วาย อัน ตี แรง มืง มืร แฮะ ฮอต อึณปราย. มาโลห มืง มืร แฮะ ฮอต ฮับ, โอว บอ วี ดาง แตห อึณ มึห ดูอี อี บัร มาโลห มืง บอ ดูอี อี ต็อห โหมว บอ เฆ ดูอี แคง ครึร อาเลวี, แตห เฆ โบง ฆาน เฆ. 2 โอว วี ดาง ดูอี อา วี, แตห ฆาย อึบ มืง เยรูซาแลม. ดูอี ฆาย ตี บอ มูห อาฮานานี อี มูห วา โอว, บอ อาฮานานียา อี มูห ดา อี อึบ แคง โฮว คูนดีคัม. อาฮานานียา ตี, อัน บอ มูห ดูอี อี โรวเซ ซีคยา เฌาพรา หลึอม อี เฮา. โอว แฮะ ปึอน หณึม อัน. 3 โอว มืร ดัม อูน เฆ ต็อห, “เซ ซีแง หณัม เลห, เซ ซอดาด หณัม แฆ, อาว ปึอน วึห มาโลห มืง เยรูซาแลม เฆ ตี. อาต เฆต ซีแง โลว กาบีด มาโลห ฮับ แซ อัน. แตห เฆ ดูอี แคง มืง เยรูซาแลม บอ กอย บัร มืง เฆ. มัง อี, แตห เฆ บัร โดง ดี บัร. มัง อี, แตห เฆ บัร โคบ กาง อาเซ กาง อัน.”

4 ดอ อัน ตี มืง เยรูซาแลม ปี บอ แฮะ มูห มืง ตาง มืง กาว็อห มืร, เฆ ดูอี อี กอย แคง มืง ตี ยี ซี เปรต. เฆ มืร หณัม ปึอน ซัม กาง เฆ. 5 เฌาพรา บอ กาลาง แคง น็อห โอว, แตห โอว แดะ กาฌูะ ดูอี บอ เรา บอ กาง. บอ เฆ อี มูห อามู อามาด บอ เฆ ดา ตาง อี อึบ มืง, แตห โอว บอ ตีห ดี นับ ฌาราง เฆ, แตห อึณ โดบ อึณโฮม เหมา อึณโฮม อัน. โอว บอ วี ยึร ฌาราง เฆ อี แฮะ วี ตัห แคง มืง ตี ซีณ อาต นี ตึอน. อึณ บอ มึห แปะ แฮะ แดม อูน แคง บับ ฌาราง ตี ต็อห,

6 เฆ ดูอี อี แฮะ วี ตัห แคง มืง เยรูซาแลม บอ แคง กาดาย มืง ยูดา, เฆ แฮะ กืน กาเซา. เฆ มืร แฮะ วี ตัห กอย เรา อาเซ เรา อัน. ดูอี เฆ ตี, ดอน อึณโฮม แฮะ กาดูห อี เหมต ฮาว แคง มืง บาแบ ดอ มูห โจว บาน คูนดีคัม อาเนบูคัดเนจา. 7 เฆ อี มูห ดา ตาง อี อึบ อี แยต เฆ, อึณ บอ มูห อาเฌรูบาเบน, อายอซู, อาเนฮามี, อาฌารียา, อามีนา, อาฮามานี, อาโมวตาเก, อาบีฆาวี, อามีฌาเบรีด, อาบีคาวี, อาเนฮูม บอ อาบานา. ฌาราง จืร เฆ ดูอี อีซาเรลัะ อี แฮะ ฮาว โดบ ดา ตาง เฆ วี ตัห มืง เฆ,

8 อึณ บอ มูห หลูกหลาน อาบาโรด เฆ กอย อา แหรณ ดี อู มาย็อห ดี บู ฆึร ดี อา วี.

9 หลูกหลาน อาเซพาดี เฆ กอย โอย มาย็อห ดี บู ฆึร ดี อา วี.

10 หลูกหลาน อาราฮา เฆ กอย เดา มาย็อห ดี พัน ฆึร ดี อา วี.

11 หลูกหลาน อาบาฮาดโมวอาบ เฆ กอย อา แหรณ ดี ดา มาย็อห ดี ฆึร ดี ดา วี. เฆ บอ มูห หลูกหลาน อึณกรึห อึณกราต อายอซู ฆาย อายอพัะ.

12 หลูกหลาน อาเอลัม เฆ กอย อู แหรณ ดี อา มาย็อห ดี พัน ฆึร ดี พวน วี.

