Cautera mala Bulǝs aban ká aban
AMƏ GALATI
Mǝncau
Lang amǝ'mishan tinata hamnǝ Cau Amsǝban amur Yesu Kǝrǝsti, sǝ aɓwana mǝnana amǝ Yahudi na raka, à nǝ̀ nggǝ ak ce ka, ɗiban yi lo ama, ko dumǝna púp she ɓǝ̀ ɓwa kpana ata Nggurcau mala Musa ka sǝ nǝ̀ pǝlǝ mǝkpata Yesu Kǝrǝsti le? Bulǝs angŋa dǝmbǝa bǝlǝna ɓālǝi ama mǝnia ka pà kàm anggo ɗang. Sǝa ma aɓalǝ a'ikǝlisiya aɓa nggeala Galati, a bu-nzali mala amǝ Asiya mǝkyauwe ka, aɓea aɓwana na kam mǝnana à lo makgir andǝ Bulǝs, à bangŋa ama, dumǝna púp ɓwa nǝ̀ kpata Nzongcau mala Musa ace gilǝki do male pepe andǝ Ɓakuli.
Cautera mala Bulǝs aban ká aban amǝ Galati ka à gilǝì ace mǝnana ɓǝa nyesǝ aɓwana mǝnana à kuti aɓa ɓosǝkiban mala mǝnia yì kanigir mǝ'nyirì ka, ɓǝa nyare aɓa pe andǝ kpata paɓamuru mǝ'mǝsǝcau nì aban Ɓakuli. Bulǝs bang kuni ama yì ka, mǝturo mishan mala Yesu Kǝrǝsti na, sǝ mǝnia yì tunǝban male mala duk mǝ'mishan ace ká nǝ Cau Amsǝban mala Ɓakuli aban aɓwana arǝ acili anzali ka, pur nǝ́ ban Ɓakuli, ɓwapǝndǝa na à twali ka ɗang. Lǝmndǝi ama paɓamuru nǝmurǝì ɓǝrɓǝr aɓa Yesu Kǝrǝsti ka, nda nǝ̀ tsǝk aɓwana sǝ à nǝ̀ kum akban aban Ɓakuli ka. Ɗǝm ngga lǝmndǝì amǝkpata Yesu Kǝrǝsti, ulang ɓealǝu mana kǝ pur aɓa earcearǝu mǝnana kǝ yiu nǝban paɓamuru aban Kǝrǝsti ka. Kum panzǝban mǝ'mǝsǝcau nì kǝ yiu, ɓǝ̀ sǝm ak ɓoro mala ɓwamuru mala Ɓakuli nǝ bumpwasǝa, sǝ sǝm pa ɓamur sǝm aɓata Bangŋo, mǝnana pusǝkiyi aɓǝle aɓalǝ sǝm ngga.
Gakita acau mǝnana a ɓalǝi ka
Mǝn cau1:1-10
Rǝcandǝa mala Bulǝs mala duk mǝ'mishan1:11–2:21
Cau Amsǝban mala ɓwamuru mala Ɓakuli3:1–4:31
Do ɓa panzǝban mala amǝkwaɗi andǝ turo malea5:1–6:10
Masǝlǝata cau6:11-18