1 วาย ตี อาดาวีด กาโฆห ดี ดูอี พีลีที. อัน บอ แป เฆ. อัน บอ ปึอน มืง เมเทฆามา อี มูห มืง ปี อึบ เฆ ดูอี พีลีที.

2 อัน มืร แฮะ กาโฆห ดี เฆ ดูอี อาโมยว โมวอาบ บอ ปยาต เฆ. อัน แฮะ แตห เฆ อีด แดง กาดาย แบน อึณแปรง. แฮะ ฮอต, อัน ดึห วัน, วี เฆา. เฆ อี กอย แคะ โต็ง อา ลูน วัน, อัน ง็อห ยัม. เฆ อี ยี กอย แคะ โต็ง ปอ อู ลูน วัน, อัน อูน แตห เฆ อีม. ปาย ตี เฆ ดูอี อาโมยว โมวอาบ บอ แบน หมาย อาดาวีด อี โลว ฮับ รึอน จึง ดี อัน.

3 อาดาวีด บอ กาโฆห ดี อาฮาเดจา อี มูห ฆอน อาเรโฮบ. อัน มูห คูนดีคัม อี อึบ มืง จอพัะ ตึอน. อัน กาโฆห เฆ ตี ดอ ฮาว คูนดีคัม อาฮาเดจา, แตห อัน ปึอน ดี อึบ ดูอี อี กอย โคบ อึม แบลง อูพาราด ตึอน. 4 อาดาวีด บอ ดึห ดี อัน ลักเลา อู แหรณ หลาง บอ ดา อี ป็อะ ลักเลา ตี บู แหรณ วี บอ ดา ซึก อี ฮาว ดี เปลา อา หมึณ วี. อัน บอ ดึห อูน มังปร็อง อี ดืด ลักเลา อาดา อู มาย็อห โดว. อี กอย แดง ตี, อัน บอ แดบ โตต ซีนัะ ดี แฆะ เฆ.

5 เฆ ดูอี อาราม อี กอย แคง มืง ดามาคู ตึอน, เฆ บอ ตัห ต็อห ดี จอย ดา ซึก อาฮาเดจา อี มูห คูนดีคัม อี อึบ มืง จอพัะ ตึอน. อาดาวีด บอ ง็อห ดูอี อาราม อา หมึณ ดี อา แหรณ วี. 6 อัน บอ อูน ดา ซึก อัน แคง มืง ดามาคู อี กอย แคง กาดาย มืง อาราม ตึอน. ดูอี อาราม เฆ บอ กาดูห ดี แบน หมาย อาดาวีด, ฮับ รึอน จึง ดี อัน. อาดาวีด บอ ฮาว นา เหมา, เฌาพรา มืร จอย อัน, แตห อัน แป รันซู อัน.

7 อาดาวีด บอ ดึห มัง ฆ็อง ครีว ปี โฆ็ง ดูอี อาฮาเดจา ตึอน, วี ฮาว ดี มืง เยรูซาแลม. 8 อัน บอ ดึห บ็อง เดณ กืน กาเซา แคง มืง เทบา ฆาย มืง เบรอเซ อี มูห มืง ปี อึบ อาฮาเดจา ตึอน.

9 อึณ ยี มูห อาดออีด, อัน มูห คูนดีคัม อี อึบ มืง ฮามาด ตึอน. อัน บอ ยึร ลอง อาดาวีด แฮะ กาโฆห ดี พึง อาฮาเดจา ตึอน, 10 อัน บอ จัร ฆอน อีมาย อัน อี จืร อาโยวรัม, แตห อัน ฮาว โดง กอย คูนดีคัม อาดาวีด, แตห อัน กาลาง โฆรห ดาคึย ดี อัน, อืบ อัน โกบ แฮะ กาโฆห แป อัน อาฮาเดจา ตึอน. อัน โบง ปาย ตี โคว, บอ อัน แฮะ ดึอม ลาย กาโฆห ดี อาฮาเดจา ตึอน. อาโยวรัม บอ ดึห ดี โฆ็ง ซีลัยะ แบน โมยว แบน โมยว อี มูห รึอน เฆ ครีว เฆ บ็อง เดณ, วี ดัว ดี อาดาวีด.

11 อาดาวีด บอ ดึห หลู โตต ดี เฌาพรา. ปาย ตี อัน บอ หลู บอ รึอน เฆ ครีว แปะ แฮะ พาด ปึอน อัน ดี มืง แปะ แฮะ กาโฆห แป อัน ตึอน. 12 อัน ปึอน ตัห ดี มืง อาราม, มืง โมวอาบ, มืง โดง กอย เฆ ดูอี อัมโมน, มืง พีลีที บอ มืง อามาเลก เฆ ตึอน. บอ แปะ แฮะ พาด ดึห อัน ดี อาฮาเดจา อี มูห ฆอน อาเรโฮบ, อี มูห คูนดีคัม แคง มืง อาจอพัะ ตึอน, อัน ดึห หลู โตต ดี เฌาพรา.

13 อาดาวีด มืร แฮะ กาโฆห ดี ดูอี อาราม, แฮะ ง็อห ดูอี อู หมึณ ดี ดา แหรณ วี ดอ กาโฆห อัน ดี ฆลัง อี จืร ดีลัยะซัยะ ตึอน. ดอ วี ตัห อัน ดี ตี, เฆ บอ อืบ อัน ดอน นา ดอน โปละ. 14 อัน บอ อูน ดา ซึก อัน แคง มืง เอโดม ดอน นา ดอน โปละ. แคะ กอย ดูอี เอโดม, เฆ กาดูห ดี แบน หมาย อาดาวีด. อาดาวีด บอ ฮาว นา เหมา, เฌาพรา บอ จอย อัน ดอน นา ดอน โปละ.

15 ปัน ตี อาดาวีด บอ อึบ บึง มืง อีซาเรลัะ บอ มืง. อัน บอ ซูงพยาด ดารา อี มูห อี หมาน ดี ดูอี ปี อึบ อัน. 16 อายอพัะ อี มูห ฆอน นาง เจรูยา ตึอน อัน แฮะ วี แบน ดา โบว อี อึบ ดา ซึก. อายอซาพาด อี มูห ฆอน อาฮีลูด ตึอน บอ แบน ดา จาเร. 17 อาฌาโดก อี มูห ฆอน อาฮีโตบ, บอ อาฮีมาเลก อี มูห ฆอน อาบาทา, ฆาย บอ แบน ดา อี หลู ดี เฌาพรา. อาเซรายา บอ แบน ดา อี จอย ดา จาเร แดม แปะ. 18 อาบีนายา อี มูห ฆอน อาเยฮอยาดา อัน ปึอน ดี อึบ ดูอี เคเรซี บอ ดูอี เบลัะซี บอกาเฆลียด. เฆ ฆอน อาดาวีด มืร แฮะ แบน ดา อี หลู ดี เฌาพรา.