13 หลูกหลาน อาจาตูะ เฆ กอย ดา มาย็อห ดี พวน ฆึร ดี พัน วี.

14 หลูกหลาน อาจาเค เฆ กอย บู มาย็อห ดี เดา ฆึร วี.

15 หลูกหลาน อาบีนูอี เฆ กอย เดา มาย็อห ดี พวน ฆึร ดี ดา วี.

16 หลูกหลาน อาเบเบ เฆ กอย เดา มาย็อห ดี อา ฆึร ดี ดา วี.

17 หลูกหลาน อาฌากาด เฆ กอย อา แหรณ ดี โอย มาย็อห ดี อา ฆึร ดี อา วี.

18 หลูกหลาน อาตอนีกัม เฆ กอย เดา มาย็อห ดี เดา ฆึร ดี บู วี.

19 หลูกหลาน อาบีฆาวี เฆ กอย อา แหรณ ดี เดา ฆึร ดี บู วี.

20 หลูกหลาน อาตีน เฆ กอย เดา มาย็อห ดี พัน ฆึร ดี พัน วี.

21 หลูกหลาน อาตัะ อี บอ มูห อึณกรึห อึณกราต อาเฮจัะกียา เฆ กอย ดีม ฆึร ดี ดา วี.

22 หลูกหลาน อาฮาโซม เฆ กอย โอย มาย็อห ดี อา ฆึร ดี ดา วี.

23 หลูกหลาน อาเบฌา เฆ กอย โอย มาย็อห ดี อา ฆึร ดี พวน วี.

24 หลูกหลาน อารีม เฆ กอย อู มาย็อห ดี ฆึร ดี อา วี.

25 หลูกหลาน อากีปอง เฆ กอย ดีม ฆึร ดี พัน วี.

26 เฆ ดูอี อี กอย แคง มืง เบดแลม อี แฮะ วี ตัห มืง โดง ดึอม กอย ฆูณ ดัง เฆ, อึณ มูห หลูกหลาน อาเนตอพา อี กอย อู มาย็อห ดี ดา ฆึร ดี ดา วี.

27 ดูอี แคง มืง อานาโทด เฆ กอย อู มาย็อห ดี อา ฆึร ดี ดา วี.

28 ดูอี แคง มืง อาเบดฌามาวีด เฆ กอย พวน ฆึร ดี อา วี.

29 ดูอี แคง มืง กีรียาดยารีม อี กอย แคง มืง เคพีรา บอ เฆ ดูอี แคง มืง เบรอซี เฆ กอย บู มาย็อห ดี พวน ฆึร ดี โอย วี.

30 ดูอี แคง มืง รามา บอ แคง มืง ฆีบา เฆ กอย เดา มาย็อห ดี อา ฆึร ดี อู วี.

31 ดูอี แคง มืง มีกมาด เฆ กอย อู มาย็อห ดี อา ฆึร ดี อา วี.

32 เฆ ดูอี แคง มืง เบดาเอน บอ แคง มืง อายี เฆ กอย อู มาย็อห ดี อา ฆึร ดี โอย วี.

33 เฆ ดูอี แคง มืง เนปอ อี มูห มืง ปอ อู มืง เฆ กอย พัน ฆึร ดี อา วี.

34 เฆ ดูอี แคง มืง เอลัม อี มูห มืง ปอ อู มืง เฆ กอย อู แหรณ ดี อา มาย็อห ดี พัน ฆึร ดี พวน วี.

35 เฆ ดูอี แคง มืง ฮารีม เฆ กอย โอย มาย็อห ดี อา ฆึร วี.

36 เฆ ดูอี แคง มืง เยรีโคว เฆ กอย โอย มาย็อห ดี พวน ฆึร ดี พัน วี.

37 เฆ ดูอี แคง มืง ลอตา บอ แคง มืง ฮาดีด บอ แคง มืง ออนอ เฆ กอย บู มาย็อห ดี อา ฆึร ดี อู วี.

38 เฆ ดูอี แคง มืง เซนา เฆ กอย โอย แหรณ ดี ดีม มาย็อห ดี โอย ฆึร วี.

39 ฌาราง เฆ ครึร ดา อี หลู ดี เฌาพรา อี แฮะ วี ตัห ฌัม แคง มืง เฆ, อึณ ปาย นี. อี มูห หลูกหลาน อายีตายา อี มูห อึณกรึห อึณกราต อายอซู เฆ กอย ดีม มาย็อห ดี บู ฆึร ดี โอย วี.

