แคะ กอย คูนดีคัม ดูอี อาโมวรีด อี กอย นา เฆต ซีแง อึม แบลง ยอดาน บอ เฆ คูนดีคัม ดูอี อาโมยว กานัณ อี กอย โคบ อึม นัมมูกซารา บอกาเฆลียด, เฆ บอ ยึร ลอง เฌาพรา แฮะ โบง แตห อึม แบลง ยอดาน ฮีด, แตห เฆ ดูอี อีซาเรลัะ กอ ปึอน ดี กาโลห โตต, เฆ บอ โยว กาเซา. น็อห ยัะ น็อห กยัะ เฆ บอ หราย โกบ เฆ ดูอี อีซาเรลัะ ตี.

2 ดอ อัน ตี เฌาพรา วี กาลาง ดี อาโยวซูอา ต็อห, “แตห แม ดึห มาว, โบง แตห อึณ ลัม ปี อาตึม, วี แตห เบ ซัวะ แวน ฮูน ลัะคานา อีมาย ดูอี อีซาเรลัะ อี หณัม ดึอม ซัวะ.” 3 ปาย ตี อาโยวซูอา บอ โบง โดบ ปี กาลาง เฌาพรา ดี อัน. อัน บอ ซัวะ แวน ฮูน ลัะคานา อีมาย เฆ ดูอี อีซาเรลัะ ดอ กอย เฆ ดี นอน กีปาดฮารัะลอด.

4 อาโยวซูอา โลว วี ซัวะ แวน ฮูน ลัะคานา อีมาย เฆ. โคว, เฆ อีมาย อี เลห ตัห แคง มืง แอฆึบ ตึอน, เฆ แฮะ ฮอต ยัม โตต แคง แปร กาฮ็อห ดอ ฮาว เฆ โดบ อึณเตณ. 5 เฆ อีมาย อี เลห ตัห แคง มืง แอฆึบ, เฆ แฮะ ฮอต ซัวะ แวน ฮูน ลัะคานา เฆ. เฆ อี ฆึอด กามาย, อี ฆึอด ดอ ฮาว เฆ โดบ อึณเตณ ตี, เฆ บอกาเฆลียด หณัม มึห ดี ซัวะ แวน ฮูน ลัะคานา เฆ. 6 โคว, เฆ ดูอี อีซาเรลัะ แฮะ ฮาว โดบ อึณเตณ อาดา พวน ฆึร ซีนัม. ดอ อัน ตี เฆ ดา ซึก อี ตู โทม โฆรห เฌาพรา แฮะ ยัม โตต แคง แปร กาฮ็อห ตี. เฌาพรา มืร แฮะ ฮอต กาลาง อูน, เฆ ตู ปึอน ดี ยึร มืง บอด, มืง หมึอม, อี มูห กาดาย ซีคยา, อี มูห มืง แปะ แฮะ ดึอม กาแซณ อัน เฌา ดี ดัว ดี ฆูณ ดัง เฆ ตึอน. 7 หลูกหลาน ดูอี เฆ ตี หณัม ดึอม ซัวะ แวน ฮูน ลัะคานา อีมาย. โคว, อาโยวซูอา โลว วี ซัวะ แวน ฮูน เฆ บอ ฆอน เฆ อี ฆึอด กามาย. 8 วาย แฮะ ฮอต ซัวะ แวน อัน ฮูน ลัะคานา อีมาย เฆ ตี, ดูอี เฆ ตี บอกาเฆลียด บอ กอย โดง คยัะ เฆ ตี, แตห ดีม เฆ กอ แกน.

9 เฌาพรา วี ต็อห ดี อาโยวซูอา, “อาตึร นี, โอว แฮะ ดึห แวน แปะ แฮะ แนนัะ อี เฮา บอ แปะ แฮะ คัม เบ ดี แบน หมาย แคง มืง แอฆึบ ตึอน.” ปาย ตี โดง ตี เฆ บอ ต็อห, แตห อึณ จืร ฆีลัะฆา^a กอ ฌัม อาตึร นี.

10 ดอ กอย เฆ ดูอี อีซาเรลัะ ดี โดง จืร ฆีลัะฆา ตี, เฆ บอ โบง บลอย แคง ฆลัง อี กอย โคบ มืง เยรีโคว ดอ มูห มาเฆียน ตี, แฮะ ฌัม ซีแง ฆึร ดี อึณพวน. บลอย ตี เฆ โบง แคง หมึร. อึณ บอ มูห บลอย โหลห เฆ เฌาพรา ดอ กาโลห อัน กาง เฆ. 11 ซีแง วาย บลอย ตี, เฆ วี โฮม ปี ซัม อี แคง มืง ตี บอ คามูน อี ตู ฮับ ซีนัม บรัห บอ โหงว มาตูห. 12 คามูน มานา ตึอน, อึณ บอ หราย ซีแง ตี, อาว ฮู มึห. วาย ตี เฆ ดูอี อีซาเรลัะ อาว ฮู มึห ดี โฮม คามูน มานา ตี. ซีนัม ตี เฆ วี โฮม โหงว ดีฆาว อี เลห ตัห แคง มืง กานัณ.

13 ดอ กอย อาโยวซูอา โคบ มืง เยรีโคว ตี, อัน วี ยึร ดูอี อู วี อี แฮะ ฮอต ทอด ดี โฆ็ง มาปัวะ ลาง อัน, วี จ็อง ดี อาต อาโยวซูอา. อาโยวซูอา บอ ฮาว โดง กอย อัน บอ ดีหมอด อัน ต็อห, “แม มูห ดูอี บลาก เย? เซ อาว ปาย ตี แม มูห บลาก รันซู เย?”

14 ดูอี ตี วี ต็อห, “อาว มูห ปาย ตี โอว อี มูห ดา โบว ตาง อี อึบ ดา ซึก เฌาพรา, โอว แฮะ ตัห ดี นี.” อาโยวซูอา บอ วี มูด ฆึบ ดี กาดาย วี กรึบ อัน บอ ดีหมอด อัน ต็อห, “แม เฌา ซี กาลาง มาเซ ดี โอว?” 15 อัน แฮะ ฮอต ต็อห ปาย ตี ดา โบว ตาง อี อึบ ดา ซึก เฌาพรา ตึอน วี ต็อห, “แตห แม บูต คูดีณ แม. โคว, โดง จ็อง แม ตี, อึณ มูห โดง ซีงา บอด.” อาโยวซูอา มืร โบง โดบ ปี ต็อห อัน ตี.