หณึม เฌาพรา, อึณ ดี หราย โตต.

14 โดง น็อห เลห น็อห ตาง อัน, อึณ บอ ปี โกรว อี หงึย กาปยาต. ปี ต็อห อัน ดี บึง, อึณ บอ ปี กาง ปูงเปยณ.

15 เซ อัน ดี บึง กาง ปูงเปยณ ตี, อึณ ตู นับ ดี คัม. เซ อัน ดี ปูงปึย โดว อัน, อึณ ตู แป แคะ จัน โดว อัน.

16 ดูอี ฮาย ดูอี มืก, อัน บอ ปี เดา อี แฮะ รึก อึม กืน, อี กอย แคง ซอดาด. อึณโลห อัน มืร แฮะ เลห กอ โนะ บอ มาน.

17 เรียห อัน มืร แฮะ กาบัน อึณปึม มาว. อัน แฮะ ปา รีด ปา มัน มาว ตี.

18 มาแล, ดอ วี รึต เลห อี ดี อัน, อาว มึห อาเซ อี วี นับ, เดา ตี แฮะ ดึอม กอย ดี ตี.

19 อี โบยว ดาคึย เฆ ดูอี ฮาย ดูอี มืก, อึณ ตืก แคะ ตี. อึณ บอ ปี, โดง ดึอม กอย เฆ ตี, อึณ ดี วี ลัต เดา ปอ อู โมยว.

20 ดูอี อี มึห น็อห ซืร น็อห หมาน, เฌาพรา ยี ตู แวน ดอ เหมา. เฆ ดูอี ฮาย ดูอี มืก, เฌาพรา มืร ตู จอย ตู ฆัม.

21 เฌาพรา ดี บอ วี แตห แม ปึอน ดี วี เอว กาณัห, แตห แม วี ปึอน กาลาง บอ โฆรห อี โบยว ดาคึย.

22 เฆ ดูอี อี ฌ็อง แม, เฆ โลว วี คัม อี หมึอม ซาย. โดง กอย เฆ ดูอี ฮาย ดูอี มืก ดี บอ ลึร ชึม.”