1 คูนดีคัม อาซาโลวโมว วี จัร เฆ ดึห บ็อง เดณ, โบง กาโช็ง หลู อู โบ็ง. อึณ บอ ตาง อา ฆึร กานีห, การัม ดอน บลาก. นา จา อัน ฆึร กานีห. 2 แฮะ ฮอต, อัน วี ดึห บ็อง เดณ, โบง บอ อึณปาน ตาง อู โบ็ง อี ปี อึม ดึง กาลัง. จูห ดี โคบ อู บลาก กอ วี ฌัม โคบ ปอ อู บลาก, อึณ กาว็อห ฆึร กานีห. อึณ บอ จา พัน กานีห. เซ อี ดึห วัน เฆา โรบ ดี บาง อัน, อึณ กอย โอย ฆึร กานีห. 3 นา ครึม ดี บาง อึณปาน ตาง ตี, เฆ วี โบง ราง มัก อาโล็ง อู กานีห ฆึร โดว, โบง แตห อึณ กอย อา อึณแปรง. เฆ มืร โหลว อู เฌณ บอ อึณปาน ตาง ตี บอ ราง มัก ตี.

4 อึณปาน ตาง ตี, เฆ วี เบลห แดง ราง มัก อาโล็ง ฆึร ดี อา โดว. ซีโป็ง เฆ แฮะ ลึบ โตต นา แคง. เฆ บอ มางัห เลห บลาก นา กัว โอย โดว, บลาก นา เฆต ซีแง โอย โดว, บลาก นา เตต โอย โดว บอ บลาก นา เลห ซีแง โอย โดว. 5 นา เฮต อึณปาน ตาง ตี อู กาบา แด. ดี บาง อัน บอ ปี โบห คัมซอน บอ ปี บาง กอก. อึณปาน ตาง ตี บอ ปึอน ฮับ อึม โอย แหรณ ปาด.

6 อาซาโลวโมว วี จัร เฆ โบง บอ อึณปาน ดีแตด ฆึร โบ็ง. อัน บอ อูน บลาก นา เตต โฮว เฌาพรา พัน โบ็ง, บลาก นา กัว พัน โบ็ง. อึณปาน อึม เฆ ตี แบน โดง บาย เฆ โดว ซัดดาวา อี แบน ปี หลู อี โดะ ดี เงา. อึม แคง อึณปาน ตาง ตึอน แบน ปี จัร เฆ ดา อี หลู ดี เฌาพรา.

7 ดัง เงา ออม มืร, อัน แฮะ โบง ฆึร โบ็ง. อัน บอ โบง แตห อึณ ปี แปะ แฮะ ดึอม จัร เฌาพรา เฆ โบง. อัน วี เบลห อูน แคง โฮว เฌาพรา นา กัว พัน โบ็ง, นา เตต พัน โบ็ง.

8 อัน วี โบง บอ มาตีณ ฆึร โบ็ง, อูน แคง โฮว เฌาพรา ตี. อัน บอ อูน บลาก นา อาฆัะ พัน โบ็ง, นา อาอัห พัน โบ็ง. อัน วี โบง อูน บอ ซีลัยะ ครีว อู มาย็อห บลัะ.

9 อัน ปี วี โบง แวง บลาก นา แคง, แตห อึณ แบน อาดา เฆ ดา อี หลู ดี เฌาพรา. อัน โบง บอ แวง บลาก นา เรต อู โปละ. อัน โบง บอ มา มาโลห ดอน บลัะ, ปีด โตต บ็อง เดณ. 10 อี มูห อึณปาน ตาง ตึอน, อัน บอ เบลห อูน บลาก นา อาอัห โฮว เฌาพรา ดี กาโตะ บลาก นา เตต นา เลห ซีแง.

11 อัน มืร แฮะ โบง กาโละ, มัง โซก บอ อึณปาน ปี ดี คร็อห หนาม. ปาย ตี อาฮูรัม แฮะ โบง โตต โกรวกราม ครึง ตา อาดา โฮว เฌาพรา แปะ แฮะ กาแซณ อัน ดี อาซาโลวโมว ดี โบง.

12 อึณ บอ มูห ร็อง อา ณ็อง. ดี กาแดะ ร็อง อา ณ็อง ตี, วี มึห ราง ซีลัยะ อา โบ็ง บอ กาแบห อา โบ็ง.

13 อึณ มูห บอ ราง เบล มาจัก บ็อง เดณ พวน มาย็อห โบ็ง ปี ปัก ดึก เฆ ดี กาแบห อา โบ็ง ตึอน. เฆ แตห อึณ แบน อา อึณแปรง ดี กาแดะ ร็อง ตึอน.

14 อึณ มูห บอ กาโช็ง, แตห อึณ แบน โดง ดี อูน เฆ กาโละ เฆ อึณปาน. 15 อัน แฮะ โบง บอ อึณปาน ตาง อู โบ็ง บอ ราง มัก ฆึร ดี อา โดว อี วี บึม อึณปาน ตี.

16 อึณ มูห บอ กาโละ, มัง โซก, มัง แฌะ ยัง บอ โกรว แบน โมยว แบน โมยว ปี โลว ตา เฆ แคง โฮว เฌาพรา. อาฮูรัมอาพี แฮะ ดึห บ็อง เดณ, โบง ครึง ตา เฆ ตี ดอน โมยว. อัน มืร แฮะ พอดพัะ, แตห อึณ กอ กาลัะ มาบรีว, แตห อึณ บอ โดบ โฆรห ปี จัร อาซาโลวโมว อัน โบง อาดา โฮว เฌาพรา ตี. 17 คูนดีคัม แตห เฆ ดึห กาดาย กาปีด, โบง ปืง อัน, วี โหลว บ็อง นา แคง. โดง โบง เฆ ฆาน ตี, อึณ มูห ดี กาแต มืง ซูโคด ฆาย มืง นาทาน อี กอย ดี โคบ แบลง ยอดาน. 18 อาซาโลวโมว แฮะ ดึห บ็อง เดณ กืน กาเซา, โบง แบน โมยว แบน โมยว. โคว, อาว มึห อาเซ อี แป ดี ซัะ.

19 อาซาโลวโมว แฮะ โบง ครึง ปี ดี ตา เฆ แคง โฮว เฌาพรา ตี. อึณ บอ มูห กาโช็ง หลู อี มูห ครีว บอ กาโช็ง โดง ดาง เฆ คามูน ดี อาต เฌาพรา.

20 อึณ มูห บอ ดัง เงา ออม, บอ ซีลัยะ เงา ปี โบง เฆ ตา ครีว, แตห เฆ ปีด็อะ เงา โดง ซีงา บอด หลึอม โตต, แตห อึณ โดบ ปี ดึอม จัร เฌาพรา เฆ โบง.

21 บอ ราง โบห บอ เงา ออม บอ อึณเกียบ แฮะ มูห โตต ครีว แฌด.

22 บอ กัมแร ปี ดี ตา เฆ กับ แซ เงา ออม, ซีลัยะ บอ อาโฌว เฆ พาน, อึณ บอ มูห โตต ครีว แฌด ดีโลย. อึณ บอ มึห บอ มา มาโลห ตาง อี กอย โดง ดี ลึบ โฮง ซีงา บอด หลึอม โตต, บอ มาโลห อี กอย นา อาต โฮว เฌาพรา. ฌึร ตี ดอน โมยว แฮะ มูห โตต ครีว ดีโลย.