อาโยวบา กาลาง ฮาว ต็อห, “ดูอี เอ นี บอ กาดูห ดี โบง ฆาน อี หณาบ กาเซา แดง กาดาย นี. อึณ บอ ปี ดูอี อี ฆีน ฌาง ดี โฮม.

2 อึณ บอ ปี หมาย มอง มี แตห แปร อับ. บอ ดูอี ฌาง ดี อี หน็อะ อึณด็อะ รูห ปี ดี ปึอน อัน.

3 อู มาเฆียน แฮะ ปวน, ฌัม ปอ อู มาเฆียน, โอว บอ กาดูห ดี กอย ปีเยณ. อู หมึร แฮะ ปวน, ฌัม ปอ อู หมึร, โอว บอ กาดูห ดี คัม อี ดูก อี หณาบ ดี น็อห โอว.

4 ดอ อีด โอว, โอว บอ ต็อห, ปัน เหมา โอว ดี ปึอน ดี ยีต. โอว บอ อีด กาเบลียะ กาบลัะ, กาเบลียะ กาบลัะ ดอง คืน กอ ฌัม แปร วัห.

5 โดว โอว มืร แฮะ มูห มังปรัต ดีโลย. อึณบูต ดีม โอว มืร, แฮะ วี ดึก โตต ดี ฮูน โอว ดอน โปละ. อึม กาตึม มืร, แฮะ แหล เลห ดี บึบ โอว.

6 ซีแง โอว บอ ปวน ฮาว ครัน หลึอม อี บลึบ ฮาดีหนัน แคง ด็อะ. อาซาก โอว ดี โตต ดอ ตู มึห ปี หน็อะ อึณด็อะ.

7 อึย แม เฌาพรา, แตห แม โหลห อาซาก โอว นี, อึณ บอ ปี ฮึต เฆ คูน ดีโลย. งาย โอว มืร อาว ฮู ปึอน ดี ยึร นา หมึอม ปอ อู เฌณ.

8 ดอ ตี นี แม เฌา แฮะ ปึอน ยึร โอว. วาย นี อาว ฮู มึห ดี วี ยึร. ปัน ดี ยอด แม เฌา ดี โอว ปอ อู เฌณ, โอว แฮะ ฮอต หราย.

9 อึณอูะ แฮะ หราย, อาว ฮู มึห. ปาย ตี ดูอี อี โลง มืง มารานัะ มืร อาว ฮู ปึอน ดี วี ตัห.

10 อัน อาว ฮู ปึอน ดี วี ตัห ดี กาง อัน. โดง กอย บรีม อัน ตี มืร อาว ฮู มึห อี นับ อัน.

11 ปาย ตี โอว ตู กอย ปีเยณ, โอว โลว กาลาง โฆรห. โอว ดี กาลาง โกบ แฮะ ดูก หณาบ กาเซา ดี น็อห โอว. โอว ดี บอ ปึณ โกบ แฮะ ซ็อง กาเซา ดี น็อห โอว.

12 โอว ตู มูห มากราย อี กอย แคง อึม นัมมูกซารา. โคว, แม เฌา ตู โลว แตห ดูอี บัร โอว เซเซ.

13 โอว อีด แตห โอว ปึอน ดี ดีเหลา. โอว บอ หน็อะ อึณด็อะ, แตห เซา เฆ ดีม โอว แกน.

14 มาแล, แม เฌา ยี วี แตห โอว อึณบาว อี หมึอม โยว กาเซา. ปี บยัะ แม ดี โอว, อึณ มืร แตห โอว กาจัว.

15 แคง น็อห โอว โอว แฮะ ซี แตห ดูอี ซาเนียะ บอ ปัก แมง โอว, แตห โอว ยัม, แกวะ แตห โดว โอว ซี โลว คัม ดูก ตาง นี.

16 โปลม เฆ แฮณ โอว มืร แฮะ ฮอต โยม. โอว มืร แฮะ กาอีห แฮะ ปึร อาซาก อีม โอว นี. โอว ฮู มึห น็อห ซี กอย เซเซ. อาว โลว ยอด ลึมลา โอว. อาซาก โอว อาว มึห ดีโคว.

17 อาโมยว ดูอี แฮะ อาเร ตาง แคะ เหมา, แตห แม เฌา ยอด แมน บอ โหลห เฆ เซเซ?

18 โกบ มาเซ แม กอ โลว ตัห แฌด ดี ยอด ดูอี ดอน หณา บอ เทว ดี ยอด น็อห อัน เซเซ?

19 ปัน เหมา แม เฌา ดี ตู ยอด โอว คอ อู กาจัน?

20 อึย แม เฌา อี บัร ดี ยอด ดูอี, เซ โอว โบง หมาบ, อึณ ปาย เหมา ดี แม เฌา? เหมา อึณ ปาย ปี โบง แม เฌา, แตห โอว แบน ปี หมาย ปี ดี เทว แม ซีโนห? เหมา อึณ ปาย ปี แตห แม เฌา โอว แบน อี ดูก อี หณาบ ดี แม?

21 เหมา อึณ ปาย ปี ตู ฆ็อห แวน แม เฌา หมาบ โอว? เหมา อึณ ปาย ปี ตู บลัวะ แวน แม เฌา ปี กาลึบ โอว? โคว, อาว บอ เหลณ โอว ดี บอ อีด แคง กาปูห. แม เฌา ปี บอ วี เหรต โอว มืร, โอว อาว ฮู มึห.”