Cautera mala Bulǝs aban ká aban
AMƏ FILIPI
Mǝncau
Cautera mala Bulǝs aban ká aban Amǝ Filipi ka, Bulǝs nǝ̀ gilǝì ace ikǝlisiya mana a Filipi, a baku mana yì ka, nda aɓa kùrban ngga. A baku mǝno ka aɓea amǝturo kwaɗi mǝnana à earnǝ kanigir male raka à nda aban soaki ɓabumi, sǝ yì ka, nda aɓa bumkiɗikea ace kanigir nyir mǝnana ndakam aɓa ikǝlisiya a nggeala Filipi ka. Kat andǝ amǝno ka cau ɓa cautera man ngga, lumsǝ nǝ bumpwasǝa andǝ ɓabum candǝa mǝnana kǝ̀ paɓamuru mǝkǝrkǝr nì mala Bulǝs aban Yesu Kǝrǝsti na ɓǝrɓǝr nǝ̀ gandǝ mǝngge ka.
Bulǝs tite nǝ pak yàwá aban amǝkwaɗi mala amǝ Filipi ace ɓoro mǝnana à turi wi ban nǝi ɓǝ̀ pakki wi gbasha aɓa tǝle male ka. Kat andǝ atanni male ka ɓak ɓabumia ɓǝa kum mǝsǝkang-kangŋa aɓalǝ atanni malea. Ɓuakia rǝia ɓǝa kum ulang ɓealǝu mala nongsǝmuru mala Yesu, ɓǝa kǝa eari ɓabum mala earce ɓamuru andǝ twalɓamuru ɓǝ̀ gingnǝia ɗang. Kasǝ ɓalǝia ama do malea aɓa kpapi andǝa Kǝrǝsti Yesu ka, ɓoro mala ɓwamuru mala Ɓakuli na abania ace paɓamuru malea; pa ace kpata Nggurcau mala amǝ Yahudi ɗang. Gilǝ cau amur banɓoarnado andǝ dorǝpwala mǝnana Ɓakuli kǝ pe aɓwana mǝnana à kpapi muria andǝa Kǝrǝsti ka.
Agir mǝnana aɓalǝi ka
Makkun1:1-11
Aɓealǝu mǝnana Bulǝs kum ɓamuri a ɓalǝia ka1:12-26
Do aɓa Kǝrǝsti1:27–2:18
Aturo mǝnana à ndakam ace Timoti andǝ Apafuroditus ka2:19-30
Nunkiru arǝ aɓibura andǝ agir murmwana3:1–4:9
Bulǝs andǝ agyajam male amǝ Filipi4:10-20
Masǝlǝata cau4:21-23