Cautera mala Bulǝs aban ká aban
AMƏ AFISU
Mǝncau
Cautera mala Bulǝs aban ká aban amǝ Afisu ka, Bulǝs nǝ̀ gilǝì a baku mana nda a ndàkurban a Roma ka. Cau mǝgule aɓa mǝnia yì cautera ka nda mana ama Ɓakuli kanina nǝ̀ dapi koya gir mǝnana a kuli andǝ nzali kat aɓata rǝcandǝa mala Kǝrǝsti. Yì cautera ka ɓakɓabum amǝkwaɗi ɓǝa dukdo a njar mana nǝ̀ lǝmndǝa aɓa mǝsǝcau ama à dumǝna mwashat, bangŋe na a mburkun nǝmurǝì ɗang.
Mǝgilǝgir bang cau amur: njargula mǝnana Ɓakuli Tarrû kǝ tarkina aɓwana male nǝi, kǝ twalia wia banì, sǝ kǝ panzǝia aɓalǝ acauɓikea malea nǝ bu Yesu Kǝrǝsti, yì Muni, andǝ pa mǝnana pa Bangŋo Mǝfele ace lǝmndǝ ama pacau male mǝgule mǝnana pa ka, mǝsǝcau na nǝ̀ lumsǝì.
Mǝgilǝgir pak turo nǝ akanicau ɗàngɗáng ace lǝmndǝ dotarǝu mǝ'mwashati mala aɓwana mala Ɓakuli aɓa kpapi malea andǝa Kǝrǝsti. Ikǝlisiya ka nda kǝla nggūrǝu, mǝnana Kǝrǝsti do nda ɓamuru; sǝ a ɓe njari ka, nda kǝla ɓah, mǝnana Kǝrǝsti do nda nggea tali mǝgule mǝnana bwal kusǝ ɓah ka; sǝ a ɓe njari ɗǝm ngga Ikǝlisiya do kǝla mɓwama, mǝnana Kǝrǝsti do kǝla bura mɓwama ka.
Agir mǝnana a ɓālǝi ka
Mǝn cau1:1-2
Kǝrǝsti andǝ Ikǝlisiya1:3–3:21
Bǝsa yilǝmu aɓa Kǝrǝsti4:1–6:20
Masǝlǝata cau6:21-24