40 หลูกหลาน อาอีเมรา เฆ กอย อู แหรณ ดี พัน ฆึร ดี อา วี.

41 หลูกหลาน อาบาซูรา เฆ กอย อู แหรณ ดี อา มาย็อห ดี พวน ฆึร ดี บู วี.

42 หลูกหลาน อาฮารีม เฆ กอย อู มาย็อห ดี ฆึร ดี บู วี.

43 ฌาราง เฆ ดูอี แคง ครึร อาเลวี อี แฮะ วี ตัห มืง เฆ, เฆ มูห หลูกหลาน อายอซู อี มูห อึณกรึห อึณกราต อากาตาเมลา บอ อาโฮวตอวา อี กอย บู ฆึร ดี พวน วี.

44 เฆ อี ต็อห โหมว อี มูห หลูกหลาน อาซาบ เฆ กอย อู มาย็อห ดี พวน ฆึร ดี ดา วี.

45 เฆ อี บัร โฮว เฌาพรา บอ มูห หลูกหลาน อาซาโลม, หลูกหลาน อาตา, หลูกหลาน อาตาลาโมน, หลูกหลาน อาเอโคบ, หลูกหลาน อาฮาตีตา บอ หลูกหลาน อาซอเบ, เฆ บอกาเฆลียด กอย อู มาย็อห ดี โอย ฆึร ดี ดา วี.

46 เฆ อี โบง ฆาน แคง โฮว เฌาพรา บอ มูห หลูกหลาน อาฌีฮา, หลูกหลาน อาฮาซาพา บอ หลูกหลาน อาตาปอก,

47 หลูกหลาน อาเกโรด, หลูกหลาน อาซายาฮา บอ หลูกหลาน อาบาโดน,

48 หลูกหลาน อาเลปานา, หลูกหลาน อาฮากาบา บอ หลูกหลาน อาซาลาแม,

49 หลูกหลาน อาฮานัน, หลูกหลาน อากีดเดลา บอ หลูกหลาน อากาฮา,

50 หลูกหลาน อารายา, หลูกหลาน อาเรจีนา บอ หลูกหลาน อาเนกอตา,

51 หลูกหลาน อากีจับ, หลูกหลาน อาอูฌา บอ หลูกหลาน อาพาเซยา,

52 หลูกหลาน อาเบเซ, หลูกหลาน อามาฮานีม บอ หลูกหลาน อานาปูซี,

53 หลูกหลาน อาบากาโบว, หลูกหลาน อาฮากูพา บอ หลูกหลาน อาฮารูยา,

54 หลูกหลาน อาบาจาลีก, หลูกหลาน อามาฮีตัะ บอ หลูกหลาน อาฮารัะซา,

55 หลูกหลาน อาบาโกด, หลูกหลาน อาซีซาลัะ, หลูกหลาน อาทามา,

56 หลูกหลาน อาเนจี บอ หลูกหลาน อาฮาตีพา.

57 ฌาราง หลูกหลาน เฆ อี มูห หมาย คูนดีคัม อาซาโลวโมว อี แฮะ วี ตัห แคง มืง เฆ บอ มูห หลูกหลาน อาซอเด, หลูกหลาน อาซอเพราด, หลูกหลาน อาเบรูตา,

58 หลูกหลาน อายาลา, หลูกหลาน อาตาโกน, หลูกหลาน อากีดเดลา,

59 หลูกหลาน อาเซพาดี, หลูกหลาน อาฮาทีลา, หลูกหลาน อาพอคีด อาเฌบีม บอ หลูกหลาน อาโมน.

60 เฆ อี มูห หลูกหลาน เฆ อี แบน แดเจณ โบง ฆาน แคง โฮว เฌาพรา บอ หมาย อาซาโลวโมว อี แฮะ วี ตัห แคง มืง เฆ, เฆ กอย โอย มาย็อห ดี ดีม ฆึร ดี อา วี.

61-62 อึณ ปี วี มึห ดูอี อาดา เดา มาย็อห ดี พัน ฆึร ดี อา วี อี มูห หลูกหลาน อาเดลายา, หลูกหลาน อาตอพียา บอ หลูกหลาน อาเนกอตา. เฆ แฮะ ตัห แคง มืง เตลัะแมลา, บอ แคง มืง เตลัะฮาซา, แคง มืง เดราบ, มืง อัดตาน บอ มืง อีเมรา. มาแล, ดูอี เฆ ตี, เฆ ตู ปึอน บยัะ มาเซ อี แตห อึณ ลึห ซีคยา ลอง มูห เฆ ดูอี อีซาเรลัะ.

