Aã kareta Janejare'e 'Ãg omotekokuwaoka Peturu tokusiwa Jesu koty rewarà kõ pè maekwerà. Jesu remimo'ekwerà tè Peturu. A'e Jesu nopyteporoive wemimo'earà rã rõmõ remẽ, pira rewarà rõmõ tè ekoi mijã. Ajaire Jesu ojivy oo Janejare'e kyty remẽ, Janejare'e 'Ãg omokasi imotekokuwa Jesu koty rewarà kõ motekokuwaarà rõmõ toiko. Jerusarẽ taa pè ywesõ poromotekokuwa iko ipi (J.K.R. 1–12). Ajawyi Jerusarẽ taa pe wyi okareta kusiwarerà omono Jesu rè ojirovija mãe kõ pè, tomã'ẽ ee kupa. Temimomorijau kõ pè okusiwa, pirujẽ ãmõ taa taa rupiwarà kõ pè teve.