63 เฆ ดา อี หลู ดี เฌาพรา อี ตู นับ ดี กาลาง อาเซ มูห ฆูณ ดัง เฆ, อึณ บอ มูห หลูกหลาน อาฮาบายา, หลูกหลาน อาฮาโคด, หลูกหลาน อาบาจี. อาบาจี ตี, อัน แฮะ ดึอม ดึห อีบึณ อี มูห ฆอน อาบาจี อี กอย แคง อืง ฆีเลอาด. อัน บอ ดึห จืร โดบ ครึร บึร อัน ตี.

64 ดูอี เฆ ตี, เฆ เหรต จืร ฆูณ ดัง เฆ แคง ฌาราง ดูอี อีซาเรลัะ, ยี ตู ยึร. โคว, เฆ ตู ปึอน แบน ดา อี หลู ดี เฌาพรา. เฆ ดา ตาง มาด เฆ ตู ซีงา โดบ ปี ดัม ดารา. 65 ดา กาณา อี อึบ อืง ยูดา, อัน แฮะ ซูงพยาด ต็อห, “เซ หณัม มึห ดา อี หลู ดี เฌาพรา อี โฆ็ง อูรีม ฆาย ทูมีม อี แตห อัน ปึอน ดี ซูงพยาด ดี ยอด ลอง อัน ตี, เฆ หณัม ปึอน ดี โฮม อี บอด แปะ แฮะ ฮอต หลู อี ดี เฌาพรา.” 66 เฆ ดูอี อี แฮะ วี ตัห, เฆ บอกาเฆลียด กอย พวน หมึณ ดี อา แหรณ ดี โอย มาย็อห ดี เดา ฆึร วี. 67 อี มูห หมาย อี เฮา บอ อีบึณ บอ อีมาย, เฆ กอย บอ บู แหรณ ดี โอย มาย็อห ดี โอย ฆึร ดี บู วี. ดูอี อี นับ ดี ต็อห โหมว บอ อีบึณ บอ อีมาย, เฆ บอ กอย อา มาย็อห ดี พวน ฆึร ดี พัน วี. 68 มังปร็อง, เฆ บอ มึห บู มาย็อห ดี โอย ฆึร ดี เดา โดว. บอ มาโลว เฆ มึห อา มาย็อห ดี พวน ฆึร ดี พัน โดว. 69 มังปร็อง กาฮาต เฆ บอ มึห พวน มาย็อห ดี โอย ฆึร ดี พัน โดว. มาลา เฆ บอ มึห เดา แหรณ ดี บู มาย็อห ดี อา ฆึร โดว.

70 เฆ ดูอี บอกาเฆลียด บอ วี มึห น็อห ซี หลู ซี ดาน, แตห เฆ วี ปึอน ดี วี ซัม โฮว เฌาพรา โดง กอย บรีม อัน ตึอน. ดา กาณา อี อึบ มืง บอ หลู ครีว อู แหรณ กยาบ, ซีลัยะ ครีว พัน ฆึร โบ็ง บอ ซีโตว ตูน ปี ตา ดา อี หลู ดี เฌาพรา พัน มาย็อห ดี โอย ฆึร พืน. 71 เฆ อี มูห ฆีณ อึณโฮม มัง อี, เฆ บอ หลู ครีว อา หมึณ กยาบ บอ รึอน อา แหรณ ดี อา มาย็อห มีนา.^a 72 เฆ อี เฮา บอกาเฆลียด ปี บอ วี หลู ครีว อา หมึณ กยาบ บอ รึอน อา แหรณ มีนา.^b บอ ซีโตว ตูน ปี ตา ดา อี หลู ดี เฌาพรา เดา ฆึร ดี บู พืน.

73 ปาย ตี แคะ กอย เฆ ดูอี อีซาเรลัะ บอกาเฆลียด บอ มูห ดา อี หลู ดี เฌาพรา, ดูอี ครึร อาเลวี, ดูอี อี บัร โฮว เฌาพรา, เฆ อี ต็อห โหมว, ดูอี เรา ดูอี กาง บอ เฆ อี โบง ฆาน แคง โฮว เฌาพรา เฆ แฮะ วี ตัห กอย โตต แคง กาดาย มืง ยูดา โดง กอย เรา อาเซ เรา อัน.